1 Lee, ugbua o wee ruo nʼafọ nke iri isii na iteghete nke ọchịchị nke ndị-ikpe na-achị ndị nke ndị Nifaị, na Nifaị, nwa nwoke nke Hilaman, ^alaghachiri nʼala nke Zarahemla site nʼala dị nʼelu-elu.

2 N’ihi na ọ gawọrịị nʼiru nʼetiti ndị nke nọ nʼala ahụ dị nʼelu-elu, ma kwusaara ha okwu nke Chineke, ma buoro ha amụma ọtụtụ ihe;

3 Ma ha jụrụ okwu ya nile, nke mere na o nweghị ike ịnọ nʼetiti ha, kama laghachị ọzọ nʼala nke ọmụmụ ya.

4 Ma ebe ọ hụrụ ndị ahụ nʼọnọdụ nke ụdị ajọọ-omume a dị egwu, na ebe ndị ori Gadiantọn ahụ na-emejupụta oche-ikpe ahụ nile—ebe ha pụnariworo ike na ikike nke ala ahụ; na-edebe nʼakụkụ iwu-nsọ nile nke Chineke, na adịghị eme ọbụna ihe ntakịrị ziri-ezi nʼiru ya; anaghị emeso ụmụ nke mmadụ ihe ziri-ezi,

5 Na-ekwutọ ndị ezi-omume n’ihi ezi-omume ha; na-ahapụ ndị ikpe mara na ndị ajọọ-omume ka ha laa nʼenweghị ntaram-ahụhụ n’ihi ego ha; ma nke ka nke idebe ha nʼọkwa dị nʼisi nke ndị ọchịchị, ịchị na ime dịka ha siri chọọ, ka ha wee nweta uru na otuto nke ^aụwa, ma, nke ka nke, ka o wee dịrị ha mfe ịkwa iko, ma zuo ori, ma gbuo mmadụ, ma mee dịka ọchịchọ nke onwe ha nile siri dị—

6 Ugbua nnukwu ajọọ-omume nke a abịakwasịwo ndị nke Nifaị, nʼohere nke na-adịghị ọtụtụ afọ; ma mgbe Nifaị hụrụ ya, mkpụrụ-obi ya zara aza na mwute nʼime obi ya; ma o tiri mkpu na mgbu nke mkpụrụ-obi ya:

7 O, na m gararịị enwe ụbọchị m nile nʼụbọchị ndị nile mgbe nna m Nifaị pụtara mbụ site nʼala nke Jerusalem, na m gaara an̄ụrị ọnụ mụ na ya nʼala nke e kwere na nkwa; mgbe ahụ ka ọ naara adị mfe ikuziri ndị ya, kwusie ike nʼidebe iwu-nsọ nile nke Chineke, ma na-aga nwayọ nʼikwe nduba nʼajọọ-omume; ma ha naara eme ọsọ-ọsọ ịn̄a-ntị nʼokwu nile nke Onye-nwe—

8 E, ọbụrụ na ụbọchị m nile gaara abụ nʼụbọchị nile ndị ahụ, mgbe ahụ ka mkpụrụ-obi m gaararịị enwe ọn̄ụ nʼezi-omume nke ụmụnne m ndị nwoke.

9 Mana lee, e zipụtara m na ndị a bụ ụbọchị nile nke m, ma na mkpụrụ-obi m ga-ejupụta na mwute n’ihi ajọọ-omume nke a nke ụmụnne m nwoke.

10 Ma lee, ugbua o wee ruo na ọ bụ nʼelu ụlọ-elu tọwa, nke dị nʼime ubi-nta nke Nifaị, nke dị nʼakụkụ okporo-ụzọ nke dubara na nnukwu ahịa, nke dị nʼobodo-ukwu nke Zarahemla; ya mere, Nifaị akpọwo-isi-ala nʼelu ụlọ-elu tọwa ahụ nke dị nʼubi-nta ya, ụlọ elu tọwa nke dị kwa nso nʼọnụ-ụzọ ama nʼakụkụ nke okporo-ụzọ ahụ siri gaa.

11 Ma o wee ruo na o nwere ụfọdụ ndị nwoke na-agafe ma hụ Nifaị ka ọ na-awụpụta mkpụrụ-obi ya nye Chineke nʼelu ụlọ-elu tọwa ahụ; ma ha gbara ọsọ ma gwa ndị ahụ ihe ha hụworo, ma ndị ahụ bịakọtara nʼigwe nʼigwe ka ha nwe ike mata ihe kpatara nnukwu iru-uju dị otu a maka ajọọ-omume nke ndị ahụ.

12 Ma ugbua, mgbe Nifaị bilitere ọ hụrụ igwe-igwe mmadụ ndị gbakọtaworo ọnụ.

13 Ma o wee ruo na o meghere ọnụ ya ma sị ha: Lee, ^agịnị mere unu jiri kpọkọta onwe unu ọnụ? Ka m wee gwa unu maka ajọọ-omume unu?

14 E, n’ihi na arịkwasịrịwo m nʼelu ụlọ-elu tọwa m ka m wee wụpụta mkpụrụ-obi m nye Chineke m, n’ihi mwute karịrị akarị nke obi m, nke bụ n’ihi ajọọ-omume unu nile!

