1 Futhi kwenzeka ukuthi umfowabo kaJarede, (manje isibalo sezikebhe ezase zilungisiwe zaziyisishiyagalombili) wahamba waya entabeni, ababeyibiza ngentaba iShelema, ngenxa yobude bayo obukhulu, futhi wancibilikisa edwaleni amatshe amancane ayishumi nesithupha; futhi ayemhlophe futhi ecacile, ngisho njengengilazi ekhanyayo; futhi wawathwala ngezandla zakhe waya nawo phezulu entabeni, futhi waphinda wakhala eNkosini, ethi:

2 O Nkosi, uthe sizozungezwa yizikhukhula. Manje bheka, O Nkosi, futhi ungadinwa yinceku yakho ngenxa yobuthakathaka bayo phambi kwakho; ngokuba siyazi ukuthi wena ungcwele futhi uhlala emazulwini, futhi nokuthi thina asifanelekile phambi kwakho; ngenxa ^ayokuwa ^bimvelo yethu selokhu yaba nobubi njalo; nokho, O Nkosi, usinike umyalelo wokuthi kufanele sicele kuwe, ukuze kuwe sithole njengokwezifiso zethu.

3 Bheka, O Nkosi, usishayile ngenxa yobubi bethu, futhi wasiqhuba, futhi kuleminyaka eminingi besisehlane; nokho, ube ^anomusa kithi. O Nkosi, ngibheke ngokungihawukela, futhi ususe intukuthelo yakho kulaba bantu bakho, futhi ungavumi ukuthi bahambe banqamule kulamanzi anesivunguvungu ebumnyameni; kepha bheka lezi zinto engizincibilikisile ngazikhipha edwaleni.

4 Futhi ngiyazi, O Nkosi, ukuthi wena ^aunamandla onke, futhi ungenza noma yini oyifisayo ukuthi kuzuze umuntu; ngakho-ke thinta lamatshe, O Nkosi, ngomunwe wakho, futhi uwalungisele ukuthi akhanye ebumnyameni; futhi ayosikhanyisela ezikebheni esizilungisile, ukuze sibe nokukhanya ngesikhathi sinqamula ulwandle.

5 Bheka, O Nkosi, ungakwenza lokhu. Siyazi ukuthi wena uyakwazi ukukhombisa amandla akho amakhulu, ^aabukeka emancane ngokuqonda kwabantu.

6 Futhi kwenzeka ukuthi ngesikhathi umfowabo kaJarede esewashilo lamazwi, bheka, ^aiNkosi yelula isandla sayo futhi yawathinta amatshe ngalinye ngalinye ngomunwe wayo. Futhi ^bisisitho sasuswa emehlweni omfowabo kaJarede, futhi wabona umunwe weNkosi; futhi wawunjengomunwe womuntu, njengenyama kanye negazi; futhi umfowabo kaJarede wawa phansi phambi kweNkosi, ngokuba washaywa wukwesaba.

7 Futhi iNkosi yabona ukuthi umfowabo kaJarede wayesewele phansi; yase iNkosi ithi kuye: Sukuma, uwiswa yini na?

8 Futhi wathi eNkosini: Ngibone umunwe weNkosi, futhi ngesabile hleze ingishaye; ngokuba bengingazi ukuthi iNkosi inenyama kanye negazi.

9 INkosi yathi kuye: Ngenxa yokholo lwakho ubonile ukuthi ngiyongena emzimbeni ^awenyama kanye negazi; futhi akukaze nanini umuntu eze phambi kwami ngokholo olukhulu kangaka njengoba wena wenzile; ngokuba ukuba bekungenjalo ubungenakuwubona umunwe wami. Ngabe ubona okuningi kunalokhu na?

10 Futhi waphendula wathi: Cha; Nkosi, ziveze kimi.

11 INkosi yathi kuye: Uzowakholwa yini amazwi engizowakhuluma na?

12 Waphendula wathi: Yebo, Nkosi, ngiyazi ukuthi wena ukhuluma iqiniso, ngokuba unguNkulunkulu weqiniso, futhi ^aawunakuwaqamba amanga.

13 Futhi ngesikhathi esewashilo lamazwi, bheka, iNkosi ^ayaziveza kuye, futhi yathi: ^bNgenxa yokuthi uyazazi lezi zinto usukhululiwe ekuweni; ngakho-ke ubuyiselwa phambi bami; ngakho-ke ^cngiyaziveza kuwe.

