Lits´ebeletso le Liphatlalatso

Lits’ebeletso tsa Boprista

Tse Kahare
Leqephe la Sehlooho
Selelekela
Ho Reha le Ho Hlohonolofatsa Bana
Kolobetso
Tiiseletso
Selallo
Ho Behoa
Ho Khetheloa Ho Sebeletsa
Ho Rapella Oli
Ho Sebeletsa ba Kulang
Litlhohonolofatso tsa Mats’eliso le Boeletsi
Ho Hlohonolofatsa Matlo
Ho Hlohonolofatsa Mabitla
Lipuisano tsa Tumello ea Ho Kena Tempeleng

Lits’ebeletso tsa Boprista

Lits’ebeletso tsa Boprista

Leqephe la Sehlooho
Selelekela
Lits’ebeletso le litlhohonolofatso ke liketso tse halalelang tse etsoang ka tokelo ea boprista le ka lebitso la Jesu Kreste.
Ho Reha le Ho Hlohonolofatsa Bana
Bana ka tloaelo ba rehoa le ho hlohonolofatsoa ka nako ea kopano ea ho itima le bopaki lekaleng le leholo la moo batsoali ba lulang. Maemomg a fapaneng a nako le sebaka se tloaelehileng sa tlhohonolofatso ea ngoana a lokela ho lumelloa ke mobishopo.
Kolobetso
Kolobetso ka ho inela ka metsing ke ea nang le tokelo e hlokahala bakeng sa hore motho a fetohe setho sa Kereke ‘me a fumane Moea o Halalelang. Bohle ba batlang phahamiso ba lokela ho latela mohlala oa Mopholosi ka ho amohela lits’ebeletso tsena.
Tiiseletso
Kamor’a hore motho a kolobetsoe, o tiiseletsoa e le setho sa Kereke ‘me o amohela Moea o Halalelang ka peho ea matsoho (bona Lithuto tsa Tumelo le Lilekane 20:41; Diketso 19:1–6). Motho eo o fetoha setho sa Kereke kamorao hore lits’ebeletso tsena tse peli li phetheloe ‘me li ngolisoe ka nepo (bona Johanne 3:5; Lithuto tsa Tumelo le Lilekane 33:11; 3 Nefi 27:20).
Selallo
Litho tsa Kereke li kopana ka letsatsi la Sabatha ho khumamela Molimo le ho nka selallo. Nakong ea ts’ebeletso ena, li nka bohobe le metsi ho hopola sehlabelo sa Mopholosi sa nama ea hae le mali le ho nchafatsa lilekane tsa tsona tse halalelang.
Ho Behoa
Ho na le likarolo tse peli tsa boprista: boprista ba Aarone le ba Melkisedeke. Ha boprista bo fanoa ho motho, o boetse o behoa ofising ea boprista boo. Kamor’a hore bo bong ba boprista bona bo fanoe, monna o lokela feela ke ho behoa liofising tsa boprista boo.
Ho Khetheloa Ho Sebeletsa
Litho tse bitsoang le ho ts’ehetsoa mesebetsing e mengata ea Kereke li lokela ho khetheloa ho sebeletsa mesebetsing eo (bona Johanne 15:16; Lithuto tsa Tumelo le Lilekane 42:11). Nakong ea ho khetheloa ho sebeletsa, motho o fuoa (1) tokelo ea ho sebetsa pitsong eo le (2) mantsoe a tlhohonolofatso joaloka ha a tataisoa ke Moea.
Ho Rapella Oli
Ba ts’oereng Boprista ba Melkisedeke ba lokela ho rapella oli ea mohloare pele e ka sebelisoa ho tlotsa ba kulang kapa ba mahlomoleng (bona Jakobo 5:14). Ha ho oli e ‘ngoe e ka sebelisoang.
Ho Sebeletsa ba Kulang
Ho sebeletsa ba kulang “ka peho ea matsoho” ho na le likarolo tse peli: tlolo ka oli le tiiso ea tlolo ka tlhohonolofatso. Haeba oli e rapelletsoeng e sa fumanehe, tlhohonolofatso e ka fanoa ke ea ts’oereng Boprista ba Melkisedeke ntle le tlolo.
Litlhohonolofatso tsa Mats’eliso le Boeletsi
Ho fana ka tlhohonolofatso ea mats’eliso le boeletsi kapa tlhohonolofatso e fanoang ke ntate, ea ts’oereng Boprista ba Melkisedeke a le mong kapa ba bangata ba beha matsoho a bona ha bobebe hloohong ea motho. Ebe a le mong ea buang bakeng sa ba bang:
Ho Hlohonolofatsa Matlo
Litho tsa Kereke li ka etsa hore matlo a tsona a hlohonolofatsoe ka tokelo ea Boprista ba Melkisedeke. Ho hlohonolofatsa ntlo, ea ts’oereng Boprista ba Melkisedeke:
Ho Hlohonolofatsa Mabitla
Ho hlohonolofatsa lebitla, ea ts’oereng Boprista ba Melkisedeke:
Lipuisano tsa Tumello ea Ho Kena Tempeleng
Temple ke ntlo ea Morena. Ho kena tempeleng le ho nka karolo lits’ebeletsong tsa teng ke monyetla o halalelang. Monyetla oona o behetsoe bakeng sa ba itokisitseng moeeng le ho pheella ho phela ka lipehelo tsa Morena joaloka ha li khethiloe ke baetapele ba boprista ba lumelletsoeng.