Njem Mpaghara Ọdịda Anyanwụ nke Nzukọ-nsọ

Fayette Onye-amụma Joseph Smith hapụrụ Fayette gaa Kirtland, Ohio na Jenuarị 1831, Ngalaba atọ ahụ nke New York sochiri na Epril na Mee 1831 n’ihi iwu nke Onye-nwe nyere ka a kpọkọta (hụ OznỌd. 37; 38).

Kirtland Isi ụlọ-ọrụ nke Nzukọ-nsọ site 1 Februarị 1831 ruo 12 Jenuarị 1838, mgbe Onye-amụma gara na Far West, Missouri.

Independence Onye-nwe matara Independence (dị n’Ógbè Jackson, Missouri) dịka ebe etiti nke Zaịọn na Julaị 1831 (hụ OznỌd. 57:3). Ndị na-agba aghara chụpụrụ Ndị-nsọ n’ike site n’Ógbè Jackson na Novemba 1833.

Liberty Ndị-nsọ sitere n’Ógbè Jackson gbakọrọ na Ógbè Clay site 1833 ruo 1836, mgbe a chọrọ ọzọ ka ha pụọ. Onye-amụma Joseph Smith na ndị-ọzọ ka a tụrụ mkpọrọ n’ebe a.

Far West E hiwere ebe mgbaba n’ebea maka Ndị-nsọ 1836–38. Ọ bụụrụ isi ụlọ-ọrụ nke Nzukọ-nsọ na 1838. Na 1838–1839 a manyere Ndị-nsọ n’ike ịhapụ gbalaga na illinois.

Nauvoo Isi ụlọ-ọrụ nke Nzukọ-nsọ 1839–1846. Mgbe e gbusịrị onye-amụma na nwanne ya nwoke Hyrum, Ndị-nsọ gawara Ọdịda-anyanwụ.

Council Bluffs Ndị nchọpụta bụ ụzọ rutere ebea Jun 1846. Ndị-otu igwe otu puku ndị agha Mọmọn hapụrụ na 21 Julaị 1846 n’okpuru nduzi nke James Allen.

Winter Quaters Isi ụlọ-ọrụ nke Nzukọ-nsọ 1846–1848. Ọgbakọ na-akwụ n’iru n’okpuru nduzi ụzọ nke Onye-isi Nduzi Brigham Young hapụrụ gawa Ọdịda-anyanwụ na Epril 1847.

Ebe a rụsiri ike Leavenworth Igwe otu puku ndị agha Mọmọn ka e jikeere n’ụdị ndị agha n’ebea tutu a malite ịzọ njem gawa Ọdịda-anyanwụ na Ọugọst 1846.

Santa Fe Philip Cooke chịrị Igwe otu puku ndị-agha Mọmọn na mgbe ọ na-azọ njem site n’ebea 19 Ọktoba 1846.

Pueblo Ụzọ ndị arụ na-adịghị ike atọ nke ndi agha Mọmọn ahụ ka e nyere iwu ka ha gaa nweta arụ-ike na pueblo, ebe ha nọdụrụ n’oge oyi nke 1846–1847 tinyere Ndị-nsọ sitere na Mississippi. Ọgbakọ ndị a banyere na ndagwurugwu Salt Lake na Julaị 1847.

San Diego Igwe otu puku ndị-agha Mọmọn ahụ zọsịrị njem ya dị 3,200 kilomita n’ebea na 29 Jenuarị 1847.

Los Angeles Igwe otu puku ndị-agha Mọmọn ahụ ka a tohapụrụ n’ebe a 16 Julaị 1847.

Sacramento Ụfọdu ndị-agha Mọmọn ahụ a hapụrụ rụrụ ọrụ n’ebe a na n’igwe ịkwọ ọka Sutter a gakwuo ọwụwa-anyanwụ n’elu Osimiri nke America, ebe ha nyere aka ịchọpụta ọla-edo.

Salt Lake City Brigham Young rutere n’ime Ndagwurugwu Salt Lake na 24 Julaị 1847.