14 Bheka, nginguye lowo owalungiselelwa kusukela ekusekelweni komhlaba ukuze ^angikhulule abantu bami. Bheka, nginguJesu Kristu. Ngingu ^bBaba kanye neNdodana. Kimi sonke isintu siyokuba ^cnokuphila, futhi lokho kuyoba okwaphakade, ngisho nalabo abayokholwa egameni lami; futhi bayokuba ^dngamadodana kanye namadodakazi ami.

15 Futhi angikaze nanini ngiziveze kumuntu engimdalile, ngokuba umuntu akakaze nanini ^aakholwe kimi njengoba wena wenzile. Uyabona yini ukuthi wenziwe ^bngomfanekiso wami na? Yebo, ngisho bonke abantu badalwa ekuqaleni ngomfanekiso wami.

16 Bheka, lomzimba, owubonayo manje, ngumzimba ^awomoya wami; futhi umuntu ngamdala ngomfanekiso womzimba womoya wami; futhi njengoba ngivela kuwe ngisemoyeni ngiyovela kubantu bami enyameni.

17 Manje, njengoba mina, Moroni, ngithe ngeke ngikwazi ukwenza indaba ephelele yalezi zinto ezibhaliwe, ngakho-ke kuyangenelisa ukusho ukuthi uJesu waziveza kulendoda esemoyeni, ngisho nangaleyo ndlela futhi nangokufana nalowo mzimba ^aazibonakalisa ngawo kumaNefi.

18 Futhi wamsebenzela ngisho nanjengoba asebenzela amaNefi; futhi konke lokhu, ukuze kuthi lendoda yazi ukuthi wayenguNkulunkulu, ngenxa yemisebenzi eminingi nemikhulu iNkosi eyambonisa yona.

19 Futhi ngenxa yolwazi lwalendoda ayibange isavinjelwa ukuthi ibone ngaphakathi ^akwesisitho; futhi yabona umunwe kaJesu, okwathi uma iwubona, yawa ngokwesaba; ngokuba yazi ukuthi kwakungumunwe weNkosi; futhi ayibange isaba nokholo, ngokuba yaseyazi, ingasangabazi lutho.

20 Ngalokho-ke, esenalolulwazi oluphelele lukaNkulunkulu, ^aakabange esavinjelwa ukuthi abe ngaphakathi kwesisitho; ngakho-ke wambona uJesu; futhi nempela wamsebenzela.

21 Futhi kwenzeka ukuthi iNkosi yathi kumfowabo kaJarede: Bheka, ungazivumeli lezi zinto ozibonile futhi nozizwile ukuthi ziye emhlabeni, kuze ^akufike isikhathi engiyodumisa ngaso igama lami enyameni; ngalokho-ke, uyozogcina lezi zinto ozibonile futhi nozizwile, futhi ungazikhombisi muntu.

22 Futhi bheka, ngesikhathi usuhlangana nami, uyozibhala futhi uzigcine zilondekile, ukuze kungabi bikho namunye ongazihumusha; ngokuba uyozibhala ngolimi ukuze zingafundeki.

23 Futhi bheka, ^alamatshe amabili ngizokunika wona, futhi uyowagcina elondekile nawo futhi nalezo zinto oyozibhala.

24 Ngokuba bheka, lolo limi oyolubhala ngiluphambanisile; ngalokho-ke ngiyokwenza ngesikhathi sami esifanele ukuthi lamatshe azicacise emehlweni abantu lezi zinto oyozibhala.

25 Futhi ngesikhathi iNkosi isiwakhulumile lamazwi, yakhombisa umfowabo kaJarede ^abonke abantu bomhlaba ababe kade bekhona, futhi kanjalo nabo bonke labo ababesazoba khona; futhi ayibagodlanga emehlweni akhe, kwaze kwaba ngisho nasemikhawulweni yomhlaba.

26 Ngokuba yayishilo kuye ngezikhathi eziphambili, ukuthi ^auma wayezo ^bkholwa kuyo ukuthi yayizokhombisa ^czonke izinto—lokho kwakuzokhonjiswa kuye; ngakho-ke iNkosi yayingasenakugodla nanoma yini kuye, ngokuba wayazi ukuthi iNkosi yayingamkhombisa zonke izinto.

27 Futhi iNkosi yathi kuye: Bhala lezi zinto bese ^auzigcina zilondekile; futhi ngiyoziveza ngesikhathi sami esifanele kubantwana babantu.

28 Futhi kwenzeka ukuthi iNkosi yamyala ukuthi awagcine elondekile nalawo ^amatshe amabili ayewatholile, futhi angawavezi, kuze kube iNkosi iwaveza yona kubantwana babantu.