E
Buki di Mormon

Pues, e ta un kompilashon di e registro di e pueblo di Nefi, i tambe di e lamanitanan—Skirbí pa e lamanitanan, ku ta un restu di e kas di Israel; i tambe pa e hudiu i gentil—Skirbí pa via di mandamentu, i tambe pa medio di e spiritu di profesia i di revelashon—Skirbí i seyá, i skondé pa e propósitonan di Señor, pa nan no wòrdu destruí—Pa aparesé pa medio di e don i poder di Dios pa e interpretashon di esaki—Seyá pa medio di e man di Moroni, i skondé pa e propósito di Señor, pa aparesé na e debido tempu pa via di e gentilnan—E interpretashon di esaki pa medio di e don di Dios.

Un kompilashon tumá for di e Buki di Eter tambe, kual ta un registro di e pueblo di Yared, ku a wòrdu plamá den e tempu ku Señor a konfundí e lenguahe di e pueblo, ora nan tabata konstruyendo un toren pa yega shelu—Kual ta pa mustra na e restu di e kas di Israel ki kosnan grandi Señor a hasi pa nan tatanan; i ku nan por konosé e kombenionan di Señor, ku nan no a wòrdu rechasá pa semper—I tambe pa konvensé e hudiu i gentilnan ku Hesus ta e Kristu, e Dios Eterno, manifestando su mes na tur nashon—I awor, si tin fayonan esakinan ta e erornan di hende; pues, no kondená e kosnan di Dios, pa bo por wòrdu hañá sin mancha na e tribunal di Kristu.