Aotelega Faasolopito

O le faasologa o taimi lea o loo avatu ai se faavaa faasolopito puupuu mo aoaoga a Peresitene Iosefa Filitia Samita o loo tuuina atu i le tusi lenei.

19 Iulai, 1876	Na soifua mai o ia i le Aai o Sate Leki, Iuta, ia Iulina Lambson Samita ma Iosefa F. Samita.
19 Iulai, 1884	Na papatiso ai ma faamauina e lona tama. Mauaina lana uluai kopi o le Tusi a Mamona mai lona tama.
6 Aperila, 1893	Auai i le faapaiaga o le Malumalu o Sate Leki.
1896	Maua lona Perisitua Mekisateko ma le faaeega paia i le malumalu.
26 Aperila, 1898	Faaipoipo ia Louie Emily Shurtliff i le Malumalu o Sate Leki.
Me 1899 ia Iulai 1901	Avea ma faifeautalai faamisiona na auina atu i Egelani.
1901 i le 1910	Galue i le tele o valaauga i le Ekalesia, e aofia ai le avea ma peresitene i le korama a le au perisitua, o se sui auai o le fono faatonu o le Faalapotopotoga Mutuale a Alii Talavou, o se fautua maualuga, ma se sui auai o le komiti aoao a le Ekalesia na tofia e sauniuni ia anomea mo le puipuiga o le Ekalesia.
Oketopa, 1901	Amata ona faigaluega i le ofisa o Talafaasolopito o le Ekalesia.
1902	Lolomiina se tamaitusi o talafaasolopito o aiga sa faaigoaina Asael Smith of Topsfield, Massachusetts, faatasi ai ma Sina Faamatalaga o le Aiga o Samita. O le uluai lomiga lenei o le mau lomiga, e aofia ai ma tusi e 25 ma le mau tusiga mo mekasini ma lomiga faavaitaimi a le Ekalesia.
8 Aperila, 1906	Talia ma lagolagoina i le konafesi aoao e avea ma Tusitalafaasolopito Fesoasoani i le Ekalesia, o se tofiga na ia umia seia oo ia Mati 1921.
30 Mati, 1908	Maliu Louie Shurtliff ina ua mavae ona mafatiaga mai se gasegase tuga na fesootai ma lona maitaga lona tolu.
2 Novema, 1908	Faaipoipo ma Ethel Georgina Reynolds i le Malumalu o Sate Leki.
7 Aperila, 1910	Faauuina e lona tama e avea ma Aposetolo.
Oketopa 1918	Faamauina se faaaliga e uiga i le togiolaina o e maliliu a o faalau mai e lona tama, o le Peresitene o le Ekalesia i le taimi lea. O loo maua nei lena faaaliga i le Mataupu Faavae ma Feagaiga 138.
6 Ianuari, 1919	Tofia e avea o se fesoasoani i le au peresitene o le Malumalu o Sate Leki, o se tofiga na ia umia seia aulia le 1935.
17 Mati, 1921	Avea ma Tusitalafaasolopito o le Ekalesia, o se tofiga na ia umia seia aulia le 1970.
1934	Avea ma peresitene o le Sosaiete o Gafa a Iuta, o se tofiga na ia umia seia aulia le 1961.
26 Aokuso, 1937	Maliu Ethel Reynolds ina ua mavae lona mafatiaga i se gasegase mo le fa tausaga.
12 Aperila, 1938	Faaipoipo ia Jessie Ella Evans i le Malumalu o Sate Leki.
Me ia Novema 1939	Tauaveina faatasi ma Jessie se tofiga faapitoa i Europa, asiasi atu i Egelani, Sikotilani, Holani, Peleseuma, Farani, Suitiselani, Italia, Suetena, Nouei, Tenimaka, Siekisolovakia, Oseteria, ma Siamani. Taitaia le aveeseina mai o faifeautalai Amerika mai Europa ina ua amatalia le Taua Lona II a le Lalolagi.
8 Iuni, 1945	Tofia e avea ma peresitene o le Malumalu o Sate Leki, o se tofiga na ia umia seia aulia le 1949.
6 Oketopa, 1950	Vaetofia e avea ma Peresitene o le Korama a Aposestolo e Toasefululua.
9 Aperila, 1951	Lagolagoina e avea ma Peresitene o le Korama a Aposestolo e Toasefululua.
Iulai ia Aokuso 1955	Tauaveina se tofiga faapitoa i Asia, ma na la malaga faatasi ai ma Jessie. Faapaiaina Guam, Korea, Okinawa, ma Filipaina mo le talaiga o le talalelei.
Setema 1958	Auai i le faapaiaga o le Malumalu o Lonetona Egelani.
Oketopa 1960 ia Ianuari 1961	Malaga ma Jessie, e asiasi i taitai o le Ekalesia ma faifeautalai i Amerika Tutotonu ma Saute.
Me 1963	Taitai i le faataatiaina o le maatulimanu o le Malumalu o Oakland Kalefonia.
Setema 1963	Faapaia le Maafaamanatu o Paionia i le Aai o Kansas, Misuri, ma le Nofoaga Logologoa o le Falepuipui i Liperate, Misuri.
29 Oketopa, 1965	Tofia e avea o se Fesoasoani i le Au Peresitene Sili i lalo o le taitaiga a Peresitene Tavita O. MaKei.
18 Ianuari, 1970	Avea ma Aposetolo sinia ma taitai pulefaamalumalu o le Ekalesia ina ua maliu Peresitene Tavita O. MaKei.
23 Ianuari, 1970	Vaetofia e avea ma Peresitene o Le Ekalesia a Iesu Keriso o le Au Paia o Aso e Gata Ai.
6 Aperila, 1970	Lagolagoina e avea ma Peresitene o le Ekalesia i le konafesi aoao.
3 Aokuso, 1971	Maliu Jessie Evans Samita.
27–29 Aokuso, 1971	Pulefaamalumalu i le konafesi faale-eria muamua, lea na faia i Maniseta, Egelani.
18 Ianuari, 1972	Fofogaina le tatalo o le faapaiaga o le Malumlau o Ogden Utah.
9 Fepuari, 1972	Pulefaamalumalu i le faapaiaga o le Malumalu o Provo Utah. Na ia tusia le tatalo o le faapaiaga, ona ia tofia lea o Peresitene Harold B. Lee e fofogaina le tatalo.
2 Iulai, 1972	Maliu i le Aai o Sate leki, Utah, 17 aso a o loma lona aso soifua lona 96.