1 Taraia ngkai, e na koro bukina bwa Ngai ae Iakobwa, I a tia ni beku mwaaka ni kabwarabwara nakoia au botanaomata, (ao I aki kona ni koroi ni kabane kanoan au taeka, ibukin kaangaangan korean ara taeka iaon taian bwaatua) ao ti ataia bwa taeka ni kabane ake ti koroi iaon taian bwaatua a na teimatoa.

2 Ma a na bua ni kabane bwaai ake ti aki koroi i aon taian bwaatua ma ni mauna nako; ma ti kona ni koroi taeka tabeua i aon taian bwaatua, are a na kona iai natira ma tarira aika a tangiraki ni karekea mai iai ataan taekara teutana, ke taekaia aia bakatibu—

3 Ao ti kimwareirei ni karaoan te bwai aio; te botumwaaka ni beku ni koroi taeka iaon taian bwaatua, ma te kaantaninga bwa a na butimwaei tarira aika a tangiraki ma natia ma te kaitau inanoia, ao a na reiakin n te kimwareirei n tiaki te rawawata, ke n te aki rau n nano, n ongo taekaia aia moan kaaro.

4 Bwa bon aio bukin korean bwaai aikai, bwa a na ataia ae ti ^aataa taekan Kristo, ao ti kariaria rokon mimitongina i nanon bubua n ririki i mwaain rokona; ao tiaki ti ngaira aika ti kariaria rokon mimitongina, ma ^bburabeti aika a tabu ni kabane ake a maiu imwaira.

5 Taraia, a kakoaua Kristo ao a ^aneboa te Tama n arana, ao ti neboa naba te Tama n arana. Ao ibukin aio are ti kaawakina iai ana ^btua Mote, bwa e ^cbuoki tamneira ma rabwatara ni kairia nakoina; ao e a tia n tabuaki ibukin karaoan ae raoiroi iroura ibukin te waki aio, n aron are a tia n taekinaki nakon Aberaam i nanon te rereua bwa e na ongeaba nakon ana tuatua te Atua ao e na anga natina ae Itaaka, are ti te arona ma te Atua ngke e anga ^dNatina are Te Rikitemanna.

6 Mangaia ae ti ukoukori kanoan aia taeka burabeti, ao a mwaiti kaotioti ma tamnein ^ataeka ni burabeti; ao n nooran ^bkakoaua aikai ao e a reke iroura te kaantaninga, ao a aki kai kamwaeaki ara onimaki, ao ti a kona n ^ctuatua n ^daran Iesu ao a na iri ara taeka taian aroka, ke taian maunga, ke naon marawa.

7 E ngae n anne ao e a kaoti ^amamaarara nakoira te Uea ae te Atua bwa ti aonga n ataia bwa bon man ana akoi, ao man ruona nakoia kaain te aonaba are a reke iai iroura te mwaaka ni karaoi bwaai aikai.

8 Taraia, a korakora ma ni kamimi ana mwakuri te Uea. E ^akaangaanga reken te atatai ibukin aan ana ^bmwakuri aika a raba; ao e aki kona te aomata n atai aron ana mwakuri nako. Ao akea te aomata ae kona n ^catai kanoan ana ^dmwakuri ma ti ngkana a kaotaki nakoina; ngaia are, taari, tai tannako man taian kaotioti aika mai iroun te Atua.

9 Bwa taraia, e riki te ^aaomata nako aon te aonaba ni mwaakan ana ^btaeka, ae te aonaba are karikaki ni mwaakan ana taeka. Mangaia ae ngkana e kona te Atua ni karika te aonaba man ana taeka, ao n riki te aomata n ana taeka, bukin teraa ngkai e na aki kona n tautaekana te ^caonaba, ke bwaai ake e a tia ni kariki ni baina ake a mena iaona, n aron nanona ma kukureina?

10 Mangaia ae tariu, kam na tai ^akaeta te Uea, ma kam na ongeaba n taian reirei mai irouna. Bwa taraia, kam ataia ae e reirei ma te ^bwanawana, ma te tuaraoi, ma te nanoanga ae korakora, n ana taeka ni kabane.

11 Mangaia ae tariu aika kam tangiraki, kam na raoiakinaki nakoina rinanon te ^amwakuri ni kamaiu iroun Kristo, ae Natina ae Te ^bRikitemanna, bwa kam aonga ni karekea te ^cmangauti, n aron mwaakan te mangauti mai iroun Kristo, ao kam na riki bwa ana ^dmoan uaa Kristo nakon te Atua, n tia ni karekea te onimaki ma te kaantaninga ae tamaroa man te mimitong are irouna i mwain rokona nakon te aonaba n rabwata.

12 Ao ngkai ngkami aika kam tangiraki, kam na tai miimi ngkai I tuangkami bwaai aikai; bwa e aera ngkai ti na aki ^ataekina ana mwakuri ni kamaiu Kristo, ao ni karekea kororaoin taekana, ao ni karekea naba taekan te mangauti ma te aonaba n taai aika a na roko?

13 Taraia, tariu, ane e na taetae ni burabeti, ke e taetae ni burabeti bwa aonga n oota iai aomata ni kabane; bwa e taekina te koaua te ^aTamnei ao e aki kewe. Mangaia ae ke taekin bwaai ^bngkai, ma aika a na roko; mangaia ae a ^ckamatataaki bwaai aikai nakoira, ibukin kamaiuan tamneira. Ma taraia, tiaki ti ngaira taan kakoauai bwaai aikai; bwa e a tia naba te Atua n taetae nakoia burabeti ni kawai.

14 Bwa taraia, Iutaia bon aomata aika a ^abonotaninga; ao a ^baki kakoauai taeka aika mataata, ao a tiringiia burabeti, ao a ukoukori bwaai aika a aki atai nanoia. Mangaia ae ibukin ^cmatakia, ae te mataki ae reke man taraan bwaai aika akea manenaia, ao a na riai ni bwaka; bwa e a tia n anaa ana oota te Atua mai irouia, ao e a anganiia bwaai aika a mwaiti aika a ^daki kona n oota iai, ngkai a tangiri, ao e karaoia te Atua ngkai a tangiria, bwa aonga ni bwaka.

15 Ao ngkai, Ngai ae Iakobwa, I a kairaki iroun te Tamnei bwa N na taetae ni burabeti; bwa I kona n noori n aron ana kairi te Tamnei are mena inanou, bwa ni ^abwakaia Iutaia ao e na ^baki butimwaea te ^catibu are a kona ni katei aia kateitei aika a matoatoa.

16 Ma taraia, n aron are taekinaki i nanon koroboki aika tabu, e na riki ni korakora te ^aatibu aio, ao te kabanea, ao aan te ^bkateitei ni koaua, are a na kateitei iaona Iutaia.

17 Ao ngkai, ngkami aika tangiraki e na kanga ni kona ni kateitei i aona ma ni karikiia bwa maninginingin aia kateitei ^ai mwin aki butimwaean an te kateitei ni koaua?

18 Taraia tariu aika kam tangiraki, N na kabwaranakoa te bwai ae kamimi aio nakoimi; ngkana I aki ioioaki man matoatoau n te tamnei ma ni bwaka ibukin korakoran rawawatau ibukimi.