Tsir 11
Wɔkyerɛkyerɛ Nephifo sika mu—Amulek nye Zeezrom fimfɛn—Christ renngye nkorɔfo nkwa wɔ hɔn bɔn mu—Hɔn a wobenya sor ahenman no edzi nko na wɔbɛgye hɔn nkwa—Nyimpa nyina dze bɛkyebo honandua bɔsoɛr—Owu biara nnyi Owusoɛr ekyir. Bɛyɛ mfe 82 Ansaana wɔbɔwo Christ.
1 Afei ɔwɔ Mosiah ne mbra no mu dɛ obiara a obu atsɛn, anaadɛ hɔn a wɔayɛ hɔn atsɛmbuafo no wɔ dɛ wonya akatua wɔ mber dodow a wobedzi dze ebua hɔn a wɔnye hɔn bɛba hɔn enyim no hɔn nsɛm no.
2 Afei sɛ obi dze obi kaw, na ɔmmpɛ dɛ otua kaw a ɔdze no a, wɔtoa no ma ɔtsɛmbuafo; na ɔtsɛmbuafo nam no tumdzi do soma ma wɔkɛfa dɛm nyimpa no ba n’enyim; na obua dɛm nyimpa no atsɛn dɛ mbrɛ mbra no se nye dase a wɔagye dze etsia no no tse, na wɔma dɛm nyimpa no tua kaw a ɔdze no, anaadɛ wɔgye ne nsamu ndzɛmba nyina, anaadɛ woyi no edzi fi dɔm mu tse dɛ mbrɛ wɔdze yɛ ewi nye edwotwafo ara pɛr.
3 Na ɔtsɛmbuafo n’akatua a onya no gyina mber dodow a ɔdze yɛ edwuma do—sika senine da kor, anaadɛ dwetɛ senum a ɔnye sika senine yɛ pɛr; na iyi nye nhyehyɛɛ a ɔwɔ hɔ.
4 Afei dɛm edzin yinom na wɔdze frɛ sika, nye dwetɛ ahorow, dɛ mbrɛ hɔn bo tse. Na Nephifo no na wɔtotoo dɛm edzin no, osiandɛ wɔammfa edzin a Jewfo no dze frɛ hɔn dze wɔ Jerusalem no; nna wɔammfa esusudze so a Jewfo no dze susu hɔn dze no; na mbom wɔnam hɔnankasa hɔn adwen nye ma ndzɛmba tse do asakyer hɔn sika nye hɔn esusudze no fi ber to ber wɔ ebusuasantsen biara aber do dze kesi ber a ɔhen Mosiah ahyehyɛɛ too hɔ dɛ atsɛmbuafo ndzi adze no.
5 Afei sika ne nkyekyɛmu no nye yi—sika senine, sika seon, sika shum, nye sika limnah.
6 Dwetɛ senum, dwetɛ amnor, dwetɛ ezrom, nye dwetɛ onti.
7 Dwetɛ senum yɛ sika senine kor, anaadɛ atoko etwadze kor, anaadɛ eburow etwadze kor.
8 Afei sika seon yɛ senine mbɔho ebien.
9 Na sika shum yɛ seon mbɔho ebien.
10 Na sika limnah yɛ ne nyinara a wɔakã abɔmu kor.
11 Na dwetɛ amnor yɛ senum mbɔho ebien.
12 Na dwetɛ ezrom yɛ senum mbɔho anan.
13 Na onti yɛ ne nyinara a wɔakã abɔmu bo.
14 Afei sika no ne nkakraba so nye iyinom—
15 Shiblon yɛ senum ne fã; dɛm ntsi, shiblon yɛ atoko etwadze fã.
16 Na shiblum yɛ shiblon ne fã.
17 Na leah yɛ shiblum ne fã.
18 Afei iyi nye no dodow, dɛ mbrɛ ne nkyekyɛmu no tse.
19 Afei sika antion yɛ shiblon ebiasa.
20 Afei, hɔn adwentsitsir ara nye dɛ wobenya hɔnho, na osiandɛ mber dodow a wɔdze yɛ edwuma no ho akatua na wonya ntsi, wonunuu dɔm no ma wɔyɛɛ basabasa nye emumuyɛdze ahorow pii, ama woeenya edwuma pii ayɛ, ama awoeenya sika efi nsɛm a wɔdze bɛba hɔn enyim ma woedzi no ho; dɛm ntsi wonunuu dɔm no ma wɔsoɛree tsiaa Alma na Amulek.
