1 Manje bheka, kwenzeka ukuthi mina, Jakobe, sengibafundisile okuningi abantu bami ngezwi, (futhi ngeke ngikwazi ukubhala ngaphandle kokuncane nje kwamazwi ami, ngenxa yobulukhuni bokuqopha amazwi ethu phezu kwezingcwephe) futhi siyazi ukuthi izinto esizibhalayo phezu kwalezi zingcwephe kufanele zihlale;

2 Kodwa noma ngabe yiziphi izinto esizibhalayo phezu kwanoma yini enye into ngaphandle kwasezingcwepheni kufanele zishabalale futhi zinyamalale; kodwa singawabhala amazwi ambalwa phezu kwezingcwephe, ayonikeza abantwana bethu, futhi ngokunjalo nabafowethu abathandekayo, ulwazi oluncane mayelana nathi, noma mayelana noyise—

3 Manje kulento siyathokoza; futhi sisebenza ngokukhuthala ukuqopha lamazwi phezu kwezingcwephe, sethemba ukuthi abafowethu abathandekayo kanye nabantwana bethu bazowemukela ngezinhliziyo ezibongayo, futhi babheke kuwo ukuze bafunde ngokujabula futhi hhayi ngokudabuka, noma ngokwedelela, mayelana nabazali babo bokuqala.

4 Ngokuba, ngalenhloso sizibhalile lezi zinto, ukuze bazi ukuthi ^asasazi ngoKristu, futhi sasinethemba lenkazimulo yakhe amakhulu amaningi eminyaka ngaphambi kokufika kwakhe; futhi hhayi ukuthi yithina kuphela nje esasinethemba lenkazimulo yakhe, kodwa ngokunjalo nabo bonke ^babaphrofethi abangcwele ababengaphambi kwethu.

5 Bheka, babekholwa kuKristu futhi ^abemkhonza uBaba egameni lakhe, ngokunjalo nathi sikhonza uBaba egameni lakhe. Futhi ngalenhloso sigcina ^bumthetho kaMose, ^cokhombisa imiphefumulo yethu kuye; futhi ngalesi sizathu kuthathwa ngokuthi senza ukulunga, ngisho njengoba kwancomeka ku-Abrahama ehlane ukuthi alalele imiyalelo kaNkulunkulu ekunikeleni ngendodana yakhe u-Isaka, lokho okungumfanekiso kaNkulunkulu kanye ^dneNdodana yakhe eZelwe Yodwa.

6 Ngalokho-ke, siyabacwaninga abaphrofethi, futhi sinezambulo eziningi kanye nomoya ^awokuphrofetha; futhi ngokuba nabo bonke ^blabofakazi sithola ithemba, futhi ukholo lwethu lungabe lusanyakaziseka, kangangokuthi ngempela ^csingayala ^dngegama likaJesu futhi izihlahla zona kanye zisilalele, noma izintaba, noma amagagasi olwandle.

7 Nokho, iNkosi uNkulunkulu isikhombisa ^aubuthakathaka bethu ukuze sazi ukuthi kungenxa yomusa wayo, kanye nokuzehlisa kwayo okukhulu kubantwana babantu, ukuthi sibe namandla okwenza lezi zinto.

8 Bheka, mikhulu futhi iyamangalisa imisebenzi yeNkosi. ^aAkucwaningeki kangakanani ukujula ^bkwezimfihlakalo zayo; futhi akunakwenzeka ukuthi umuntu athole zonke izindlela zayo. Futhi akukho muntu ^cowaziyo ^dngezindlela zayo ngaphandle kokuthi zembulwe kuye; ngalokho-ke, bafowethu, ningazideleli izambulo zikaNkulunkulu.

9 Ngokuba bheka, ngamandla ^aezwi lakhe ^bumuntu weza phezu kobuso bomhlaba, lowo mhlaba owawudalwe ngamandla ezwi lakhe. Ngalokho-ke, uma uNkulunkulu ekwazi ukukhuluma futhi umhlaba wabakhona, wakhuluma futhi umuntu wadalwa, O pho-ke, kungani engenakukwazi ukuyala ^cumhlaba, noma umsebenzi wezandla zakhe phezu kobuso bawo, njengokuthanda kanye nokufisa kwakhe na?

