Pagsiksik diha sa mga Kasulatan ug sa Librarya sa Ebanghelyo

Ipatin-aw

Ipasabot nga ang pagpalig-on sa atong pagtuon sa usa ka tudling sa kasulatan, makasiksik kita alang sa kalabot nga mga tudling sa kasulatan, mga pagtulon-an sa mga lider sa Simbahan, media, ug uban nga sulod. Ang mosunod nga mga kapanguhaan ug mga himan makatabang kanato sa pagpangita sa kalabot nga mga tudling sa kasulatan ug sa sulod sa mas sayon ug dali nga paagi: mga footnote, ang Giya ngadto sa mga Kasulatan, mga mapa, mga litrato, ug ang pagsiksik nga kagamitan sa Librarya sa Ebanghelyo. (Sa Iningles nga mga edisyon sa LDS nga Biblia, anaa usab ang Topical Guide ug Bible Dictionary.)

Modelo

Sa pag-modelo niini nga kahanas, ikaw makagamit og pipila sa mosunod nga mga ideya o sa pipila nga imong kaugalingon.

• Basaha ang 3 Nephi 9:20, ug itudlo ang hugpong sa mga pulong “kamo mohalad og usa ka sakripisyo ngari kanako nga usa ka masulub-on nga kasingkasing ug usa ka mahinulsolon nga espiritu.” Tudlo ngadto sa 3 Nephi 9:20, ang footnote nga a isip usa ka tinubdan sa pagpangita sa kalabot nga mga tudling sa kasulatan mahitungod niini nga hilisgotan. Makadapit ka usab og mga estudyante sa pagpakli ngadto sa tala nga “Masulub-on nga Kasingkasing” diha sa Giya ngadto sa mga Kasulatan.

• Ikaw o pipila sa imong mga estudyante makapakita kon unsaon paggamit ang pagsiksik sa mga sinulat diha sa Librarya sa Ebanghelyo. Makahimo ka usab sa pagpatataw sa mosunod nga mas nag-una nga pagsiksik nga mga sinulat.

  Mga Resulta sa Piho nga Pagsiksik

  I-klik diha sa search icon ug i-type ang usa ka pulong o hugpong sa mga pulong sama sa “pagpundok sa Israel.” Ipakita kon unsaon ang pagpiho sa mga resulta. Sama pananglit, sa pagpangita sa mga tudling sa kasulatan mahitungod sa pagpundok sa Israel, tuploka ang Collections filter duol sa ibabaw sa pahina ug pilia ang Scriptures. Sa pagpangita sa mga pagtulon-an sa mga lider sa Simbahan mahitungod sa pagpundok, tuploka ang Collections filter ug pilia ang General Conference.

  Naggamit og Pulong o Hugpong sa mga Pulong Siksika ang sulod sa mga Tudling sa Kasulatan

  Siksika nga naggamit og hugpong sa mga pulong gikan sa tudling sa kasulatan. Sama pananglit, diha sa Librarya sa Ebanghelyo nga app, adto sa Doktrina ug mga Pakigsaad 18:10. Ipatataw ang hugpong sa mga pulong “ang bili sa mga kalag.” Kon ang mga toolbar nagpakita, iduot og hinay ang Search nga sinulat. Ikaw makapakita kon unsaon paggamit sa mga filter sa pagpangita og mga pakigpulong sa komperensiya, mga artikulo sa Simbahan, ug ubang kalabot nga sulod nga nagpasabot ug naghatag og dugang nga mga pagtulon-an mahitungod niining hugpong sa mga pulong.

Pahinumdom: Ikaw makakaplag og dugang nga mga kapanguhaan, mga kasayoran, ug mga bidyo diha sa “Tabang” nga seksiyon sa Librarya sa Ebanghelyo nga app, lakip sa “Giya sa Tiggamit sa Librarya sa Ebanghelyo (iOS)” ug sa “Giya sa Tiggamit sa Librarya sa Ebanghelyo (Android).”

Pagpraktis

Pagpili og usa ka tudling gikan sa pagtuon sa kasulatan niini nga semana o gamita ang usa sa mga ehemplo nga gihatag sa ubos sa pagdapit sa mga estudyante sa pagpraktis niini nga kahanas. Ang mga estudyante makapangita alang sa dugang nga mga panabot ug mga pagtulon-an kalabot sa tudling pinaagi sa paggamit sa mga tabang sa pagtuon diha sa ilang mga kasulatan o sa pagsiksik sa Librarya sa Ebanghelyo. Dapita ang mga estudyante sa pagpakigbahin sa klase kon unsa ang ilang nadiskobrehan.

Dugang nga mga tudling alang sa pagpraktis:

• 1 Samuel 16:7. Ang mga estudyante makasiksik sa mga footnote o “Pag-ila, Gasa sa” diha sa Giya ngadto sa mga Kasulatan. Kon naggamit sa Librarya sa Ebanghelyo nga app, sila makasiksik pinaagi sa pakisayran sa kasulatan o pinaagi sa hugpong sa mga pulong “ang Ginoo nagatan-aw sa kasingkasing.”

• 2 Pedro 1:4. Ang mga estudyante makasiksik sa mga footnote, o kon naggamit sa Librarya sa Ebanghelyo nga app, sila makasiksik sa hugpong sa mga pulong “mag-aambit sa diosnong kinaiya.”

• 2 Nephi 9:6–7. Ang mga estudyante makasiksik sa “Pag-ula, Pag-ula sa Dugo” diha sa Giya ngadto sa mga Kasulatan o “Jesukristo, Pag-ula pinaagi sa” diha sa indeks sa tulo nga katinguban [triple combination]. Kon naggamit sa Librarya sa Ebanghelyo nga app, sila makasiksik pinaagi sa pakisayran sa kasulatan o pinaagi sa hugpong sa mga pulong “walay kinutubang Pag-ula.”

• Doktrina ug mga Pakigsaad 93:36. Ang mga estudyante makasiksik sa mga footnote og “Salabutan, Salabutan, Mga” diha sa Giya ngadto sa mga Kasulatan. Kon naggamit sa Librarya sa Ebanghelyo nga app, sila makasiksik pinaagi sa pakisayran sa kasulatan o pinaagi sa paggamit sa hugpong sa mga pulong “ang himaya sa Dios mao ang salabutan.”

Pagdapit ug Pag-follow Up

Awhaga ang mga estudyante sa paggamit niini nga kahanas sa pagsiksik diha sa mga kasulatan ug sa Librarya sa Ebanghelyo atol sa ilang personal nga pagtuon ug atol sa mga panaghisgot sa klase. Dapita sila sa pag-anha sa klase sa sunod nga panahon nga andam sa pagpakigbahin kon unsay ilang nakat-onan mahitungod sa usa ka kasulatan pinaagi sa pagsiksik sa mga footnote, sa Giya ngadto sa mga Kasulatan, sa indek sa tulo ka katinguban, o sa Librarya sa Ebanghelyo alang sa dugang nga mga pagtulon-an ug mga panabot kalabot ngadto niana nga tudling. Paghunahuna og mga paagi nga ikaw makapadayon sa pagpraktis niini nga kahanas sa klase.