Mosija

Il‑Ktieb ta’ Mormon

Werrej
Introduzzjoni u Xhieda
1 Nefi
2 Nefi
Ġakobb
Enos
Ġarom
Omni
Kliem ta’ Mormon
Mosija
Alma
Ħelaman
3 Nefi
4 Nefi
Mormon
Għeter

Mosija

Kapitlu 1
Is‑Sultan Benjamin jgħallem lil uliedu s‑subien l‑ilsien u l‑profeziji ta’ missirijiethom—Ir‑reliġjon u ċ‑ċiviltà tagħhom ġew ippreservati grazzi għall‑annali miżmuma fuq diversi pjanċi—Mosija magħżul bħala sultan u mogħti l‑kustodja tal‑annali u ta’ ħwejjeġ oħra. Madwar 130–124 Q.K.
Kapitlu 2
Is‑Sultan Benjamin jindirizza lill‑poplu tiegħu—Hu jitkellem dwar is‑sewwa, il‑ġustizzja, u l‑ispiritwalità tas‑saltna tiegħu—Hu jħeġġiġhom biex iservu lis‑Sultan tagħhom tas‑Smewwiet—Id‑diqa li se jħossu dawk li jeħduha kontra Alla se tkun bħal nar li ma jintefiex. Madwar 124 Q.K.
Kapitlu 3
Is‑sultan Benjamin ikompli bid‑diskors tiegħu—Il‑Mulej Omnipotenti se jimministra fost il‑bnedmin f’tabernaklu tat‑tafal—Id‑demm se joħroġ mill‑pori kollha tiegħu hekk kif Huwa jpatti għad‑dnubiet tad‑dinja—Tiegħu hu l‑uniku isem li permezz tiegħu niksbu s‑salvazzjoni—Il‑bnedmin jistgħu jinżgħu l‑bniedem naturali u jsiru Qaddisin permezz tal‑Espjazzjoni—It‑turment tal‑ħżiena se jkun bħal belliegħa ta’ nar u kubrit. Madwar 124 Q.K.
Kapitlu 4
Is‑sultan Benjamin ikompli d‑diskors tiegħu—Is‑salvazzjoni tinkiseb minħabba l‑Espjazzjoni—Emmnu f’Alla biex issalvaw—Ippreservaw il‑maħfra ta’ dnubietkom permezz tal‑fedeltà—Aqsmu ġidkom mal‑foqra—Agħmlu kollox b’għaqal u b’ordni. Madwar 124 Q.K.
Kapitlu 5
Il‑Qaddisin isiru wlied subien u bniet ta’ Kristu permezz tal‑fidi—Huma mbagħad jissejħu b’isem Kristu—Is‑Sultan Benjamin iħeġġiġhom biex iżommu sħiħ u ma jitħarrkux f’għemejjel tajba. Madwar 124 Q.K.
Kapitlu 6
Is‑sultan Benjamin jirreġistra l‑ismijiet tan‑nies u jaħtar qassisin biex jgħallmuhom—Mosija jsaltan bħala sultan ġust. Madwar 124–121 Q.K.
Kapitlu 7
Għammon isib l‑art ta’ Leħi‑Nefi, fejn Limħi huwa sultan—In‑nies ta’ Limħi huma lsiera tal‑Lamaniti—Limħi jirrakkonta l‑istorja tagħhom—Profeta (Abinadi) xehed li Kristu huwa l‑Alla u l‑Missier ta’ kollox—Dawk li jiżirgħu l‑ħmieġ jaħsdu r‑riefnu, u dawk li jafdaw fil‑Mulej jiġu meħlusa. Madwar 121 Q.K.
Kapitlu 8
Għammon jgħallem lin‑nies ta’ Limħi—Hu jsir jaf dwar l‑erbgħa u għoxrin pjanċa tal‑Ġarediti—L‑annali antiki jistgħu jiġu tradotti minn veġġenti—Id‑don tal‑veġġenza hu akbar mill‑oħrajn kollha. Madwar 121 Q.K.
