Ebʼ li loqʼlaj hu
Moroni 7


Ch’ol 7

Na’ux li b’oqok chi ok sa’ xhilob’aal li Qaawa’—Chextijoq chi anchal eerajom—Lix Musiq’ li Kristo naxk’e chi ruhank chiruheb’ li winq naq te’xnaw b’ar wan li us ut li ink’a’ us—Laj Satanas naxq’unb’esiheb’ xch’ool li winq chixtz’eqtaanankil xyaalal li Kristo ut chixb’aanunkil li ink’a’ us—Eb’ li profeet neke’xk’utb’esi xyaalal lix k’ulunik li Kristo—Xb’aan li paab’aal, nak’anjelaman li sachb’a-ch’oolej ut neke’k’anjelak li anjel—Eb’ li winq tento raj te’xyo’oni li junelik yu’am ut te’jiloq rik’in li rahok. Wan na 401–421 chihab’ xyo’lajik li Kristo.

1 Anajwan ut laa’in, aj Moroni, nintz’iib’a junjunq li raatin lin yuwa’ aj Mormon, li kixye chirix li apaab’aal, li yo’onink, ut li rahok; xb’aan naq jo’ka’in naq kiraatinaheb’ li tenamit, naq kixtzoleb’ sa’ li ch’utleb’aal li ke’xyiib’ chaq choq’ xna’aj li loq’onink.

2 Ut anajwan laa’in, aj Mormon, nekexwaatina laa’ex, ex was wiitz’in raarookex inb’aan, ut a’ xb’aan li rusilal li Dios Yuwa’b’ej, ut li Qaawa’ Jesukristo, ut lix santil ajom, xb’aan li maatan re alin b’oqb’al xb’aan, naq kanab’anb’ilin cheraatinankil sa’ li kutan a’in.

3 Jo’kan ut, nawaj raj eeraatinankil laa’ex li wankex sa’ li iglees, li nekextaaqenk re li Kristo sa’ tuqtuukilal, ut xek’ul tz’aqal eeyo’onihom li texruuq wi’ chi ok sa’ lix ahilob’aal li Qaawa’, chalen sa’ li kutan a’in toj reetal naq texhilanq rik’in a’an sa’ choxa.

4 Ut anajwan, ex was wiitz’in, nink’oxla li k’a’aq re ru a’in cherix xb’aan xtuqtuukilal lee ab’eenik sa’ xyanqeb’ li ralal xk’ajoleb’ li winq.

5 Xb’aan naq najultiko’ we li raatin li Dios li naxye, rik’in lix k’anjeleb’ ateenaweb’ ru, xb’aan naq wi chaab’il lix k’anjeleb’, chaab’ileb’ ajwi’ a’an.

6 Xb’aan naq k’ehomaq reetal, li Dios kixye naq jun li winq wi aink’a’ us, moko naru ta chixb’aanunkil li k’a’ru us; xb’aan naq wi naxmayeja junaq maatan, malaj bnatijok re li Dios, wi ink’a’ naxb’aanu chi anchal li rajom maak’a’ na’ok wi’ re.

7 Xb’aan naq k’ehomaq reetal, moko k’eeb’il ta sa’ ajl choq’ tiikilal chirix.

8 Xb’aan naq k’ehomaq reetal, wi junaq winq li aink’a’ us naxk’e jun li maatan, naxb’aanu bchi moko anchal ta xch’ool; jo’kan naq nak’ehe’ sa’ ajl chirix chanchan naq moko xk’e ta li maatan; jo’kan naq k’eeb’il sa’ ajl jo’ li ink’a’ us chiru li Dios.

9 Ut jo’kan ajwi’ k’eeb’il sa’ ajl jo’ li ink’a’ us chirix jun winq, wi taatijoq ut moko achi anchal ta li rajom xch’ool; relik chi yaal, ut maak’a’ na’ok wi’ re, xb’aan naq li Dios maajun xkomon a’an naxk’ul.

10 Jo’kan ut, junaq winq li ink’a’ us, moko naru ta chixb’aanunkil li k’a’ru chaab’il, chi moko tixk’e junaq chaab’il maatan.

