Pagpunting ni Jesukristo diha sa mga Kasulatan

Ipatin-aw

Hunahunaa ang pagbakigbahin sa mosunod nga pamahayag ni Elder D. Todd Christofferson sa Korum sa Napulog Duha ka Apostoles:

Ang sentrong katuyoan sa tanang kasulatan mao ang pagbusog sa atong mga kalag uban sa hugot nga pagtuo diha sa Dios nga Amahan ug sa Iyang Anak, si Jesukristo. (D. Todd Christofferson, “Ang Panalangin sa Kasulatan,” Liahona, Mayo 2010, 34)

Itudlo nga kon kita mas magpunting ni Jesukristo diha sa mga kasulatan, mas makakat-on kita kabahin Kaniya. Samtang kita nagkat-on kabahin Kaniya, ang atong hugot nga pagtuo diha Kaniya nagtubo. Samtang kita nagtuon sa mga kasulatan, kita makapunting sa Iyang mga ngalan, mga titulo, ug mga hiyas. Makakaplag usab kita og mga matang ug mga simbolo sa Manluluwas diha sa mga katawhan, mga ordinansa, mga butang, ug mga hitabo nga atong gitun-an. Ang mga kasulatan nagtudlo nga “ang tanan nga mga butang diin gikahatag sa Dios … mao ang naghulagway [Kaniya]” (2 Nephi 11:4) ug “magpamatuod [Kaniya]” (Moises 6:63).

Hunahunaa ang paghatag sa matag estudyante og kopya sa handout nga nagsunod. Itudlo nga ang pagpangutana sa mga pangutana diha sa hand-out samtang kita nagtuon sa mga kasulatan makatabang kanato nga moabot sa pagkaila og mas maayo ni Jesukristo. Mahimo ninyong basahon og dungan ang mga pangutana isip usa ka klase.

Pagpunting ni Jesukristo diha sa mga Kasulatan

Mga Ngalan ug mga Titulo: Unsa ang kahulogan niini nga ngalan o titulo? (Siksika ang mga himan sa pagtuon sa kasulatan sama sa mga footnote, ang Bible Dictionary, o ang ubang mga kapanguhaan diha sa ChurchofJesusChrist.org.) Unsa ang gitudlo kanako niini nga ngalan o titulo mahitungod sa akong panginahanglan alang sa usa ka relasyon ngadto ni Jesukristo?

Mga Simbolo: Unsa ang gitudlo niini nga tawo, ordinansa, butang, o hitabo ngari kanako mahitungod ni Jesukristo, sa Iyang kinabuhi, ug sa Iyang misyon?

Kinaiya ug mga Hiyas: Unsa ang akong makat-onan mahitungod sa kinaiya ug mga hiyas ni Jesukristo gikan niini nga tudling? Unsaon nga makatabang kini nga tudling kanako nga mas hingpit nga mosalig diha sa Manluluwas ug sa Iyang mga saad?

Modelo

Gamita ang mosunod nga mga ehemplo o pipila sa imong kaugalingon aron i-modelo kini nga kahanas.

Unsa ang pangitaon	Ehemplo nga kasulatan	Unsa ang akong makat-onan mahitungod ni Jesukristo ug sa akong relasyon ngadto Kaniya?
Unsa ang pangitaon Mga Ngalan ug mga titulo	Ehemplo nga kasulatan Tiglalang (2 Nephi 2:14; Isaias 40:28; Juan 1:3)	Unsa ang akong makat-onan mahitungod ni Jesukristo ug sa akong relasyon ngadto Kaniya? Isip ang Tiglalang, makatabang kanako si Jesukristo sa pagbuhat og usa ka butang nga nindot ug mapuslanon sa akong kinabuhi.
Unsa ang pangitaon Mga Simbolo	Ehemplo nga kasulatan Bitin diha sa tukon (Mga Numeros 21:6–9; Juan 3:14–15; Helaman 8:14–15)	Unsa ang akong makat-onan mahitungod ni Jesukristo ug sa akong relasyon ngadto Kaniya? Sama sa mga Israelita kinsa mitan-aw diha sa tumbaga nga bitin nga nangaayo gikan sa mga pinaakan sa bitin, kadtong kinsa nagtan-aw ngadto ni Jesukristo mamaayo gikan sa sala.
Unsa ang pangitaon Kinaiya ug mga hiyas	Ehemplo nga kasulatan “Amahan, ang imong pagbuot mao ang matuman, ug ang himaya imo sa kahangturan” (Moises 4:2; tan-awa usab sa Lucas 22:41–44; 3 Nephi 11:11).	Unsa ang akong makat-onan mahitungod ni Jesukristo ug sa akong relasyon ngadto Kaniya? Si Jesukristo mapainubsanon ug manunuton ngadto sa pagbuot sa Langitnong Amahan. Sa kanunay Siya sa walay paghinakog nga naghatag sa himaya ug dungog ngadto sa Amahan.

Pagpraktis

Dapita ang mga estudyante sa pagtuon og usa ka tudling gikan niining semana nga pagbasa sa kasulatan nga naglangkob og usa ka ngalan, titulo, o simbolo sa Manluluwas o nga nagpadayag og mga aspeto sa Iyang kinaiya o mga hiyas. Dapita sila sa pagpamalandong sa mga pangutana diha sa ilang handout samtang sila nagtuon. Human sa igo nga panahon, dapita ang mga estudyante sa pagpakigbahin kon unsa ang ilang nakaplagan ug unsa ang ilang nakat-onan mahitungod ni Jesukristo ug sa ilang relasyon ngadto Kaniya.

Dugang nga mga tudling nga pagatun-an ug pamalandungon:

• Mga Ngalan ug mga Titulo: Isaias 9:6; Juan 10:11; Mosiah 3:8; Doktrina ug mga Pakigsaad 45:3–5; Moises 7:53

• Mga Simbolo: Juan 6:32–38, 51–58; 1 Nephi 8:10–12; 11:21–22; Doktrina ug mga Pakigsaad 29:1–2; Moises 5:5–8

• Kinaiya ug mga Hiyas: Genesis 39:20–23; Juan 13:1, 4–5; Mosiah 24:13–15; Doktrina ug mga Pakigsaad 18:10–13

Pagdapit ug Pag-follow Up

Awhaga ang mga estudyante sa paggamit niini nga mga kahanas sa pagpunting ni Jesukristo diha sa mga kasulatan samtang sila nagbuhat sa ilang personal nga pagtuon sa tibuok nga semestre. Dapita sila sa pag-anha sa sunod nga klase nga andam sa pagpakigbahin kon unsay ilang nakat-onan mahitungod ni Jesukristo ug sa ilang relasyon ngadto Kaniya gikan sa ilang personal nga pagtuon sa kasulatan. Hinumdomi ang pag-follow up, ug tugoti og panahon ang mga estudyante sa inyong sunod nga klase sa pagpakigbahin kon unsay ilang nadiskobrehan. Makapangutana ka usab kanila kon sa unsang paagi ang pagpraktis niini nga kahanas miimpluwensiya sa ilang pagtuon sa kasulatan.