21 Na dɛm Zeezrom yi hyɛɛ ase dɛ oribisa Amulek nsɛm dɛ: Ana ibeyiyi nsɛm kakra yi a miribebisa wo yi ano? Afei Zeezrom yɛ nyimpa bi a ɔawea wɔ abɔnsam ne andzeyɛbɔn mu ara yie ama oetum asɛɛ adze a oye; dɛm ntsi, ɔsee Amulek dɛ: Ana ibeyiyi nsɛm a mibebisa wo yi ano?
22 Na Amulek see no dɛ: Nyew, sɛ Ewuradze no aSunsum a ɔwɔ mo mu no ma mo ho kwan a, osiandɛ mennkɛkã biribiara a ɔnye Ewuradze no Sunsum bɔ ebira. Na Zeezrom see no dɛ: Hwɛ, dwetɛ onti esia nye yi, na medze iyi nyina bɛma wo sɛ ebɛkã dɛ Nyame tumfo biara nnyi hɔ a.
23 Afei Amulek see dɛ: O ɔwo ahɛl ba, ebɛnadze ntsi na besɔ me hwɛ yi? Ana innyim dɛ ɔtseneneenyi nngyaa noho mu mma nsɔhwɛ a ɔtsetse dɛm?
24 Ana enngye nndzi dɛ Nyankopɔn wɔ hɔ? Mese wo dɛ, Oho, na inyim dɛ Nyankopɔn wɔ hɔ, na mbom edɔ aahonyadze sen ɔno.
25 Na afei edzi akɔhwi akyerɛ me wɔ Nyame enyim. Ese me dɛ—Hwɛ dɛm onti esia yi a ɔsom bo kɛse yi, medze bɛma wo—wɔ aber a ɔwɔ w’akoma mu dɛ eremmfa mma me; na mbom erohwehwɛ me ma mapow Nyankopɔn tseasefo nokwafo no, ama eenya kwan asɛɛ me. Na afei hwɛ, osian dɛm bɔn kɛse yi ntsi ibenya w’akatua.
26 Na Zeezrom bisaa no dɛ: Ese dɛ Nyankopɔn tseasefo nokwafo bi wɔ hɔ?
27 Na Amulek see dɛ: Nyew, Nyankopɔn tseasefo nokwafo bi wɔ hɔ.
28 Afei Zeezrom bisaa dɛ: Ana Nyame binom so wɔ hɔ bio kã noho?
29 Na oyii ano dɛ, Oho.
30 Afei Zeezrom bisaa no bio dɛ: Eyɛ dɛn hu dɛm ndzɛmba yinom?
31 Na ɔsee dɛ: aƆbɔfo na ɔdaa iyinom edzi kyerɛɛ me.
32 Na Zeezrom bisaa no bio dɛ: Woana nye nyia ɔbɛba no? Ɔyɛ Nyame ne Ba?
33 Na ɔsee no dɛ, Nyew.
34 Na Zeezrom bisaa no bio dɛ: Ana ɔbɛgye no nkorɔfo awɔ hɔn bɔn mu? Na Amulek yii no ano dɛ: Mese wo dɛ ɔrennyɛ dɛm, osiandɛ orunntum mmpow n’asɛm.
35 Afei Zeezrom see dɔm no dɛ: Hom nhwɛ na hom akaa dɛm ndzɛmba yinom; osiandɛ ɔse dɛ Nyankopɔn kor pɛr na ɔwɔ hɔ; na bio, ɔse dɛ Nyame ne Ba bɛba, na mbom ɔrenngye no nkorɔfo—tse dɛ obi a ɔwɔ tum wɔ Nyankopɔn do.
36 Afei Amulek see no bio dɛ: Hwɛ edzi akɔhwi, osiandɛ ese dɛ makasa tse dɛ obi a ɔwɔ tum wɔ Nyankopɔn do osiandɛ makã dɛ ɔrenngye no nkorɔfo nkwa wɔ hɔn bɔn mu ntsi.