11 Xb’aan naq k’ehomaq reetal, jun k’ahil ayo’leb’aal ha’ ink’a’ naru chixk’eeb’al chaab’il ha’, chi moko junaq chaab’il yo’leb’aal ha’ naru chixk’eeb’al k’ahil ha’; jo’kan ut, jun winq wi xmoos laj tza, ink’a’ naru chixtaaqenkil li Kristo, ut wi bnaxtaaqe li Kristo ink’a’ naru chi wank choq’ xmoos laj tza.

12 Jo’kan naq chixjunil li k’a’aq re ru achaab’il, rik’in li Dios nachal chaq; ut li k’a’ru bink’a’ us rik’in laj tza nachal chaq; xb’aan naq laj tza xik’ naril li Dios, ut rajlal naxpleeti, ut nab’oqok ut naq’unb’esink ch’oolej chi cmaakob’k, ut chixb’aanunkil rajlal li k’a’ru ink’a’ us.

13 A’b’an k’ehomaq reetal, li k’a’ru re li Dios nab’oqok ut naq’unb’esink ch’oolej chixb’aanunkil rajlal li chaab’il; chi jo’kan, yalaq k’a’ru nab’oqok ut anaq’unb’esink ch’oolej chixb’aanunkil li chaab’il, ut chixraab’al li Dios, ut chi k’anjelak chiru, a’an bmusiq’anb’il xb’aan li Dios.

14 Jo’kan ut, cheril eerib’, ex was wiitz’in raarookex inb’aan, naq ink’a’ teek’oxla naq li k’a’ru aink’a’ us, re ta li Dios, malaj ut naq li k’a’ru chaab’il ut re li Dios, re ta laj tza.

15 Xb’aan naq k’ehomaq reetal, ex was wiitz’in, k’eeb’il eere axtz’ilb’al rix re taaruuq teenaw b’ar wan li us ut li ink’a’ us; ut ch’olch’o ru li na’leb’ chanru tz’ilok-ix, re taaruuq teenaw chi tz’aqal re ru eenawom, jo’ chanru nanawman b’ar wan xsaqenkil li kutan chiru raak’ab’il li q’ojyin.

16 Xb’aan naq k’ehomaq reetal, k’eeb’il lix aMusiq’ li Kristo re li junjunq chi winq, re taaruuq btixnaw b’ar wan li us ut li ink’a’ us; jo’kan ut, nink’ut cheru li na’leb’ chanru teetz’il rix; xb’aan naq yalaq k’a’ru nab’oqok chixb’aanunkil li chaab’il, ut chi q’unb’esink ch’oolej re xpaab’ankil li Kristo, a’an taqlanb’il xb’aan lix wankilal ut lix maatan li Kristo; jo’kan naq taaruuq teenaw chi tz’aqal re ru eenawom naq a’an re li Dios.

17 A’b’anan yalaq k’a’ru naxq’unb’esi xch’ooleb’ li winq chixb’aanunkil li aink’a’ us, ut naq moko te’xpaab’ ta li Kristo, naq te’xtz’eqtaana b’an, ut moko te’k’anjelaq ta chiru li Dios, rik’in a’an naru teenaw chi tz’aqal re ru eenawom naq a’an re laj tza; xb’aan naq jo’ka’in naq nak’anjelak laj tza, xb’aan naq a’an maajun winq naxq’unb’esi xch’ool chixb’aanunkil li chaab’il, relik chi yaal, maajun; chi moko neke’xb’aanu lix anjel, chi moko eb’ li neke’xk’e rib’ rub’el xwankil.

18 Ut anajwan, ex was wiitz’in, rik’in naq nekenaw li saqen taaruuq wi’ teetz’il ix, ut a’ saqen a’an lix asaqen li Kristo, cheril eerib’ naq ink’a’ textz’iloq rix chi ink’a’ us, xb’aan naq rik’in ajwi’ li braqb’a-aatin nekexraqok wi’ aatin, taaraqe’q ajwi’ aatin cherix.

