¶ 1 BEA nae toki tali e Jobe, o ne behe,

2 Oku kona aubito a eku mamahi, io, i he aho ni: bea mamafa lahi hoku ta i he eku faa to‘e.

3 Taumaiā keu ilo ae botu teu ma‘u ai ia! keu a‘u atu ki hono nofoaga!

4 Teu fakamatala eku mea i hono ao, o fakafonu hoku gutu aki ae gaahi lea fakamamafa.

5 Teu ilo ai ae gaahi lea te ne tali aki au, beau faa ilo aia te ne lea aki mai kiate au.

6 He te ne fai mo au aki hono malohi lahi? Ikai; ka te ne ai ae malohi kiate au.

7 E faa alea ai mo ia ae maonioni; bea e fakamoui taegata ai au mei hoku fakamāu.

8 Vakai, oku ou alu atu, ka oku ikai i ai ia; bea oku ou foki mai, kae ikai teu ilo‘i ia:

9 Ki he toohema, oku ne gaue ai, kae ikai teu jio ki ai: bea oku ne fufu ia i he toomatau, ke oua naaku ilo ia:

10 Ka oku ne ilo ae hala oku ou alu ai: bea ka oji ene ahiahi‘i au, teu hao mai o hage koe koula.

11 Kuo buke mau e hoku va‘e ki hono lakaaga, bea kuou alu i hono hala, o ikai afe.

12 Bea nae ikai teu foki mai mei he fekau a hono fofoga: kuou fufu i hoku loto ae gaahi lea a hono fofoga.

13 Ka oku behe ai be ia bea kohai te ne liliu ia? bea koia oku tokaga ki ai hono finagalo, e fai be eia.

14 He te ne fakakakato hoku inaji kuo tuutuuni: bea oku lahi ae mea behe iate ia.

15 Koia oku ou manavahe ai i hono ao: bea kau ka fakakaukau, oku ou ilifia kiate ia.

16 He oku fakamolu hoku loto e he Otua, bea oku fakamamahi‘i au e he Mafimafi:

17 Koeuhi nae ikai tuuji au i he teeki hoko ae fakabouli, o ikai ufiufi eia ae bouli mei hoku mata.