Vahe 17
1 Oku liliu a Jobe mei he tagata ki he Otua. 6 Oku ofo ae kakai maonioni i he aga tae ofa ae kau tagata ki he kakai oku mamahi, ka oku ikai te nau vaivai ai. 11 Oku ikai i he moui ni a ene amanaki, ka i he mate.
¶ 1 OKU eho eku mānava, kuo oji hoku gaahi aho, oku tali ae gaahi luo kiate au.
2 Ikai oku iate au ae kau manuki? bea ikai oku nofo mau i hoku ao e nau ahiahi kovi?
3 Koeni, ke tuku hifo, ke ai haaku fakamooni meiate koe; kohai ia te ma ta nima mo au?
4 He kuo ke fufu ho nau loto mei he ilo: koia e ikai ai te ke hakeaki‘i akinautolu.
5 Ko ia oku ne lea labu ki hono kaiga, e vaivai ae mata o ene fānau aana.
6 Kuo ne tuku au koe taukaeaga oe kakai; ka naaku tatau mua moe mea faiva.
7 Kuo nenefu hoku mata koe mea i he mamahi, bea koe ata be a hoku kubu‘i jino kotoabe.
8 E ofo ae kakai agatonu i he mea ni, bea koe taeagahala te ne ue‘i ia ki he malualoi.
9 E fakakukafi foki ae maonioni i hono hala, bea ko ia oku nima maa e fakahoko eia ae malohi ki he malohi.
10 Ka ko kimoutolu kotoabe, mou foki o alu: he oku ikai teu faa ilo ha taha oku boto iate kimoutolu.
11 Kuo oji hoku gaahi aho, kuo motuhi eku gaahi tuutuuni, io, aia naaku loto ki ai.
12 Oku nau liliu ae bo koe aho: oku fuonounou ae māma koe mea i he fakabouli.
13 Kabau teu tatali, ko hoku fale ae faitoka be: kuo gaohi hoku mohega i he fakabouli.
14 Kuou behe ki he bobo, Ko eku tamai koe: bea ki he kelemutu, Ko eku fa‘e, mo hoku tuofefine.
15 Bea kofaa eni a eku amanaki lelei? io, ko eku amanaki lelei, kohai te ne mamata ki ai?
16 E alu hifo ia ki he gaahi tabuni oe luo, oka tau ka mālōlō fakataha i he efu.