Mga Kasulatan
Jacob 6


Kapitulo 6

Ang Ginoo mobawi sa Israel sa kataposang mga adlaw—Ang kalibotan sunogon sa kalayo—Ang mga tawo kinahanglang mosunod kang Kristo aron makalikay sa linaw sa kalayo ug asupri. Mga 544–421 B.C.

1 Ug karon, tan-awa, akong kaigsoonan, kay miingon man ako kaninyo nga ako managna, tan-awa, mao kini ang akong panagna—nga ang mga butang nga gipamulong ni propeta aZenos mahitungod sa balay ni Israel, diin sila iyang gitandi ngadto sa usa ka maayong kahoy nga olibo, sa pagkatinuod mahitabo gayod.

2 Ug ang adlaw diin andamon niya ang iyang kamot sa ikaduhang higayon aron sa apagbawi sa iyang katawhan, mao ang adlaw, oo, gani ang kataposang higayon, nga ang bmga sulugoon sa Ginoo mopadayon uban sa iyang cgahom, aron sa dpag-alima ug pagpul-ong sa iyang eubasan; ug human niana ang fkataposan sa dili madugay moabot.

3 Ug pagkabulahan kanila nga makugihong nagtrabaho sa iyang ubasan; ug pagkadako sa tunglo kanila nga isalikway ngadto sa ilang kaugalingong dapit! Ug ang kalibotan asunogon sa kalayo.

4 Ug pagkamaloloy-on sa atong Dios ngari kanato, kay nahinumdom siya sa balay ni aIsrael, sa mga gamot ug sa mga sanga; ug iyang gitunol ang iyang bmga kamot ngadto kanila sa adlaw nga tanan; ug sila mga ctikig og liog ug masinupakon nga katawhan; apan kadtong dili magmagahi sa ilang kasingkasing maluwas sa gingharian sa Dios.

5 Busa, hinigugma kong kaigsoonan, magpakiluoy ako kaninyo sa maligdong nga mga pulong nga maghinulsol kamo, ug moduol inubanan sa bug-os nga katuyoan sa kasingkasing, ug amagpabiling matinud-anon sa Dios sama nga siya nagpabiling matinud-anon kaninyo. Ug samtang ang iyang bbukton sa kaluoy gidalit nganha kaninyo samtang hayag pa, ayaw pagpatig-a sa inyong mga kasingkasing.

6 Oo, karong adlawa, kon maminaw kamo sa iyang tingog, ayaw ipatig-a ang inyong kasingkasing; kay nganong gusto man kamong amamatay?

7 Kay tan-awa, human kamo maalimahan sa maayo nga pulong sa Dios sa tibuok adlaw, mamunga ba kamo og daotan nga bunga, aron apamutlon kamo ug itambog sa kalayo?

8 Tan-awa, isalikway ba ninyo kini nga mga pulong? Isalikway ba ninyo ang mga pulong sa mga propeta; ug isalikway ba ninyo ang tanan nga gipamulong mahitungod ni Kristo, human nga daghan ang namulong mahitungod kaniya; ug ipanghimakak ang maayo nga pulong ni Kristo, ug ang gahom sa Dios, ug ang agasa sa Espiritu Santo, ug pugngan ang Balaang Espiritu, ug biay-biayon ang mahinungdanong plano sa katubsanan, nga gipahiluna alang kaninyo?

9 Wala ba kamo masayod nga kon buhaton ninyo kining mga butanga, ang gahom sa katubsanan ug pagkabanhaw, nga anaa ni Kristo, modala kaninyo aron mobarog sa kaulaw ug makalilisang nga apagbasol sa atubangan sa bhukmanan sa Dios?

10 Ug sumala sa gahom sa ahustisya, kay ang hustisya dili ikadumili, kinahanglan nga itambog kamo sa blinaw sa kalayo ug asupri, kansang mga siga dili mapalong, ug kansang mga aso padayon nga mosaka hangtod sa kahangtoran, diin ang mao nga linaw sa kalayo ug asupri mao ang cwalay kataposan nga dhilabihang pagsakit.

11 O unya, hinigugma kong kaigsoonan, paghinulsol kamo, ug sulod sa ahigpit nga ganghaan, ug padayon sa pig-ot nga agianan, hangtod maangkon ninyo ang kinabuhing dayon.

12 O apagmaalamon; unsa pa ang akong ikasulti nga labaw pa niini?

13 Sa kataposan, manamilit na ako kaninyo, hangtod makita ko kamo sa atubangan sa makahimuot nga hukmanan sa Dios, diin nga hukmanan mosilot sa mga daotan sa amakalilisang nga kakuyaw ug kahadlok. Amen.