1 Na afei ɔbaa dɛ Alma kasaa kyerɛɛ dɔm a wɔwɔ asɔr a wɔakyekyer wɔ Zarahemla kuropɔn mu no wiei no, ɔdze ne ^ansa guu binom do ^bhyɛɛ hɔn asɔfo nye ^celderfo dɛ mbrɛ Nyankopɔn ne nhyehyɛɛ no tse, dɛ wondzi bano wɔ asɔr no do na ^dwɔnhwɛ no mu dwumadzi so do.

2 Na ɔbaa dɛ hɔn a wonnyi asɔr no mu na wonuu hɔnho wɔ hɔn bɔn ho no, ^awonumaa hɔn kɔr nnuho mu, na wɔgyee hɔn too asɔr no mu.

3 Na ɔbaa so dɛ hɔn a wɔwɔ asɔr no mu na ^awoennu hɔnho wɔ hɔn emumuyɛdze ho na wɔammbrɛ hɔnho adze wɔ Nyame enyim no—mekyerɛ hɔn a ^bahantanyɛ ahyɛ hɔn akoma mu no—wɔpoow hɔn, na ^cwɔpepaa hɔn edzin ntsi wɔannkan hɔn ammfora atseneneefo no.

4 Na dɛm na wɔhyɛɛ ase dze hyehyɛɛ asɔr no mu dwumadzi wɔ Zarahemla kuropɔn no mu.

5 Afei mepɛ dɛ hom tse ase dɛ Nyame n’asɛm wɔ hɔ ma obiara, na obiara nnyi hɔ a wosiiw ne ndzinoa kwan dɛ wobehyia mu etsie Nyame n’asɛm.

6 Naaso wɔhyɛɛ Nyankopɔn ne mba no dɛ wɔntaa mboa hɔnho ano, na wɔmbɔ mu mfa ^aakɔnkye na mpaabɔ a ɔyɛ dzen mma akra a wonnyim Nyankopɔn no wɔ hɔn yieyɛ ntsi.

7 Na afei ɔbaa dɛ aber a Alma yɛɛ mbra yinom wiei no, ofii hɔn nkyɛn kɔree, nyew, ofii asɔr a ɔwɔ Zarahemla kuropɔn mu no, na ɔdze faa esutsen Sidon no boka afamu kɔr ^aGideon mbɔnsa no mu mbrɛ wɔakyekyer kuropɔn bi wɔ hɔ a wɔfrɛ no Gideon a wɔdze too ɔbarimba no a ^bowui wɔ Nehor ne nkrantsee ano no no.

8 Na Alma kɔree kɛhyɛɛ ase dɛ ɔreda Nyame n’asɛm no edzi akyerɛ asɔr a wɔkyekyeree wɔ Gideon bɔnsa mu no, dɛ mbrɛ asɛm no no nokwar ho nyikyerɛ a n’egyanom akã ho asɛm no, na dɛ mbrɛ nkɔnhyɛ sunsum a ɔwɔ no mu tse na dɛ mbrɛ Jesus Christ Nyankopɔn ne Ba no ho ^adasegye tse, ɔno a ɔbɛba abɔpon no nkorɔfo efi hɔn bɔn mu, nye nhyehyɛɛ krɔnkrɔn a osian dɛm ntsi wɔfrɛɛ no no. Na dɛm na wɔakyerɛw. Amen.