Tsir 21
Jesse no dusin (Christ) bobu atsɛn tsenenee—Nyankopɔn ho nyimdzee bɛkata asaase do wɔ Mfe Apem no mu—Ewuradze bɛma frankaa do na ɔakã Israel aboa ano—Fa to Isaiah 11 ho. Bɛyɛ mfe 559–545 Ansaana wɔbɔwo Christ.
1 Na amfɛwee bi befi bJesse cdusin no mu afɛw na abaw efi no ndwow mu efir:
2 Na aEwuradze no Sunsum besi no do, nyansa ɔnye ntseasee sunsum no, apam ɔnye ahoɔdzen sunsum, na nyimdzee ɔnye Ewuradze noho suro sunsum;
3 Na Ewuradze ho suro mu na ɔbɛfa n’enyika, na onnkedzi dza n’enyiwa hu no ekyir, aebu atsɛn, eso onnkedzi dza n’asowa tse no ekyir akã enyim.
4 Na obobu ehiafo atsɛn atsenenee, ɔnam pɛrpɛr do bakã enyim ama hɔn a cwɔdwe wɔ asaase no do, na ɔdze n’ano abaa bɔhwe asaase no, na ɔdze n’anomu ahom eku omumuyɛnyi.
5 Na ndzeyɛtsenenee bɛyɛ n’asen abɔdo, na nokwardzi ayɛ an’abɔyamu.
6 Na pataku nye eguambaa bɛtsena, na ɔsebɔ nye apɔnkyeba ada hɔ, na nantwiba nye awendadzeba na nantwiba a ɔadɔ seradze atsena fakor; na abɔdomaba egya hɔn.
7 Na ɔnantwiber nye osisi bedzidzi; na hɔn mba abɔmu ada fakor; na awendadze bɔwe efuw dɛ ɔnantwi.
8 Na enumfoanoba bɔgor aehurutsia tu ano, na ɔba a oetwa enumfo dze ne nsa ato bɔkyerben no bɔn mu.
9 aWɔnnkɛyɛ bɔn eso wɔnnkɛsɛɛ wɔ me bepɔw krɔnkrɔn nyina do, na Ewuradze ho bnyimdzee bɛhyɛ asaase mã, dɛ mbrɛ esu kata po do.
10 Na ɔbɛba wɔ adɛm da no mu dɛ bJesse ndwow a osi hɔ dɛ frankaa ma aman no; cn’ekyir kwan na dAmanamamfo bɔhwehwɛ; na n’ahomgyebea bɛyɛ enyimnyam.
11 Na ɔbɛba wɔ da no mu dɛ Ewuradze dze ne nsa bosuo mu bio ne amprɛnu agye ne man nkaa efi Assyria na Egypt, na Pathros na Cush na Elam na Shinar na Hamath, na po nsupruw no.
12 Na obesi afrankaa ama amanaman, na ɔapon Israel btokyenfo no caboa ano, na ɔama Judahfo a wɔapetse no wofi asaase mfɛndzanan mu ebehyia.
13 Ephraim an’enyitan so befi hɔ akɔ, hɔn a wotsia Judah no, wobotwa hɔn akyen; bEphraim n’enyi nnkɛber cJudah, Judah so nnkehiahia Ephraim ho.
14 Mbom awobesi Philistiafo abatsir do etu akɔ anee; wɔbɔbɔ mu akɔ bokamba afo; Wɔdze hɔn nsa bɔto Edom ɔnye Moab do; na Ammon mba ayɛ setsie ama hɔn.
15 Na Ewuradze abɛsɛɛ Egypt po ɔdoɛɛ no huntuhuntu na ɔdze ne hyew mframa apopo ne nsa ho egu esutsen no do, na ɔabɔ no ma ɔadan nsubansuba esuon, na nkorɔfo dze nsokota edua mu wesee.
16 Na aɔtsempɔn bi bɛda hɔ ama me man nkaa a wɔaka efi Assyria, dɛ mbrɛ ɔdaa hɔ maa Israel wɔ da a ofii Egypt asaase do bae no.