សហរដ្ឋ​ប៉ែក​ឦសាន

ថបស្វៀល ជាទី​កំណើត​របស់​យ៉ូសែប ស៊្មីធ ស៊ីញ្ញ័រ កើត​នៅ​ថ្ងៃ​ទី ១២ ខែ​កក្កដា ឆ្នាំ ១៧៧១។

គិលសុម នាង​លូស៊ី ម៉ាក បាន​កើត​នៅ​ទី​នេះ ថ្ងៃ​ទី ៨ ខែ​កក្កដា ឆ្នាំ ១៧៧៥។

ថឺនប្រិច យ៉ូសែប ស៊្មីធ ស៊ីញ្ញ័រ និង​នាង​លូស៊ី ម៉ាក បាន​រៀបការ​នៅ​ទី​នេះ ថ្ងៃ​ទី ២៤ ខែ​មក​រា ឆ្នាំ ១៧៩៦។

វ៉ៃទីងហាំ ជាទី​កំណើត​របស់​ព្រិកហាំ យ៉ង់ កើត​នៅ​ថ្ងៃ​ទី ១ ខែ​មិថុនា ឆ្នាំ ១៨០១។

ហាម៉ូនី នាង​អិមម៉ា ហេល បាន​កើត​នៅ​ឃុំ​ហាម៉ូនី នៅ​ថ្ងៃ​ទី ១០ ខែ​កក្កដា ឆ្នាំ ១៨០៤។

សារ៉ុន យ៉ូសែប ស៊្មីធ ជុញ្ញ័រ បាន​កើត​នៅ​ទី​នេះ ថ្ងៃ​ទី ២៣ ខែ​ធ្នូ ឆ្នាំ ១៨០៥ (សូម​មើល យ.ស.—ប្រវត្តិ ១:៣)។

ល្បាណូន គ្រួសារ​លោក​ស៊្មីធ​បាន​រស់នៅ​ឃុំ​ល្បាណូន ពី​ឆ្នាំ ១៨១១ ទៅ ១៨១៣ នៅ​ពេល​នោះ​ហើយ​ដែល​យ៉ូសែប ស៊្មីធ​បាន​ទទួល​ការ​វះកាត់​ជើង។

ណួរវិច គ្រួសារ​លោក​ស៊្មីធ​បាន​រស់​នៅ​ទី​នេះ ពី​ឆ្នាំ ១៨១៤ ទៅ ១៨១៦ មុន​ផ្លាស់​ទៅ​នៅ​ភូមិ​ប៉ាលម៉ៃរ៉ា។

ប៉ាលម៉ៃរ៉ា គ្រួសារ​លោក​ស៊្មីធ​បាន​ផ្លាស់​មក​នៅ​ទី​នេះ ឆ្នាំ ១៨១៦ (សូម​មើល យ.ស.—ប្រវត្តិ ១:៣)។