1 Na afei, mo nuanom adɔfo, makenkan dɛm ndzɛmba yinom akyerɛ hom ama hom eehu ^aahyɛmu a Ewuradze nye Israel fifo nyina edzi—

2 Dɛ ɔnam no nkɔnhyɛfo krɔnkrɔn no do akasa akyerɛ Jewfo, fitsi ahyɛse no, fitsi ebusuasantsen kesi ebusuasantsen do, ekodu dɛ mber bɛba ma wɔdze hɔn ^aasan aba Nyame nokwar asɔr na nguanbuw no mu; ber a ^bwɔbɔboaboa hɔn ano dze hɔn akɔ fie wɔ hɔn ^cegyapadze asaase do, na woetsim wɔ hɔn anohoba asaase nyinara do.

3 Hwɛ, mo nuanom adɔfo, mekã nsɛm yi kyerɛ hom ama hom eedzi dɛw, na hom ^aama hom tsir do afebɔɔ osian nhyira a Ewuradze Nyankopɔn dze behyira hom mba ntsi.

4 Na minyim dɛ hom mu dodowara aper pii dɛ wobohu ndzɛmba a ɔreba; dɛm ntsi minyim dɛ hom nyim dɛ otwar dɛ hɛn honandua no dwuruw na owu; naaso, hɛn ^anyimpadua mu na yebohu Nyame.

5 Nyew, minyim dɛ hom nyim dɛ nyimpadua yi mu na obeyi noho akyerɛ hɔn a wɔwɔ Jerusalem, bea a yefi bae no; na ohia dɛ iyi besi hɔn mu; na oye ma ^aBɔadze kokroko no dɛ ɔbrɛ noho adze dɛ ɔbɛhyɛ nyimpa ase wɔ honam mu, na owu ma nyimpa nyinara, ama ^bnyimpa nyinara aabɛhyɛ n’ase.

6 Na dɛ mbrɛ owu aba adasa nyinara do, dze ahyɛ Bɔadze kokroko n’ehumbɔbɔr ^anhyehyɛɛ no mã no, ohia dɛ ^bowusoɛr tum ba, na owusoɛr wɔ dɛ ɔba nyimpa do osian ^casehwe no ntsi; na osian mbrato ntsi asehwe no bae; na osiandɛ nyimpa hwee ase ntsi ^dwotwaa hɔn fii Ewuradze enyim akyen.

7 Dɛm ntsi, ohia ma ^awerdambɔ a ^bɔmmbɔadze da—dza ɔprɔw runntum nnhyɛ dza ɔmmprɔw ananmu gyedɛ werdambɔ a ɔmmbɔadze da no ba. Sɛ ɔnntse dɛm a nkyɛ ^catsɛmbu a odzi kan a ɔbaa nyimpa do no kehiaa dɛ ^dɔbɛtsena hɔ ekesi mber a onnyi ewiei da. Na sɛ ɔba dɛm so a, nna ɔsɛ dɛ honam yi kɔ do prɔw na odwuruw gu ne dɛtse mu dɛ ɔronnsoɛr bio.

8 O Nyankopɔn ne ^anyansaa, ^bn’ehumbɔbɔr na ^cn’adom! Na hwɛ, sɛ ^dhonam ronnsoɛr bio a nna hɛn, esunsum wɔ dɛ wɔbɛhyɛ dɛm sor ɔbɔfo no a ^eɔhwee ase fii Onnyiewiei Nyankopɔn enyim, na ɔbɛyɛɛ ^fabɔnsam a ɔronnsoɛr bio no ase.

9 Na hɛn esunsum wɔ dɛ wɔbɛyɛ dɛ ɔnoara, na yɛabɛyɛ mbɔnsam, abɔnsam ^an’abɔfoe, na ^bwɔatow hɛn akyen efi hɛn Nyankopɔn enyim, na yɛaka ^cator hɔn egya no nkyɛn, wɔ awerɛhow mu dɛ ɔnoara; nyew, nyia no a ^dɔdaadaa hɛn awofo a wodzii kan no, nyia ^eɔdan no ho dɛ sor ^fkan bɔfo, na onunu adasamba ma wɔbɔ ^gnsumaamu fɛkuwbɔ dze dzi ewu na wɔyɛ nsumaamu sum ndwuma nyina no.

