1 Kwaye ngoku, qaphelani, ndiza kuthetha nje noko kuyo ^aintsalela yaba bantu abasindileyo, ukuba kuyenzeka okokuba uThixo angayinika amazwi am, ukuze ibe nokwazi ngezinto zooyise; ewe, ndibhekisa kuni, nina niyintsalela yendlu kaSirayeli; kwaye la ngamazwi endiwathethayo:

2 Yazini okokuba ^aningabendlu kaSirayeli.

3 Yazini okokuba kufuneka nize enguqukweni, okanye aninako ukusindiswa.

4 Yazini okokuba kufuneka nizibeke phantsi izikhali zenu zemfazwe, kwaye ningabe niphinde nivuyiswe yimpalalo-gazi, kwaye ningazithabathi kwakhona, ngaphandle kokuba uThixo uya kuniyalela.

5 Yazini okokuba kufuneka nize ^akulwazi looyihlo, nize niguquke kuzo zonke izono zenu nobugwenxa, nize ^bnikholelwe kuYesu Krestu, okokuba unguNyana kaThixo, nokokuba wabulawa ngamaYuda, kwaye ngamandla kaBawo uvukile kwakhona, athe ngako wazuza ^culoyiso phezu kwengcwaba; kananjalo ngaye ulwamvila lokufa luginyiwe.

6 Kwaye wenza ukuba kwenzeke ^auvuko lwabafileyo, ekuya kuthi ngalo uluntu kufuneke luvuswe ukuze lume phambi ^bkwesihlalo sakhe sokugweba.

7 Kwaye wenza ukuba kwenzeke ^ainkululeko yehlabathi, ekuya kuthi ngayo lowo ufunyenwe ^bengenatyala phambi kwakhe ngomhla womgwebo kunikwe kuye ^cukuhlala ebusweni bukaThixo kubukumkani bakhe, ukuze avume iindumiso ezingenasiphelo kunye ^dneekwayari phezulu, kuye uBawo, nakuye uNyana, nakuwo uMoya oyiNgcwele, ^eabanguThixo omnye, kwimo ^fyolonwabo olungenaso isiphelo.

8 Ke ngoko guqukani, nize nibhaptizelwe egameni likaYesu, nize namkele ^aivangeli ikaKrestu, eya kubekwa phambi kwenu, kungekuyo le mbali kuphela kodwa kanjalo kuyo ^bimbali eya kuthi ize kubo abeeNtlanga ^cisuka kumaYuda, imbali leyo eya kuza isuka kwabeeNtlanga ^dize kuni.

9 Kuba qaphelani, ^aoku kubhalwe ngenjongo yokokuba nibe ^bnokukholelwa kuko; kwaye ukuba niyakholelwa kuko niya kukholelwa koku kanjalo; kwaye ukuba niya kukholelwa koku niya kwazi malunga nooyihlo, kananjalo nemisebenzi emangalisayo eyathi yasetyenzwa ngamandla kaThixo phakathi kwabo.

10 Kwaye niya kuthi kanjalo nazi okokuba niyintsalela yembewu kaYakobi; ke ngoko nibalelwa phakathi kwabantu bomnqophiso wokuqala; kwaye ukuba kuyenzeka okokuba nikholelwe kuKrestu, nize nibhaptizwe, kuqala ngamanzi, nize ke ngomlilo nangawo uMoya oyiNgcwele, nilandela ^aumzekelo woMsindisi wethu, ngokwa loo nto athe wasiyalela yona, kuya kulunga kuni ngomhla womgwebo. Amen.