ປຈສ, ລູກາ 6:29–30. ປຽບທຽບໃສ່ກັບ ລູກາ 6:29–30
ພຣະເຢຊູສອນວ່າ ມັນເປັນການດີກວ່າທີ່ຈະອົດທົນກັບການຂົ່ມເຫັງ ແທນທີ່ຈະຕໍ່ສູ້ກັບສັດຕູ.
29 ແລະ ຖ້າຜູ້ໃດຕົບແກ້ມເຈົ້າເບື້ອງໜຶ່ງ, ຈົ່ງປິ່ນໃຫ້ເຂົາຕົບອີກເບື້ອງໜຶ່ງ; ຫລື, ໃນອີກຄຳໜຶ່ງ, ມັນເປັນການດີກວ່າທີ່ຈະປິ່ນໃຫ້ເຂົາຕົບອີກເບື້ອງໜຶ່ງ, ແທນທີ່ຈະດ່າຄືນ. ແລະ ຖ້າຜູ້ໃດຍາດເອົາເສື້ອຊັ້ນນອກຂອງເຈົ້າໄປ, ຖ້າເຂົາຈະເອົາເສື້ອຊັ້ນໃນກໍຢ່າຫວງຫ້າມ.
30 ເພາະມັນເປັນການດີກວ່າທີ່ຈະອົດທົນກັບສັດຕູຂອງເຈົ້າ ເພື່ອປ່ອຍໃຫ້ເຂົາເອົາສິ່ງຂອງເຫລົ່ານັ້ນໄປ, ແທນທີ່ຈະຕໍ່ສູ້ກັບເຂົາ. ແທ້ຈິງແລ້ວ ເຮົາກ່າວກັບເຈົ້າວ່າ, ພຣະບິດາເທິງສະຫວັນຂອງເຈົ້າ ຜູ້ເຫັນເຈົ້າຢູ່ໃນບ່ອນລັບ, ຈະນຳຄົນຊົ່ວຄົນນັ້ນມາສູ່ການພິພາກສາ.