10 O mbrɛ hɛn Nyankopɔn ne papayɛ dua dɔɔ sõ a, ɔno a osiesie kwan ma hɛn ma yeguan fi abowa bɔyafo huhu yi ne nsamu; nyew, dɛm abowa bɔyafo no, ^aowu na ^bhɛl, dza mefrɛ no nyimpadua no wu, na sunsum so no wu no.

11 Na osian hɛn Nyankopɔn, Israel Krɔnkrɔnnyi no no ^ankwagye kwan no ntsi, dɛm ^bowu a makã ho asɛm yi, dza ɔyɛ honam dze no, beyi n’ewufo ama; dza ɔyɛ ndamu owu no.

12 Na ^aowu yi a makã ho asɛm yi, dza ɔyɛ sunsum mu owu no, beyi n’ewufo ama; dza ɔyɛ sunsum mu owu a ɔyɛ ^bhɛl no; dɛm ntsi, otwar dɛ owu na hɛl yi hɔn ewufo ma, na hɛl wɔ dɛ oyi n’esunsum ndɔmmumfo no ma, na otwar dɛ nda yi ne nyimpadua ndɔmmumfo no ma, na wɔnam Israel Krɔnkrɔnnyi no wusoɛr tum no do bɛkã nyimpadua kor biara na no ^csunsum ^dasan abɔmu ma wɔaabɛyɛ kor.

13 O mbrɛ hɛn Nyankopɔn ne ^anhyehyɛɛ dua sõ a! Na kwan bi so do no otwar dɛ hɛn Nyankopɔn ne ^bparadise yi atseneneefo hɔn esunsum ma, na nda yi atseneneefo hɔn nyimpadua ma; na wɔbɛka sunsum na honandua ^casan abɔmu bio, na wɔayɛ akra a wɔmmprɔw da, na wɔyɛ ^dbɛkyebo, na wɔabɛyɛ akra atseasefo a wɔwɔ ^enyimdzee a ^fodzi mu dɛ hɛn a yɛtse honam mu yi, mbom hɛn nyimdzee bedzi mu.

14 Dɛm ntsi, yebenya ^anyimdzee a odzi mu wɔ hɛn ^bfɔdzi nyina ho, nye hɛn efĩfĩdze ho, nye hɛn ^cadagyaw ho, na atseneneefo benya nyimdzee a odzi mu wɔ hɔn enyigye ho, na ^dahotsew ^ebofura hɔn ^ftseneneeyɛ tam, nyew, tsenenee ^gatar mpo wɔdze bɛhyɛ hɔn.

15 Na ɔbɛba dɛ ber a nyimpa nyina befi owu a odzi kan yi mu aba nkwa mu ma dɛm ntsi wɔabɛyɛ bɛkyebo no, otwar dɛ wɔba Israel Krɔnkrɔnnyi no ^an’atsɛmbu egua no enyim; nna atsɛmbu no ^bbɛba; nna wobobu hɔn atsɛn dɛ mbrɛ Nyankopɔn n’atsɛmbu krɔnkrɔn no tse.

16 Na dɛ Ewuradze tse ase yi, osiandɛ Ewuradze Nyankopɔn na ɔakã, na ɔyɛ n’onnyiewiei ^aasɛm a orunntum ^bnntwa mu nnkɔ, dɛ hɔn a wɔyɛ atseneneefo no bɛda ho ayɛ atseneneefo, na hɔn a wɔyɛ ^cefĩfĩdze no bɛda ho ayɛ ^defĩfĩdze; dɛm ntsi hɔn a wɔyɛ efĩfĩdze no nye abɔnsam na n’abɔfoe; na wɔbɔkɔ ^edaapem ogya a woesiesie ama hɔn no mu; na ^fhɔnho bɛhyehye hɔn wɔ ^gogya baka na brimstone a ɔdzɛw afebɔɔ kesi afebɔɔ na onnyi ewiei no mu.

17 O hɛn Nyankopɔn n’ekɛseyɛ na ne ^apɛrpɛrdzi! Na ne nsɛm nyinara yɛ nokwar, na ofi n’anomu epue, na otwar dɛ ne mbra hyɛ mã.

18 Mbom hwɛ atseneneefo, Israel Krɔnkrɔnnyi no ^an’ahotseweefo, hɔn a wɔagye Israel Krɔnkrɔnnyi no edzi, hɔn a wɔasɔw wiadze yi mu ^bmbeamudua no, na wɔpoow n’enyimguase no, a hɔn na wobenya Nyame ^cn’ahenman no a ^dofitsi wiadze ne fapem woesiesie ama hɔn no ^eedzi, na hɔn dɛw bɛhyɛ mã ^fafebɔɔ.