19 Jo’kan ut, nintz’aama cheru, ex was wiitz’in, naq teetz’il rix chi yalb’il eeq’e rik’in lix asaqen li Kristo re taaruuq teenaw b’ar wan li us ut li ink’a’ us; ut wi teechap eerib’ chiru chixjunil li k’a’ru us, ut ink’a’ teetz’eqtaana xloq’al, ch’olch’o naq texwanq choq’ bralal li Kristo.

20 Ut anajwan, ex was wiitz’in, chanru naru naq teechap eerib’ chiru chixjunil li k’a’ru us?

21 Ut anajwan ninwulak sa’ li paab’aal a’an, li kinye naq tin’aatinaq wi’; ut tinye eere li b’e texruuq wi’ chixchapb’al eerib’ chiru chixjunil li k’a’ru us.

22 Xb’aan naq k’ehomaq reetal, li Dios, rik’in naq anaxnaw chixjunil li k’a’aq re ru, xb’aan naq a’an junelik wanjenaq ut junelik taawanq, k’ehomaq reetal, kixtaqlaheb’ li banjel re te’k’anjelaq chiruheb’ li ralal xk’ajoleb’ li winq, re te’xk’utb’esi chiruheb’ chirix lix k’ulunik li Kristo, ut rik’in li Kristo taachalq chixjunil li k’a’ru us.

23 Ut li Dios kixch’olob’ chiruheb’ li profeet, rik’in tz’aqal lix tz’uumal re, naq taachalq li Kristo.

24 Ut k’ehomaq reetal, jalan jalanq paay chanru naq kixk’utb’esi li k’a’aq re ru chiruheb’ li ralal xk’ajoleb’ li winq, li b’arwan us; ut chixjunil li k’a’aq re ru us rik’in li Kristo nachal chaq; wi ta ink’a’ jo’kan, at’anenaqeb’ raj li winq, ut maajun k’a’ru us taaruuq raj chi chalk rik’ineb’.

25 Jo’kan ut, rik’in lix k’anjeleb’ li aanjel, ut rik’in li junjunq chi aatin li na’el chaq sa’ xtz’uumal re li Dios, eb’ li winq ke’ok chixk’anjelankil li paab’aal chirix li Kristo; ut chi jo’kan rik’in paab’aal, ke’xchap rib’ chiru chixjunil li k’a’ru us; ut jo’ka’in naq kiwan toj reetal lix k’ulunik li Kristo.

26 Ut chirix naq kichal a’an, eb’ li winq ke’kole’ ajwi’ xb’aan xpaab’ankil lix k’ab’a’; ut xb’aan li paab’aal, ke’ok choq’ ralal li Dios. Ut jo’ chanru naq ch’olch’o ru naq yo’yo li Kristo, a’an kixye li aatin a’in reheb’ li qayuwa’; kixye: aYalaq k’a’ru teetz’aama chiru li Yuwa’b’ej sa’ lin k’ab’a’, li us, rik’in paab’aal, chi nekepaab’ naq texk’uluq, k’ehomaq reetal, taab’aanumanq eere.

27 Jo’kan ut, ex was wiitz’in raarookex inb’aan, ma xe’oso’ tab’i’ li asachb’a-ch’oolej xb’aan naq kitaqe’ li Kristo sa’ choxa, ut kik’ojla sa’ xnim uq’ li Dios, re bxk’ulb’al rik’in li Yuwa’b’ej li k’a’ru xk’ulub’ chirix li uxtaan, li naruxtaanaheb’ wi’ li ralal xk’ajoleb’ li winq?

28 Xb’aan naq a’an xsume ru li rajom li chaq’rab’, ut nareechani chixjunileb’ li neke’paab’ank re; ut eb’ li neke’paab’ank re, ate’jiloq rik’in chixjunil li k’a’ru us; jo’kan naq a’an bna’aatinak re xb’aanunkil ruuchileb’ li ralal xk’ajoleb’ li winq; ut a’an nawan chi junelik sa’ li choxa.

29 Ut rik’in naq xb’aanu a’in, ex was wiitz’in raarookex inb’aan, ma xe’oso’ tab’i’ li sachb’a-ch’oolej? K’ehomaq reetal ninye eere, Ink’a’, chi moko ke’xkanab’ li anjel k’anjelak chiruheb’ li ralal xk’ajoleb’ li winq.