10 Ngalokho-ke, bafowethu, musani ukufuna ^aukweluleka iNkosi, kodwa ukuthatha ukwelulekwa esandleni sayo. Ngokuba bhekani, nina qobo lwenu niyazi ukuthi yeluleka ^bngokuhlakanipha, nangokulunga, kanye nangomusa omkhulu, phezu kwayo yonke imisebenzi yayo.

11 Ngalokho-ke, bafowethu abathandekayo, buyisanani naye ^angenhlawulo kaKristu, ^biNdodana yakhe eZelwe Yodwa, futhi ningathola ^cuvuko, njengokwamandla ovuko akuKristu, futhi nilethwe ^dnjengezithelo zokuqala zikaKristu kuNkulunkulu, ninokholo, futhi nithole ithemba elihle lenkazimulo kuye ngaphambi kokuzibonakalisa kwakhe esenyameni.

12 Manje, bathandekayo, ningamangali ukuthi nginitshela lezi zinto; ngokuba kungani ^akungakhulunywa ngenhlawulo kaKristu, futhi kuzuzwe ulwazi oluphelele lwakhe, njengokuzuza ulwazi lovuko kanye nomhlaba ozayo na?

13 Bhekani, bafowethu, lowo ophrofethayo, makaphrofethe ngokuqonda kwabantu; ngokuba ^auMoya ukhuluma iqiniso futhi awuqambi manga. Ngalokho-ke, ukhuluma ngezinto njengoba ngempela ^bzinjalo, futhi nangezinto njengoba ngempela zizokuba njalo; ngalokho-ke, lezi zinto zibonakaliswa kithi ^cngokusobala, ukuze kusindiswe imiphefumulo yethu. Kodwa bhekani, thina asibona ofakazi sodwa kulezi zinto; ngokuba phezu kwalokho uNkulunkulu wazikhuluma nakubo abaphrofethi basendulo.

14 Kodwa bhekani, amaJuda ^aayengontamolukhuni babantu; futhi ^bawadelela amazwi acacileyo, futhi abulala abaphrofethi, futhi afuna izinto ayengenakuziqonda. Ngalokho-ke, ngenxa ^cyobumpumputhe bawo, lobo bumpumputhe obafika ngokubuka ngale komgomo, kufanele awe; ngokuba uNkulunkulu ukususile okusobala kwakhe kuwo, futhi wathumela kuwo eziningi izinto ^dangenakuziqonda, ngenxa yokuthi ayezifisa. Futhi ngenxa yokuthi ayezifisa uNkulunkulu ukwenzile lokhu, ukuze akhubeke.

15 Manje mina, Jakobe, ngiholelwa nguMoya ekuphrofetheni; ngokuba ngiyabona ngokusebenza kukaMoya okimi, ukuthi ^angokukhubeka kwamaJuda ^bazolenqaba lelo ^ctshe abengakhela phezu kwalo futhi abe nesiphephile isisekelo.

16 Kodwa bhekani, ngokwemibhalo engcwele, leli ^alitshe liyokuba ngesikhulu, nesokugcina, futhi ^bisisekelo esiyiso kuphela, amaJuda angakhela phezu kwaso.

17 Manje, bathandekayo bami, kungenzeka kanjani ukuthi laba, emva kokuthi sebesenqabile isisekelo esiyiso, ^abangakhela phezu kwaso futhi, ukuze sibe yinhloko yengosi yabo na?

18 Bhekani, bafowethu abathandekayo, ngizoyembula lemfihlakalo kini; uma kungenzeki, nangayiphi indlela, ngithole ukunyakaziswa ekuqineni kwami eMoyeni, futhi ngikhubeke ngenxa yokukhathazeka okukhulu kwami ngani.