E Testimonio di Ocho Testigu

Sea konosí na tur nashon, tribu, lenguahe, i pueblo, na ken e obra aki lo yega: Ku José Smith, Jun., e traduktor di e obra aki, a mustra nos e planchanan di kual a papia di dje, ku tin e aparensia di oro; i tantu di e blachinan ku e dicho Smith a tradusí nos a manehá ku nos mannan; i nos a mira tambe e grabadonan riba dje, tur di kual tin e aparensia di obra antiguo, i di obra kurioso. I esaki nos ta testifiká ku palabranan solèm, ku e dicho Smith a mustra nos, pasobra nos a mira i hisa, i sa ku siguridat ku e dicho Smith a haña e planchanan di kual nos a papia. I nos ta duna nos nòmbernan na mundu, pa testifiká na mundu e lokual ku nos a wak. I nos no ta gaña, Dios ta duna testimonio di esei.