Pag-ila sa Ngalan sa Tawo, Lugar, Butang, o Hitabo nga Gipasabot sa Pulingalan

Ipatin-aw

Ipasabot nga samtang kita nagbasa sa mga kasulatan makaagi kita og daghang pulingalan, sama sa ako, siya [babaye], siya [lalaki], kini, sila, ug uban pa. Ang pulong nga gipasabot sa pulingalan gitawag og ngalan sa tawo, lugar, butang o hitabo [antecedent]. Ang pag-ila sa mga antecedent sa hustong paagi labing mahinungdanon sa pagsabot sa daghang mga tudling sa kasulatan. Kon magtuon sa mga kasulatan:

• Pag-ila sa pulingalan nga mahimong nagkinahanglan nga pagaklarohon.

• Siksika ang nag-unang mga bersikulo sa pagpangita sa antecedent.

• Siksika ang kapitulo o mga ulohan nga seksiyon ingon nga gikinahanglan alang sa mga timaan.

Modelo

Sa pagmodelo niini nga kahanas, hunahunaa ang paggamit sa mosunod nga ehemplo o paggamit og usa nga imong kaugalingon.

Dapita ang mga estudyante sa pagpakli ngadto sa 2 Nephi 3, ug ipasabot nga kini nga kapitulo mahimong makalibog nga dili masabtan kon kinsa ang gipasabot niana. Ipakita ang mosunod nga hugpong sa mga pulong gikan sa 2 Nephi 3, naghatag og gibug-aton sa mga pulingalan nga nagkinahanglang klarohon:

“Ug karon ako mamulong nganha kanimo, Joseph, akong kamanghoran” (bersikulo 1).

“Usa ka pinili nga manalagna Ako mopasanay gikan sa bunga sa imong mga bat-ang” (bersikulo 7).

Aron mahibalo kinsa ang gipasabot sa “ako” diha sa bersikulo 1 nagkinahanglan sa pagbalik og tan-aw ngadto sa 2 Nephi 1:1, 6, 9 o 2 Nephi 2:17. Human mabasa kini nga mga bersikulo, atong nahibaloan nga si Lehi mao ang nagsulti.

Itudlo nga ang mga bersikulo 4–6 diha sa 2 Nephi 3 nagtabang usab kanato nga mas masabtan ang mga pulingalan diha sa bersikulo 7. Nagkutlo si Lehi og panagna nga girekord ni Jose taga Ehipto diin ang Ginoo nagsulti ngadto ni Jose. Nahibalo nga kini nagtabang kanato sa pagsabot nga ang “ako” diha sa bersikulo 7 nagpasabot ngadto sa Ginoo ug ang “imong” nagpasabot ngadto ni Jose taga Ehipto. Ang Ginoo nagsulti ni Jose taga Ehipto nga Siya pila ka adlaw mopasanay og usa sa mga kaliwat ni Jose nga mahimong usa ka gamhanang propeta ug manalagna. Ang footnote alang sa “manalagna” nagtudlo kanato ngadto ni Joseph Smith isip ang “pinili nga manalagna” sa Ginoo.

Pagpraktis

Pagpili og tudling gikan sa pagbasa sa kasulatan niini nga semana, o pagpili og usa sa mga tudling nga gilista sa ubos. Dapita ang mga estudyante sa pagtuon sa tudling ug sa pagpangita og mga pulingalan nga nagkinahanglan og mga antecedent nga ilhon aron masabtan. Ang mga estudyante mahimong makigbahin sa mga pulingalan ug mga antecedent nga ilang nakaplagan. Sila usab mahimong makigbahin kon sa unsang paagi ang pag-ila sa mga ngalan sa tawo, lugar, butang, o hitabo nga gipasabot sa pulingalan makatabang kanato nga mas masabtan og maayo ang kahulogan sa tudling sa kasulatan.

Dugang nga mga tudling alang sa pagpraktis:

• Mga Proverbio 3:15 (Kon ang mga estudyante nagkinahanglan og tabang: Unsa ang antecedent sa “siya” ug “iyang”? Tan-awa sa bersikulo 13. Kon gikinahanglan, itudlo nga ang pulong kaalam gihulagway isip usa ka babaye ug gipasabot isip “siya” ug “iyang” diha sa bersikulo 15.)

• Juan 1:6–12 (Kon ang mga estudyante nagkinahanglan og tabang: Unsa ang mga antecedent sa “kaniya” ug “iyang” niini nga tudling? Tan-awa sa mga bersikulo 6–7, 10. Kon gikinahanglan, ipasabot nga “ang Kahayag” diha sa mga bersikulo 7–9 nagpasabot ngadto ni Jesukristo.)

• Helaman 14:18 (Kon ang mga estudyante nagkinahanglan og tabang: Unsay gipasabot sa “kini” diha sa hugpong sa mga pulong “Oo, ug kini mopahinabo sa mga kasabotan sa paghinulsol”? Tan-awa sa bersikulo 17.)

• Doktrina ug mga Pakigsaad 88:18–19 (Kon ang mga estudyante nagkinahanglan og tabang: Unsa ang gipasabot sa “kini”? Tan-awa sa bersikulo 17.)

Pagdapit ug Pag-follow Up

Awhaga ang mga estudyante sa pagpraktis og pag-ila sa mga antecedent diha sa mga kasulatan atol sa ilang personal nga pagtuon. Pag-follow up ug pagtugot og panahon sa sunod nga mga klase alang sa mga estudyante sa pagpakigbahin kon unsay ilang nadiskobrehan pinaagi sa paggamit niini nga kahanas. Makahimo ka usab sa pagdapit sa mga estudyante sa pagpakigbahin kon sa unsang paagi kini nga kahanas nagtabang kanila nga mas makasabot og maayo sa mga kasulatan. Padayon sa pagpraktis niini nga kahanas diha sa klase.