30 Xb’aan naq k’ehomaq reetal, eb’ a’an wankeb’ rub’el xwankil a’an, re te’k’anjelaq jo’ chanru raatin lix taqlahom, ut neke’xk’ut rib’ chiruheb’ li kaweb’ xpaab’aal ut xaqxookeb’ xk’a’uxl sa’ li jar k’utunik chi choxahilal.

31 Ut li ropiis lix k’anjeleb’, a’an xb’oqb’aleb’ li winq sa’ li jalb’a-k’a’uxlej, ut xtz’aqob’resinkil ru ut xb’aanunkil li k’anjel re lix sumwank li Yuwa’b’ej, li kixk’uub’ a’an choq’ reheb’ li ralal xk’ajoleb’ li winq, re xkawresinkil li b’e sa’ xyanqeb’ li ralal xk’ajoleb’ li winq, rik’in xjultikankil li raatin li Kristo, chiruheb’ lix k’uleb’aal li Qaawa’ li sik’b’ileb’ ru, re naq eb’ a’an te’ruuq chixch’olob’ankil xyaalal a’an.

32 Ut rik’in xb’aanunkil chi jo’kan, li Qaawa’ Dios naxkawresi jun b’e re naq li rela’eb’ li winq te’ruuq achixpaab’ankil li Kristo, re naq li Santil Musiq’ej taaruuq taawanq xna’aj sa’ xch’ooleb’, jo’ chanru xwankilal; ut chi jo’ka’in naxk’e chi uxmank li Yuwa’b’ej, li sumwank li kixk’uub’ choq’ reheb’ li ralal xk’ajoleb’ li winq.

33 Ut li Kristo kixye: aWi tineepaab’, taawanq eewankil chixb’aanunkil yalaq k’a’ru li baajel ru choq’ we laa’in.

34 Ut a’an kixye: aChejal eek’a’uxl chejunilex xmaril li ruchich’och’, ut chalqex wik’in, ut chikub’eeq eeha’ sa’ lin k’ab’a’, ut chineepaab’, re taaruuq texkole’q.

35 Ut anajwan, ex was wiitz’in raarookex inb’aan, wi jo’ka’in wan, naq yaal li k’a’aq re ru a’in li kinye eere, ut li Dios tixk’ut cheru, rik’in awankilal ut nimla loq’al sa’ roso’jik li bkutan, naq yaal ajwi’, ut wi yaal a’an, ma x’oso’ tab’i’ xkutankil li sachb’a-ch’oolej?

36 Malaj ut ke’raqe’ li anjel chixk’utb’al rib’ chiruheb’ li ralal xk’ajoleb’ li winq? Malaj ut ma axram tab’i’ a’an xwankil li Santil Musiq’ej chiruheb’? Ma tixb’aanu tab’i’ ut, chiru jo’ najtil taawanq li kutan, malaj taawanq chi xaqxo li ruchich’och’, malaj taawanq junaq winq chiru lix b’een re taakole’q?

37 K’ehomaq reetal ninye eere, Ink’a’, xb’aan naq xb’aan li paab’aal naq neke’k’anjelaman li asachb’a-ch’oolej, ut xb’aan li paab’aal naq eb’ li anjel neke’xk’ut rib’ ut neke’k’anjelak chiruheb’ li winq; jo’kan ut, wi oso’jenaq li k’a’aq re ru a’in, rahilal chiwanq sa’ xb’eeneb’ li ralal xk’ajoleb’ li winq, xb’aan naq a’an xb’aan bxmaak’a’il li paab’aal, ut maak’a’ chik xyaalal chixjunil.

38 Xb’aan naq maajun winq naru chi kole’k, jo’ chanru li raatin li Kristo, ka’ajwi’ wi te’xpaab’ lix k’ab’a’; jo’kan ut, wi oso’jenaq li k’a’aq re ru a’in, oso’jenaq ajwi’ li paab’aal; ut ra chik lix wanjik li winq, xb’aan naq wankeb’ chanchan naq maajun tojb’al-ix ki’uxman.