19 O hɛn Nyame, Israel Krɔnkrɔnnyi no n’ehumbɔbɔr sõ! Osiandɛ ^aɔgye n’ahotseweefo fi dɛm abowa ^bbɔyafo huhu no a ɔyɛ abɔnsam, na owu no nsamu, nye ^chɛl, nye dɛm ogya baka na brimstone no a, ɔyɛ ahohyehye a onnyi ewiei bea no mu.

20 O mbrɛ hɛn Nyankopɔn no ^akrɔnkrɔnyɛ si tse! Osiandɛ ^bonyim adze nyina na biribiara nnyi hɔ a ohuntsa no.

21 Na ɔbaa wiadze ama sɛ nyimpa nyina tsie ne ndze a ^aɔaagye hɔn nkwa; na hwɛ ɔsɔɔw nyimpa nyina hɔn ^byaw, nyew, ɔtseasefo biara ne yaw, mbanyin, mbaa na mbofra nyina a wɔkã ^cAdam n’ebusuakuw ho.

22 Na ohun dɛm amandze yi ama owusoɛr aaba nyimpa nyina do, ama hɔn nyina eetum egyina n’enyim wɔ atsɛmbu da kɛse no mu.

23 Na ɔhyɛɛ nyimpa nyina dɛ otwar dɛ ^awonu hɔnho, na ^bwonuma hɔn wɔ ne dzin mu, na wonya gyedzi a odzi mu wɔ Israel Krɔnkrɔnnyi no mu, annyɛ dɛm a wɔrenngye hɔn nkwa wɔ Nyankopɔn ahenman mu.

24 Na sɛ woennu hɔnho na wɔanngye ne ^adzin enndzi, na woennuma hɔn wɔ ne dzin mu, na ^bwoenntsim ennkodu ewiei a, otwar dɛ ^cwobu hɔn fɔ; osiandɛ Ewuradze Nyankopɔn, Israel Krɔnkrɔnnyi no na ɔakã.

25 Dɛm ntsi, ɔdze ^ambra ama; na bea a mbra ^bnnyi no asotwe nnyi hɔ; na bea a asotwe nnyi no afɔbu nnyi hɔ; na bea a afɔbu nnyi no Israel Krɔnkrɔnnyi n’ehumbɔbɔr no dzi wɔ hɔn; osian werdambɔ no ntsi; osiandɛ no tum no gye hɔn.

26 Na ^awerdambɔ no ma ne ^bpɛrpɛr no bo dwe wɔ hɔn a ^cwɔamma hɔn ^dmbra no nyina do, ama wɔaagye hɔn efi abowa bɔyafo huhu no nsamu, ɔyɛ owu na hɛl, nye abɔnsam, nye ogya na brimstone baka no a ɔyɛ ahohyehye a onnyi ewiei bea no; na wɔasan dze hɔn ama dɛm Nyame no a ɔmaa hɔn ^eahom no, nyia ɔyɛ Israel Krɔnkrɔnnyi no.

27 Mbom nyia wɔdze ^ambra no ama no ndue, nyew, nyia ɔwɔ Nyame ne mbrasɛm, dɛ hɛn, na ɔtõ mbra no, na ɔhwer no nsɔhwɛber mu nda no, mbrɛ ne gyinabew dua yɛ hu a!

28 O dɛm enyitsew ^anhyehyɛɛ a abɔnsam ayɛ no! O ^begyangyandze, nye adzehun, nye nyimpa hɔn nkwaseasɛm! Sɛ wonya ^cnwomasũa a nna wɔdwen dɛ wonyim ^dnyansa, na wonntsie Nyame ^en’afotu, na wɔdze to nkyɛn, wosusu dɛ hɔnara wonyim, dɛm ntsi, hɔn nyansaa yɛ nkwaseasɛm na ɔnnyɛ mfaso mma hɔn. Na wɔbɛhera.