37 Na mese wo bio dɛ orunntum nngye hɔn nkwa wɔ hɔn abɔn mu; osiandɛ murunntum mmpow n’asɛm, na ɔakã dɛ badze fĩ biara runntum nntsena csor ahenman no mu; dɛm ntsi, wobesi dɛn agye hom nkwa, gyedɛ hom nya sor ahenman no? Dɛm ntsi, worunntum nngye hom nkwa wɔ hom bɔn mu.
38 Afei Zeezrom bisaa no bio dɛ: Ana Nyankopɔn ne Ba no nye Onnyiewiei Egya no ampa?
39 Na Amulek see no dɛ: Nyew, ɔno nye sor na asaase nye andzɛmba nyina a ɔwɔ mu no ne bOnnyiewiei Egya no ampa; ɔno nye ahyɛse nye ewiei no, ɔkandzifo nye okyidzifo;
40 Na ɔbɛba awiadze yi mu babɔpon no nkorɔfo; na cɔbɛfa hɔn a wɔgye ne dzin dzi no hɔn mbrato ato no do; na iyinom nye hɔn a wobenya onnyiewiei nkwa, na nkwagye nnyi hɔ ma obiara bio.
41 Dɛm ntsi emumuyɛfo bɛda ho atsena hɔ dɛ mbrɛ aɔpon biara nnyi hɔ, gyedɛ wosiansian owu mpokyerɛ no; na hwɛ, da bi bɛba a bobiara bɔsoɛr efi owu mu na oekegyina Nyame kokroko enyim, na cwoebu no atsɛn dɛ mbrɛ no ndwuma tse.
42 Afei, owu bi wɔ hɔ a wɔfrɛ no honam mu owu; na Christ no wu no besiansian honam mu owu yi no ampokyerɛ, ma obiara asoɛr efi honam mu owu yi mu.
43 Sunsum nye nyimpadua bɛsan aabɔmu bio ma ne nyimpa su edzi mu; nsa na anan nye akwaado akwaado nyina bɛkã esisi enyim bio ma eedzi mu, mpo dɛ mbrɛ yɛtse seseiara yi; na wɔdze hɛn bɛba ebegyina Nyame enyim, na yebohu dɛ mbrɛ yehu sesei, na byɛbɛkaa hɛn cafɔdzi nyinara pefee.
44 Afei, dɛm nsanananmu yi bɛba obiara do, ɔpanyin nye abofra, ndɔmmumnyi nye fahodzinyi, ɔbanyin nye ɔbaa, omumuyɛnyi nye ɔtseneneenyi; na hɔn tsir do nhwi kor mpo rennyew; na mbom adze biara abɛsan esi n’ananmu emudzi mu dɛ mbrɛ ɔtse seseiara yi, anaadɛ ɔtse wɔ nyimpadua yi mu yi, na wɔdze hɔn bɛba ebegyina Christ Ɔba no, na Nyame bEgya no nye Sunsum Krɔnkrɔn no a ɔyɛ cOnnyiewiei Nyankopɔn kor no asɛndzipon no enyim ma dwoebu hɔn atsɛn dɛ mbrɛ hɔn ndwuma tse, dɛ oye anaa omuo.
45 Afei, hwɛ, makã dza ɔfa nyimpadua yi a ɔnnkye bo mu owu nye nyimpadua yi a ɔnnkye bo mu aowusoɛr ho asɛm akyerɛ wo. Mese wo dɛ bwobenyan nyimpadua yi a ɔnnkye bo ma ɔabɛyɛ cnyimpadua bɛkyebo, ɔno nye dɛ obefi owu mu, owu a odzi kan mu dze akɔ nkwa mu, amma doennwu bio; hɔn esunsum bɛba abɛhɛn hɔn nyimpadua mu, na hɔn mu renntsetsew bio ara da; dɛm no bɛma ne nyinara ayɛ esunsum mu dze na bɛkyebo, amma woennhu prɔwee bio.
46 Afei, aber a Amulek kãa dɛm nsɛm yinom wiei no, nkorɔfo no hɔnho hyɛɛ ase dɛ ɔrobow hɔn bio, na Zeezrom noho hyɛɛ ase popoe. Na dɛm na Amulek dze ne nsɛm no baa ewiei, na iyi ara nye dza makyerɛw.