Pasiuna sa mga Pagbansay sa Kahanas

Ang mga kahanas niini nga kapanguhaan makatabang sa mga tigkat-on sa pagtuon og mas maayo sa pulong sa Dios, pagsabot sa mga kasulatan, pagkat-on pinaagi sa Espiritu, paggamit sa mga pagtulon-an sa ebanghelyo sa ilang mga kinabuhi, ug sa pagpakigbahin sa mga kamatuoran sa ebanghelyo ngadto sa uban sa mga paagi nga Kristohanon. Ang matag pagbansay sa kahanas gidisenyo nga mokabat og mga 10 minutos ug 20 minutos.

Ang mga pagbansay sa kahanas mogamit sa mosunod nga sundanan:

1. Ipatin-aw. Tabangi ang mga tigkat-on sa pagsabot sa kahanas nga sila magpraktis. Kini mahimong mokabat og mga 2–5 minutos.

2. Modelo. Ipakita ang kahanas. Kini mahimong mokabat og mga 3–5 minutos.

3. Pagpraktis. Hatagi ang mga tigkat-on sa oportunidad sa pagpraktis sa kahanas. Siguroha nga sa labing minos katunga sa oras (5–10 minutos) alang sa pagbansay ihatag ngadto sa pagpraktis.

4. Pagdapit ug Pag-follow Up. Awhaga ang mga tigkat-on sa paggamit sa kahanas diha sa ilang personal nga pagtuon. Pag-follow up sa ilang mga kasinatian ug bana-banaa kon ang dugang nga praktis makatabang ba.

Ang mga pagbansay sa kahanas gidesenyo sa pagtabang sa seminary, institute, ug sa mga magtutudlo ug mga estudyante sa Simbahan nga mahimong mas makabarog sa ilang mga kaugalingon nga mga tigkat-on sa kasulatan. Ang mga pagbansay magamit sa mga kurso sa kasulatan ug sa ubang mga kurso o mga workshop nga nagpunting diha sa pagtuon sa mga kasulatan. Kini usab magamit sa mga magtutudlo diha sa simbahan o sa mga ginikanan diha sa panimalay. Ang mga magtutudlo makabana-bana sa mga panginahanglan niadtong kinsa ilang gitudloan ug makapili uban niadtong ilang gitudloan hain nga mga pagbansay ang hatagan og pagpunting ug kanus-a.