29 Mbom wobenya nwomasũa ye sɛ ^awotsie Nyankopɔn ^bn’afotu a.

30 Mbom ^aesikafo wondue, hɔn a wɔyɛ esikafo wɔ wiadze ndzɛmba mu. Osiandɛ wɔyɛ esikafo ntsi wommbu ^behiafo, na wɔtseetsee hɔn a wɔdwe, na hɔn akoma taa hɔn ahonya do; dɛm ntsi, hɔn ahonyadze nye hɔn nyame. Na hwɛ hɔn ahonyadze so nye hɔn bɛhera.

31 Na etsitsifo a ^aworinntsie wondue; osiandɛ wɔbɛhera.

32 Efurafo a wonnhu adze wondue; na hɔn so bɛhera.

33 Hɔn a wonntwaa hɔn akoma twatsia no ndue, na hɔn mbrato botwa hɔn akyen wɔ nda a odzi ewiei no mu.

34 Nyia ^aodzi ator ndue, na wɔbɔtow no akyen ^bhɛl.

35 Owudzinyi a ɔdze enyidaho ^adzi ewu ndue, na ^bobowu.

36 Hɔn a wɔbɔ ^aedwaman wondue, na wɔbɔtow hɔn akyen hɛl.

37 Nyew, hɔn a ^awɔsom honyi wondue, na abɔnsam mu mbɔnsam nyina wɔ enyigye wɔ hɔnho.

38 Na n’ewiei, hɔn a wowu wɔ hɔn bɔn mu wondue; osiandɛ ^awɔbɛsan akɔ Nyankopɔn nkyɛn, na woehu n’enyim, na wɔaka hɔn bɔn mu.

39 O, mo nuanom adɔfo, hom nkaa mbusu a ɔwɔ hɔ ma hɔn a wɔyɛ bɔn tsia dɛm Krɔnkrɔn Nyame no, na mbusu so a ɔwɔ hɔ ma hɔn a wogyaa hɔnho ma ^aonyitsewfo no ne ndaadaa. Hom nkaa dɛ ^bhonam adwen yɛ ^cowu na sunsum adwen yɛ ^dnkwa a ^eonnyiewiei.

40 O, mo nuanom adɔfo, hom ntsie me nsɛm. Hom nkaa Israel Krɔnkrɔnnyi no n’akɛseyɛ. Mma hom nnka dɛ makã nsɛm a ɔyɛ dzen etsia hom; na sɛ hom kã a, hom bɛkasa etsia ^anokwar no; osiandɛ hom Yɛfo ne nsɛm na maka. Minyim dɛ nokwasɛm yɛ ^bdzen ma hɔn a wɔnntsen; mbom atseneneefo nnsuro, osiandɛ wɔdɔ nokwar no na wonnhihim.

41 O afei, mo nuanom adɔfo, hom ^ambra Ewuradze, Krɔnkrɔnnyi no hɔ. Hom nkaa dɛ n’akwan yɛ tsenenee. Hom nhwɛ, nyimpa ^bn’akwan yɛ ^ctseabaa, mbom ɔda tɔɔtseen wɔ n’enyim, na ^dabowanohwɛfo no nye Israel Krɔnkrɔnnyi no; na ɔmmbɔ akowa biara paa wɔ hɔ; na ɔkwan biara nnyi beebiara gyedɛ wodua dɛm abow yi nko mu; osiandɛ worunntum nndaadaa no, osiandɛ Ewuradze Nyankopɔn nye ne dzin.

42 Na nyia ɔbɔ mu no na obobue ama no; na ^aenyansafo na esuahufo, na hɔn a wɔyɛ esikafo, hɔn a ^bwɔmema hɔnho do osian hɔn nwomasũa, nye hɔn nyansaa, nye hɔn ahonya ntsi—nyew, hɔn nye hɔn a ɔpow hɔn; na gyedɛ wɔtow dɛm ndzɛmba yi gu, na wobu hɔnho dɛ ^cnkwaseafo wɔ Nyame enyim, na wɔba ^dahobrɛadze no bun mu, annyɛ dɛm a orummbue mma hɔn.

43 Mbom wɔdze enyansafo na mbadwembafo ndzɛmba no ^abosuma hɔn afebɔɔ—nyew, dɛm enyigye no a woesiesie ama ahotseweefo no.