39 A’b’an k’ehomaq reetal, ex was wiitz’in raarookex inb’aan, chaab’il wi’chik li nink’oxla cherix laa’ex, xb’aan naq nink’oxla naq wan eepaab’aal chirix li Kristo, sa’ xk’ab’a’ eetuulanil; xb’aan naq wi ta maak’a’ eepaab’aal chirix, rik’in a’an moko aeek’ulub’ ta re texk’ehe’q sa’ ajl sa’ xyanq li tenamit re lix iglees.

40 Ut jo’kan wi’chik, ex was wiitz’in raarookex inb’aan, nawaj eeraatinankil chirix li ayo’onink. Chan ru naru neketaw li paab’aal, wi maak’a’ eeyo’onihom?

41 Ut k’a’ru li ateeyo’oni? K’ehomaq reetal, ninye eere naq bteeyo’oni sa’ xk’ab’a’ lix tojb’al rix li maak xb’aan li Kristo ut lix wankil lix waklijik chi yo’yo, naq texwaklesiiq sa’ li cyu’am chi junelik, ut a’in xb’aan eepaab’aal chirix a’an, jo’ chanru li yeechi’inb’il.

42 Jo’kan ut, wi jun winq wan axpaab’aal, btento taawanq xyo’onihom; xb’aan naq wi maak’a’ li paab’aal ink’a’ naru nawan li yo’onink.

43 Ut jo’kan wi’chik, k’ehomaq reetal, ninye eere naq ink’a’ naru nawan xpaab’aal ut xyo’onihom, ka’ajwi’ wi atuulan, ut kub’enaq xch’ool.

44 Wi ta jo’kan, maak’a’ xyaalal lix apaab’aal ut lix yo’onihom, xb’aan naq maajun k’ulub’anb’il chiru li Dios, ka’ajwi’ li tuulan ut kub’enaq xch’ool; ut wi junaq winq tuulan ut kub’enaq xch’ool, ut bnaxch’olob’ rik’in xwankil li Santil Musiq’ej naq li Jesus a’an li Kristo, tento taawanq ajwi’ li rahok rik’in; xb’aan naq wi maak’a’ li rahok rik’in, a’an maak’a’ na’ok wi’; jo’kan naq tento taawanq rahok rik’in.

45 Ut li arahok najt na’oyb’enin, ut chaab’il xch’ool, ut bink’a’ nakaqalin, ut ink’a’ nimob’resinb’il rib’, ink’a’ naxsik’ li k’a’ru re, ink’a’ sa’ junpaat najosq’o’, maajun maa’usilal naxk’oxla, ut moko nasaho’ ta xch’ool rik’in li maa’usilal; rik’in b’an li yaal nasaho’ xch’ool, chixjunil naxkuy, chixjunil naxpaab’, chixjunil naxyo’oni, chixjunil naxkuy xnumsinkil.

46 Jo’kan ut, ex was wiitz’in raarookex inb’aan, wi maak’a’ li rahok eerik’in, maak’a’ nekex’ok wi’, xb’aan naq li rahok maajo’q’e na’oso’. Jo’kan ut, chexjiloq rik’in li rahok, a’an li q’axal nim wi’chik chiru chixjunil, xb’aan naq chixjunil li k’a’aq re ru tento taa’oso’q—

47 A’b’anan li atz’aqal rahok a’an li saq ruhil brahok narahok wi’ li Kristo, ut junelik nawan; ut ani natawman chi wank rik’in sa’ roso’jik li kutan, usaq choq’ re a’an.

48 Jo’kan ut, ex was wiitz’in raarookex inb’aan, atijonqex chiru li Yuwa’b’ej chi anchal xmetz’ew eech’ool, re texnujaq rik’in li rahok a’in, li naxk’e sa’ xb’eeneb’ chixjunil li tz’aqal bneke’taaqenk re li Jesukristo, li Ralal, re naq taaruuq tex’ok choq’ ralal li Dios; re naq jo’q’e tixk’ut rib’ ctoowanq chanchan a’an, xb’aan naq taqil a’an jo’ chanru naq wan; re taawanq qik’in li yo’onihom a’in; re dtaasaqob’resiiq qu jo’ chanru ajwi’ naq saq ru a’an. Amen.