Kapitlu 9
Żeniff imexxi grupp minn Żaraħemla biex jieħdu f’idejhom l‑art ta’ Leħi‑Nefi—Is‑sultan Lamanita jħallihom jirtu l‑art—Tqum gwerra bejn il‑Lamaniti u nies ta’ Żeniff. Madwar 200–187 Q.K.
Kapitlu 10
Is‑Sultan Laman imut—Niesu huma nies slavaġ u feroċi u jemmnu fi tradizzjonijiet foloz—Żeniff u niesu jegħlbuhom. Madwar 187–160 Q.K.
Kapitlu 11
Is‑Sultan Noè jsaltan fil‑ħażen—Hu jieħu gost jgħix ħajja mtajjra man‑nisa u l‑konkubini tiegħu—Abinadi jħabbar li n‑nies se jittieħdu fil‑jasar—Is‑Sultan Noè jfittixlu ħajtu. Madwar 160–150 Q.K.
Kapitlu 12
Abinadi mitfuħ il‑ħabs għaliex ħabbar il‑qerda tal‑poplu u l‑mewt tas‑Sultan Noè—Il‑qassisin foloz jikkwotaw l‑iskrittura u jippretendu li jħarsu l‑liġi ta’ Mosè—Abinadi jibda jgħallimhom l‑Għaxar Kmandamenti. Madwar 148 Q.K.
Kapitlu 13
Abinadi protett permezz ta’ qawwa divina—Hu jgħallem l‑Għaxar Kmandamenti—Is‑salvazzjoni ma tiġix biss permezz tal‑liġi ta’ Mosè—Alla nnifsu se jagħmel espjazzjoni u jifdi lill‑poplu tiegħu. Madwar 148 Q.K.
Kapitlu 14
Isaija jitkellem f’sens messjaniku—Deskritta l‑umiljazzjoni u t‑tbatija tal‑Messija—Hu joffri ruħu bħala offerta għad‑dnub u sejjer jidħol għall‑ħatjin—Qabbel Isaija 53. Madwar 148 Q.K.
Kapitlu 15
Kif Kristu huwa kemm il‑Missier kif ukoll l‑Iben—Hu se jidħol għall‑poplu tiegħu u se jitgħabba bi ħtijiethom—Huma u l‑profeti qaddisa kollha huma n‑nisel tiegħu—Hu jġib fis‑seħħ il‑Qawmien mill‑imwiet—It‑tfal ċkejknin jiksbu l‑ħajja eterna. Madwar 148 Q.K.
Kapitlu 16
Alla jifdi l‑bnedmin mill‑istat mitluf u dekadut tagħhom—Dawk li huma karnali jibqgħu bħallikieku ma hemm l‑ebda fidwa—Kristu jġib fis‑seħħ qawmien għal ħajja li ma tintemmx jew għal dannazzjoni li ma tintemmx. Madwar 148 Q.K.
Kapitlu 17
Alma jemmen u jikteb kliem Abinadi—Abinadi jingħata l‑mewt permezz tan‑nar—Hu jħabbar il‑mard u l‑mewt permezz tan‑nar fuq il‑qattiela tiegħu. Madwar 148 Q.K.
Kapitlu 18
Alma jippriedka bil‑moħbi—Hu jispjega l‑patt tal‑magħmudija u jgħammed fl‑ilmijiet ta’ Mormon—Hu jorganizza l‑Knisja ta’ Kristu u jordna l‑qassisin—Huma jipprovdu għall‑manteniment tagħhom u jgħallmu lin‑nies—Alma u n‑nies tiegħu jaħarbu ’l bogħod mis‑Sultan Noè fix‑xagħri. Madwar 147–145 Q.K.
Kapitlu 19
Gidgħon jipprova joqtol lis‑Sultan Noè—Il‑Lamaniti jinvadu l‑pajjiż—Is‑Sultan Noè jingħata l‑mewt permezz tan‑nar—Limħi jsaltan bħala monarka tributarju. Madwar 145–121 Q.K.
Kapitlu 20
Uħud mill‑ulied bniet tal‑Lamaniti spiċċaw maħtufa mill‑qassisin ta’ Noè—Il‑Lamaniti jiddikjaraw gwerra kontra Limħi u n‑nies tiegħu—Il‑forzi Lamaniti mġiegħla jerġgħu lura u jwarrbu kull sentiment ta’ rabja. Madwar 145–123 Q.K.
