1 Manje sengikhuluma ngokuphathelene ^anombhabhadiso. Bheka, amagosa, abaphristi, kanye nabafundisi babebhabhadiswa; futhi babengabhabhadiswa ngaphandle kokuthi balethe izithelo ezifanele zokuthi bakhombise ukuthi ^bbafanelekile.

2 Futhi babengemukeli namunye embhabhadisweni ngaphandle kokuthi beza ^angenhliziyo edabukileyo nangomoya ophukileyo, futhi bekhombisa ebandleni ukuthi base bephenduke ngeqiniso ezonweni zabo zonke.

3 Futhi akukho namunye owayemukelwa embhabhadisweni ngaphandle kokuthi ^abemukele uKristu futhi babizwe ngaye, bephokophelele ukumsebenzela kuze kube sekugcineni.

4 Futhi emva kokuthi sebemukelwe embhabhadisweni, futhi sebethintwe futhi ^abahlanzwa ngamandla kaMoya oyiNgcwele, babebalwa kanye nabantu bebandla likaKristu; futhi ^bamagama abo ayethathwa, ukuze bakhunjulwe futhi bondliwe ngezwi elihle likaNkulunkulu, ukuze babagcine besendleleni eyiyo, ukuze babagcine njalo ^cbehlala bekhuleka, ^dbethembele kuphela ezenzweni ezinhle zikaKristu, owayengu ^emqambi kanye nomphelelisi wokholo lwabo.

5 Futhi ^aibandla lalihlangana ndawonye ^bnjalo, ukuze ^clizile ukudla futhi likhuleke, kanye nokuthi baxoxisane omunye nomunye mayelana nokuzuza kwemiphefumulo yabo.

6 Futhi babehlangana njalo ukuze badle isinkwa kanye newayini, ukukhumbula iNkosi uJesu.

7 Futhi babeqikelela ukuthi babheke ukuthi ^abungabibikho ububi phakathi kwabo; futhi lowo owayetholwa enze ububi, ^bofakazi abathathu bebandla babebalahla ngecala phambi ^ckwamagosa, futhi uma babengaphenduki, futhi ^dbengavumi, amagama abo ^eayesulwa, futhi babengabalwa nabantu baKristu.

8 Kepha ngokuphenduka kwabo ^anjalo futhi becela intethelelo, ngenhloso okuyiyo, ^bbabethethelelwa.

9 Futhi imihlangano yabo ^ayayiqhutshwa yibandla ngendlela yokusebenza kukaMoya, kanye nangamandla ka ^bMoya oyiNgcwele; ngokuba njengoba amandla kaMoya oyiNgcwele ayebahola ukuthi bashumayele, noma bakhuthaze, noma bakhuleke, noma banxuse, noma bacule, kwakwenziwa lokho.