ປຈສ, ລູກາ 16:16–23. ປຽບທຽບໃສ່ກັບ ລູກາ 16:16–18
ກົດ ແລະ ສາດສະດາເປັນພະຍານເຖິງພຣະເຢຊູ. ພວກຟາຣີຊາຍພະຍາຍາມທຳລາຍອານາຈັກ. ພຣະເຢຊູເລົ່າຄຳອຸປະມາເລື່ອງເສດຖີກັບລາຊາໂຣ.
16 ແລະ ພວກເຂົາໄດ້ກ່າວກັບພຣະອົງວ່າ ພວກເຮົາມີກົດ ແລະ ມີສາດສະດາ; ແຕ່ສຳລັບຊາຍຄົນນີ້ ພວກເຮົາຈະບໍ່ຮັບລາວເປັນຜູ້ປົກຄອງຂອງພວກເຮົາ; ເພາະລາວຕັ້ງຕົວເອງເປັນຜູ້ຕັດສິນພວກເຮົາ.
17 ແລ້ວພຣະເຢຊູໄດ້ກ່າວກັບພວກເຂົາວ່າ, ກົດ ແລະ ສາດສະດາເປັນພະຍານເຖິງເຮົາ; ແທ້ຈິງແລ້ວ, ແລະ ແມ່ນສາດສະດາທັງຫລາຍຜູ້ໄດ້ຂຽນໄວ້, ແມ່ນແຕ່ຈົນເຖິງໂຢຮັນ, ໄດ້ບອກລ່ວງໜ້າເຖິງວັນເວລາເຫລົ່ານີ້.
18 ນັບແຕ່ເວລານັ້ນມາ, ມີການສັ່ງສອນກ່ຽວກັບອານາຈັກຂອງພຣະເຈົ້າ, ແລະ ທຸກຄົນທີ່ສະແຫວງຫາຄວາມຈິງ ຈະຍາດກັນເຂົ້າໄປໃນນັ້ນ.
19 ແລະ ການທີ່ສະຫວັນ ແລະ ແຜ່ນດິນໂລກຈະລ່ວງໄປ ກໍງ່າຍກວ່າທີ່ກົດພຽງແຕ່ຈຸດດຽວ ຈະຖືກຍົກເລີກ.
20 ແລະ ດ້ວຍເຫດໃດພວກເຈົ້າຈຶ່ງສອນກົດ, ແລະ ປະຕິເສດສິ່ງທີ່ມີຂຽນໄວ້; ແລະ ກ່າວໂທດຜູ້ທີ່ພຣະບິດາໄດ້ສົ່ງມາ ເພື່ອເຮັດໃຫ້ກົດສຳເລັດຄົບຖ້ວນ, ເພື່ອພວກເຈົ້າທຸກຄົນອາດໄດ້ຮັບການໄຖ່?
21 ໂອ້ ຄົນໂງ່ເອີຍ! ພວກເຈົ້າໄດ້ກ່າວຢູ່ໃນໃຈວ່າ ບໍ່ມີພຣະເຈົ້າ. ແລະ ພວກເຈົ້າບິດເບືອນທາງທີ່ຖືກຕ້ອງ; ແລະ ອານາຈັກສະຫວັນຕ້ອງທົນກັບຄວາມຮຸນແຮງຂອງພວກເຈົ້າ; ແລະ ພວກເຈົ້າຂົ່ມເຫັງຄົນທີ່ອ່ອນໂຍນ; ແລະ ໃນຄວາມຮຸນແຮງຂອງພວກເຈົ້າ ພວກເຈົ້າພະຍາຍາມທຳລາຍອານາຈັກ; ແລະ ພວກເຈົ້າພາລູກໆຂອງອານາຈັກໄປໂດຍການໃຊ້ກຳລັງ. ວິບັດແກ່ພວກເຈົ້າທັງຫລາຍ, ພວກເຈົ້າເຮັດຜິດຖານຫລິ້ນຊູ້!
22 ແລະ ພວກເຂົາໄດ້ໝິ່ນປະໝາດພຣະອົງອີກ, ໂດຍທີ່ໃຈຮ້າຍເພາະຄຳກ່າວ, ທີ່ວ່າພວກເຂົາເປັນຄົນຫລິ້ນຊູ້.
23 ແຕ່ພຣະອົງໄດ້ກ່າວຕໍ່ໄປວ່າ, ຜູ້ໃດກໍຕາມທີ່ຢ່າຮ້າງເມຍຂອງຕົນ, ແລະ ໄປແຕ່ງງານກັບຍິງອື່ນ ກໍຜິດໃນຖານຫລິ້ນຊູ້; ແລະ ຜູ້ໃດກໍຕາມທີ່ແຕ່ງງານກັບຍິງແມ່ຮ້າງ, ກໍຜິດໃນຖານຫລິ້ນຊູ້. ແທ້ຈິງແລ້ວ ເຮົາກ່າວກັບພວກເຈົ້າວ່າ ເຮົາຈະປຽບທຽບພວກເຈົ້າໃສ່ກັບເສດຖີຄົນໜຶ່ງ.