ປຈສ, ລູກາ 21:24–26. ປຽບທຽບໃສ່ກັບ ລູກາ 21:25–26
ພຣະເຢຊູກ່າວເຖິງເຄື່ອງໝາຍບາງຢ່າງຂອງການສະເດັດມາຂອງພຣະອົງ.
24 ບັດນີ້ ພຣະອົງໄດ້ກ່າວສິ່ງເຫລົ່ານີ້ກັບເຂົາເຈົ້າ, ກ່ຽວກັບຄວາມພິນາດຂອງເຢຣູຊາເລັມ. ແລະ ຈາກນັ້ນສານຸສິດຂອງພຣະອົງໄດ້ຖາມພຣະອົງ, ກ່າວວ່າ ອາຈານເອີຍ, ຂໍຈົ່ງບອກພວກຂ້ານ້ອຍກ່ຽວກັບການສະເດັດມາຂອງພຣະອົງ?
25 ແລະ ພຣະອົງໄດ້ຕອບເຂົາເຈົ້າ, ແລະ ກ່າວວ່າ ໃນເວລາຂອງລຸ້ນຄົນຕ່າງຊາດຈະສິ້ນສຸດ, ຈະມີເຄື່ອງໝາຍຢູ່ໃນດວງຕາເວັນ, ແລະ ໃນດວງເດືອນ, ແລະ ໃນດວງດາວ; ແລະ ຈະມີຄວາມທຸກຮ້ອນເທິງແຜ່ນດິນໂລກຕາມປະເທດຕ່າງໆ ຊຶ່ງມີຄວາມສະຫງົນສົນເທ, ດັ່ງສຽງກ້ອງຂອງທະເລ ແລະ ຟອງຄື້ນ. ແຜ່ນດິນໂລກຈະວຸ້ນວາຍຄືກັນ, ແລະ ຜືນນ້ຳທີ່ເລິກທີ່ສຸດ;
26 ໃຈຂອງມະນຸດທໍ້ຖອຍເພາະຄວາມຢ້ານກົວ, ແລະ ເພາະຫລຽວຫາສິ່ງເຫລົ່ານັ້ນທີ່ຈະມາສູ່ແຜ່ນດິນໂລກ. ເພາະອຳນາດໃນຟ້າສະຫວັນຈະສັ່ນສະທ້ານຫວັ່ນໄຫວ.
ປຈສ, ລູກາ 21:32. ປຽບທຽບໃສ່ກັບ ລູກາ 21:32
ທຸກສິ່ງທັງປວງຈະສຳເລັດຄົບຖ້ວນ ເມື່ອເວລາຂອງຄົນຕ່າງຊາດສິ້ນສຸດລົງ.
32 ຕາມຈິງແລ້ວ ເຮົາກ່າວກັບພວກເຈົ້າວ່າ ຄົນລຸ້ນນີ້, ລຸ້ນທີ່ເມື່ອເວລາຂອງຄົນຕ່າງຊາດສິ້ນສຸດລົງ, ຈະບໍ່ລ່ວງພົ້ນໄປ ຈົນກວ່າທຸກສິ່ງທັງປວງຈະສຳເລັດຄົບຖ້ວນ.