Kapitlu 21
In‑nies ta’ Limħi jisfaw midruba u megħluba mil‑Lamaniti—In‑nies ta’ Limħi jiltaqgħu ma’ Għammon u jikkonvertu—Lil Għammon jgħarrfuh dwar l‑erbgħa u għoxrin pjanċa tal‑Ġarediti. Madwar 122–121 Q.K.
Kapitlu 22
Jiġu fis‑seħħ pjanijiet biex in‑nies jaħarbu mill‑jasar tal‑Lamaniti—Il‑Lamaniti jiġu mogħtija x‑xorb biex jiskru—In‑nies jaħarbu, jerġgħu lura f’Żaraħemla, u joqogħdu għat‑tmexxija tas‑sultan Mosija. Madwar 121–120 Q.K.
Kapitlu 23
Alma jirrifjuta li jkun sultan—Huwa jservi bħala qassis il‑kbir—Il‑Mulej iwiddeb lill‑poplu tiegħu, u l‑Lamaniti jaħtfu f’idejhom l‑art ta’ Ħelam—Amulon, il‑mexxej tal‑qassisin il‑ħżiena tas‑Sultan Noè, jiggverna taħt is‑saltna tal‑monarka Lamanita. Madwar 145–121 Q.K.
Kapitlu 24
Amulon jippersegwita lil Alma u lin‑nies tiegħu—Huma jingħataw il‑mewt jekk huma jitolbu—Il‑Mulej jara li t‑tagħbija tagħhom tidher ħafifa—Hu jeħlishom mill‑jasar, u huma jerġgħu lura f’Żaraħemla. Madwar 145–120 Q.K.
Kapitlu 25
Dawk li ġejjin min‑nisel ta’ Mulek f’Żaraħemla jsiru Nefiti—Huma jsiru jafu dwar in‑nies ta’ Alma u ta’ Żeniff—Alma jgħammed lil Limħi u lin‑nies kollha tiegħu—Mosija jawtorizza lil Alma biex jorganizza l‑Knisja ta’ Alla. Madwar 120 Q.K.
Kapitlu 26
Bosta membri tal‑Knisja jitmexxew fid‑dnub minn dawk li ma jemmnux—Alma jiġi mwiegħed il‑ħajja eterna—Dawk li jindmu u jitgħammdu jiksbu l‑maħfra—Il‑membri midinbin tal‑Knisja li jindmu u jistqarru dnubiethom ma’ Alma u mal‑Mulej jiġu maħfura; għax inkella, huma ma jingħaddux fost il‑poplu tal‑Knisja. Madwar 120–100 Q.K.
Kapitlu 27
Mosija jipprojbixxi l‑persekuzzjoni u ħeġġeġ l‑ugwaljanza—Alma ż‑żgħir u l‑erba’ wlied subien ta’ Mosija jippruvaw jeqirdu l‑Knisja—Jidhrilhom anġlu u jordnalhom biex jieqfu jagħmlu l‑ħażin—Alma jintlaqat mill‑inabbiltà li jitkellem—Jeħtieġ li l‑umanità kollha titwieled mill‑ġdid biex tikseb is‑salvazzjoni—Alma u wlied Mosija jwasslu l‑bxara t‑tajba. Madwar 100–92 Q.K.
Kapitlu 28
Ulied Mosija jmorru jxandru fost il‑Lamaniti—Permezz taż‑żewġ ġebliet tal‑veġġent, Mosija jittraduċi l‑pjanċi tal‑Ġarediti. Madwar 92 Q.K.
Kapitlu 29
Mosija jipproponi li jintgħażlu mħallfin minflok sultan—Slaten ħżiena jwaqqgħu lill‑poplu tagħhom fid‑dnub—Alma ż‑żgħir jintgħażel bħala prim imħallef permezz ta’ leħen il‑poplu—Huwa wkoll il‑qassis il‑kbir fuq il‑Knisja—Alma l‑kbir u Mosija jmutu. Madwar 92–91 Q.K.