ປຈສ, 1 ຊາມູເອນ 16:14–16, 23. ປຽບທຽບໃສ່ກັບ 1 ຊາມູເອນ 16:14–16, 23; ມີການປ່ຽນທີ່ຄ້າຍຄືກັນ ໃນ 1 ຊາມູເອນ 18:10 ແລະ 19:9
ວິນຍານຊົ່ວຮ້າຍທີ່ເຂົ້າສິງຢູ່ໃນໂຊນ ບໍ່ແມ່ນມາຈາກພຣະຜູ້ເປັນເຈົ້າ.
14 ແຕ່ພຣະວິນຍານຂອງພຣະຜູ້ເປັນເຈົ້າໄດ້ໄປຈາກໂຊນ, ແລະ ວິນຍານຊົ່ວຮ້າຍ ຊຶ່ງບໍ່ແມ່ນມາຈາກພຣະຜູ້ເປັນເຈົ້າໄດ້ມາທໍລະມານເພິ່ນ.
15 ແລະ ພວກຄົນໃຊ້ຂອງໂຊນໄດ້ກ່າວກັບເພິ່ນວ່າ, ຈົ່ງເບິ່ງ ບັດນີ້, ວິນຍານຊົ່ວຮ້າຍ ຊຶ່ງບໍ່ແມ່ນມາຈາກພຣະເຈົ້າ ໄດ້ມາທໍລະມານທ່ານ.
16 ຈົ່ງໃຫ້ທ່ານອອກຄຳສັ່ງຜູ້ຮັບໃຊ້ຂອງທ່ານມາເທີ້ນ, ຊຶ່ງຢູ່ຕໍ່ໜ້າທ່ານ, ໃຫ້ໄປຊອກຫາຊາຍຄົນໜຶ່ງ, ຜູ້ມີຝີມືໃນການດີດພິນ; ແລະ ເຫດການຈະບັງເກີດຂຶ້ນ, ເມື່ອວິນຍານຊົ່ວຮ້າຍ, ຊຶ່ງບໍ່ແມ່ນມາຈາກພຣະເຈົ້າ, ມາເຂົ້າສິງທ່ານ, ຊາຍຄົນນັ້ນຈະດີດພິນຂອງລາວ, ແລະ ທ່ານກໍຈະເປັນປົກກະຕິ.
23 ແລະ ເຫດການໄດ້ບັງເກີດຂຶ້ນ, ເມື່ອວິນຍານຊົ່ວຮ້າຍ, ຊຶ່ງບໍ່ແມ່ນມາຈາກພຣະເຈົ້າ, ໄດ້ເຂົ້າສິງໂຊນ, ດາວິດກໍໄດ້ຍົກພິນຂຶ້ນ, ແລະ ໄດ້ດີດດ້ວຍມືຂອງລາວ; ສະນັ້ນໂຊນຈຶ່ງຮູ້ສຶກສະບາຍຂຶ້ນ, ແລະ ເປັນປົກກະຕິ, ແລະ ວິນຍານຊົ່ວຮ້າຍໄດ້ອອກໄປຈາກເພິ່ນ.