15 Ma n’ihi iru-uju m na ịkwa akwa m, unu akpọkọtawo onwe unu ọnụ, ma ọ tụrụ unu nʼanya; e, ma ọ dị nnukwu mkpa ka ọ tụ unu nʼanya; e, o kwesịrị ịtụ unu nʼanya n’ihi na e nyepụrụ unu nke mere na ekwensu ejidesiwo obi unu nnukwu ike.

16 E, olee otu unu sịworo nye efe maka ito-akpịrị nke onye ahụ na-achọ ịtụda mkpụrụ-obi unu nile nʼọnọdụ nhuju anya mgbe nile na-adigide na ahụhụ agwụgh-agwụ?

17 O chegharịa nụ, chegharịa nụ! ^aGịnị mere unu ga-eji nwụọ? Tụgharịa nụ, tụgharịkwute nụ Onye-nwe Chineke unu. Gịnị mere o jiri hapụ unu?

18 Ọ bụ n’ihi na unu emesịwo obi unu ike, e unu agaghị an̄a ntị nʼolu nke ^aezi onye-ọzụzụ-atụrụ ahụ; e, unu ^bakpasuwo ya iwe megide unu.

19 Ma lee, kama ^aịkpọkọta unu, ma ọbụghị na unu chegharịrị, lee, ọ ga-ekposasị unu aghara aghara ka unu wee ghọọ anụ nye nkịta nile na anụ ọhịa ọjọọ nile.

20 O, lee otu unu ga-esi chefuwọrịị Chineke unu nʼotu ụbọchị ahụ nke ọ napụtara unu?

21 Mana lee, ọ bụ inweta uru, inweta otuto nke mmadụ, e, na ka unu nwe ike nweta ọla-edo na ọla-ọcha. Ma unu atụkwasịwo obi unu nile na akụ na ụba na ihe efu nile nke ^aụwa nke a, nke mere na unu na egbu mmadụ, ma na-apụnara ihe, ma zuo ori, ma gbaa ^bama ụgha megide onye-agbata-obi unu, ma mee ụdị ajọọ-omume nile dị iche iche.

22 Ma n’ihi ihe nke a ahụhụ ga-abịakwasị unu ma ọbụghị na unu ga-echegharị. N’ihi na ọbụrụ na unu agaghị echagharị, lee, nnukwu obodo-ukwu nke a, na kwa nnukwu obodo-ukwu ndị ahụ gbara gburu-gburu, ndị nke dị nʼala nke onwunwe anyị, a ga-ewepụ ha nke mere na unu agaghị enwe ọnọdụ nʼime ha; n’ihi na lee, Onye-nwe agaghị enye unu ^aume, dịka o meworo na mbụ, ịnagide mmegide ndị-iro unu.

23 N’ihi na lee, otu a ka Onye-nwe kwuru: Agaghị m egosị ndị ajọọ-omume ume m, nye otu onye karịa nke ọzọ, ma ọbụghị nye ndị nke chegharịrị site na mmehie ha nile, ma n̄aa ntị nʼokwu m nile. Ugbua ya mere, ọ ga-adị m mma ma asị na unu ga-ahụ, ụmụnne m nwoke, na ọ ^aga-akara ndị nke Leman mma karịa unu ma ọbụghị na unu ga-echegharị.

24 N’ihi na lee, ha bụ ndị ezi-omume karịa unu, n’ihi na ha emehiebeghị megide nnukwu amamihe ahụ nke unu nataworo; ya mere Onye-nwe ga-emere ha ebere; e, ọ ^aga-agbatịpụ ụbọchị ha nile ma mụbaa mkpụrụ-afọ ha, ọbụna mgbe a ^bga-ebibi unu kpam kpam ma ọbụghị na unu ga-echegharị.

25 E, ahụhụ dịrị unu n’ihi nnukwu ihe arụ ahụ nke bịaworo nʼetiti unu; ma unu ejikọtawo onwe unu nye ya, e, nye ^aotu nzuzo ahụ nke Gadiantọn hiwere!

26 E, ^aahụhụ ga-abịakwasị unu n’ihi mpako ahụ nke unu kweworo ka ọ baa nʼime obi unu, nke buliteworo unu elu karịa ihe nke dị mma n’ihi ^bakụ na ụba unu karịrị akarị!

27 E, ahụhụ dịrị unu n’ihi ajọọ-omume unu na ihe arụ nile!

28 Na ma ọbụghị na unu chegharịrị unu ga-ala nʼiyi; e, ọbụna ala unu nile a ga-anapụta unu ha, ma a ga-ebibipụ unu site nʼelu iru nke ụwa.

29 Lee ugbua, asịghị m na ihe ndị a ga-adị, nʼike aka m, n’ihi na ọbụghị nʼonwe m ka m ^amatara ihe ndị a; mana lee ama m na ihe ndị a bụ ezi-okwu n’ihi na Onye-nwe Chineke emewo ka m mata ha, ya mere ana m agba-ama na ha ga-eme.