ປຈສ, ຄາລາເຕຍ 3:19–20. ປຽບທຽບໃສ່ກັບ ຄາລາເຕຍ 3:19–20
ໂມເຊເປັນຜູ້ເປັນກາງຂອງພັນທະສັນຍາທຳອິດ, ຫລື ກົດ. ພຣະເຢຊູຄຣິດເປັນຜູ້ເປັນກາງຂອງພັນທະສັນຍາໃໝ່.
19 ດັ່ງນັ້ນແລ້ວ, ໄດ້ມີກົດຕື່ມເພາະການລ່ວງລະເມີດທັງຫລາຍ, ຈົນກວ່າເຊື້ອສາຍຈະມາ ຊຶ່ງຜູ້ຄົນເຫລົ່ານັ້ນໄດ້ຮັບສັນຍາ ໃນກົດທີ່ໄດ້ມອບໃຫ້ແກ່ໂມເຊ, ຜູ້ຖືກແຕ່ງຕັ້ງໂດຍມືຂອງທູດ ເພື່ອໃຫ້ເປັນຜູ້ເປັນກາງຂອງພັນທະສັນຍາທຳອິດນີ້, (ກົດ.)
20 ບັດນີ້ ຜູ້ເປັນກາງຜູ້ນີ້ ບໍ່ໄດ້ເປັນຜູ້ເປັນກາງຂອງພັນທະສັນຍາໃໝ່; ແຕ່ມີຜູ້ເປັນກາງຄົນໜຶ່ງຂອງພັນທະສັນຍາໃໝ່, ຊຶ່ງເປັນພຣະຄຣິດ, ດັ່ງທີ່ມັນໄດ້ຖືກຂຽນໄວ້ໃນກົດ ກ່ຽວກັບຄຳສັນຍາທີ່ໄດ້ເຮັດໄວ້ ກັບອັບຣາຮາມ ແລະ ເຊື້ອສາຍຂອງເພິ່ນ. ບັດນີ້ ພຣະຄຣິດເປັນຜູ້ເປັນກາງຂອງຊີວິດ; ເພາະນີ້ຄືຄຳສັນຍາຊຶ່ງພຣະເຈົ້າໄດ້ເຮັດໄວ້ກັບອັບຣາຮາມ.