44 O, mo nuanom adɔfo, hom nkaa me nsɛm. Hom nhwɛ, mapɔr m’atar na mopopo mu wɔ hom enyim; na meserɛ mo nkwagye Nyame dɛ ɔmfa ^an’enyiwa no a ɔdze hu adze nyina no nhwɛ me; dɛm ntsi, hom bohu wɔ da a odzi ewiei no mu, ber a wobobu nyimpa nyina atsɛn wɔ hɔn ndwuma ho no na Israel Nyankopɔn no bɛgye me dase dɛ ^bmopopoo hom emumuyɛ fii me kra ho, na mahyerɛn gyina n’enyim, na ^cmeyi moho efi hom bɔgyaa ho.

45 O, mo nuanom adɔfo, hom ndan mfi hom bɔn ho; hom mpopo homho mfi nyia ɔbɛkyekyer hom dzendzen no no ^ankɔnsɔnkɔnsɔn ho; Hom mbra Nyankopɔn no a ɔyɛ hom nkwagye ^bbotan no nkyɛn.

46 Hom nsiesie hom akra mfa mma dɛm enyimnyam da no a wɔdze ^apɛrpɛrdzi bedzi dwuma ama atseneneefo no, ^batsɛmbu da no mu mpo, ama hom ammfa suro kɛse annwodow; ama hom annkaa hom ^cfɔdzi no hu wɔ emudzi mu, na wɔannhyɛ hom ma hom anntsẽa mu dɛ: Krɔnkrɔn, Krɔnkrɔn nye W’atsɛmbu, O Ewuradze Nyankopɔn ^dTumfo—mbom minyim mo fɔdzi, motõo wo mbra, na me mbrato yɛ mankasa medze; na abɔnsam ne nsa akã me, na n’awerɛhow yaayaw no apa me.

47 Mbom hom nhwɛ, mo nuanom, ana ohia dɛ minyan hom ma hom hu dɛm ndzɛmba a ɔyɛ hu na ɔyɛ nokwar yi? Ana mebɛhaw hom akra ber a hom adwen mu tsew? Ana mebɛda nokwar no edzi pefee akyerɛ hom dɛ mbrɛ nokwar no pefeeyɛ tse ber a hom efi bɔn ho?

48 Hwɛ, sɛ hom yɛ krɔnkrɔn a nkyɛ mebɛka krɔnkrɔnyɛ ho asɛm akyerɛ hom; mbom dɛ hom nnyɛ krɔnkrɔn, na hom afa no dɛ meyɛ kyerɛkyerɛnyi ntsi, ohia dɛ ^amekyerɛkyerɛ hom mbrɛ bɔn no ^bnsunsuando tse.

49 Hwɛ, me kra kyir bɔn, na m’akoma n’enyi gye tseneneeyɛ ho; na mibeyi me Nyame ne dzin krɔnkrɔn no ^aayɛw.

50 Hom mbra, mo nuanom, obiara a nsukɔm dze no, ɔmbra ^aesu no ho; na nyia onnyi sika no, ɔmbra mobɔtɔ na ondzi, nyew, hom mbra hom mbɔtɔ wenyin na numfonsu a wɔmmfa ^bsika nntɔ na wonntwa bo so.

51 Dɛm ntsi, mma hom nnsɛɛ sika wɔ dza no ho nnhia ho, anaa mma hom ^ammfona wɔ dza ɔmmee ho. Hom ntsie me yie, na hom nkaa nsɛm a makã; na hom mbra Israel Krɔnkrɔnnyi no hɔ, na hom ^bmibedzi dza ɔnnhera, anaa ɔmmprɔw, na hom mma hom kra mmee.

52 Hwɛ, mo nuanom, hom nkaa hom Nyankopɔn ne nsɛm; hom mbɔ mpaa mma no adzekyee nyinara, na hom mfa ^andaase mma ne dzin krɔnkrɔn no adzesaa. Hom mma hom akoma ndzi dɛw.

53 Na hwɛ, mbrɛ Ewuradze ^an’ahyɛmu dua sõ a, na mbrɛ osi kotow a ɔwɔ ma adasamba dua dɔɔ sõ a; na osian ne kɛseyɛ, na n’adom, na ^bn’ehumbɔbɔr ntsi, ɔabɔ hɛn anohoba dɛ wɔrennsɛɛ hɛn asefo korakora wɔ honam afamu, mbom ɔbɔkora hɔn do; na ndaama ebusuasantsen no wɔabɛyɛ tsenenee ^cabaw ama Israel fifo.

54 Na afei, mo nuanom, mebɛkã nsɛm pii akyerɛ hom; mbom adze kye a na mebɛkã me nsɛm a aka no akyerɛ hom. Amen.