Pagsabot sa mga Kasulatan sa Kinatibuk-ang Kahulogan

Ipatin-aw

Ipasabot nga ang kinatibuk-ang kahulogan nagtabang kanato nga mas masabtan og maayo ang mga kasulatan. Ang pagbasa sa mga bersikulo sa wala pa ug sa nahuman na ang usa ka piho nga tudling naghatag og naglibot nga mga pulong sa tudling nga motabang sa pagsabot. Ang mas dako nga mga ideya o mga sitwasyon mao ang mga kahimtang ug ang kaagi nga impormasyon alang sa usa ka tudling, diin mahimong mag-apil sa kultural, makasaysayanon, o hiyograpikanhon nga dapit nga nahitaboan. Ang pagsabot sa kinatibuk-ang kahulogan nagtabang kanato sa (1) pagsabot sa tumong sa tagsulat; (2) paghunahuna kon unsay nakapaaghat sa usa ka pagtulon-an, panghitabo, o asoy; ug (3) paglikay sa paghimo og sayop nga mga paghubad.

Pagrebyo uban sa mga estudyante sa mosunod nga handout agi og pagpangandam alang sa modelo ug praktis nga mga kalihokan:

Pagsabot sa mga Kasulatan sa Kinatibuk-ang Kahulogan

Ang pagbutang sa mga kasulatan sa kinatibuk-ang kahulogan nagpasabot nga atong tun-an ang usa ka piho nga tudling kalabot ngadto sa mga kahimtang, mga panghitabo, ug mga pagtulon-an nga naglibot niini. Hunahunaa kon sa unsa nga paagi ang mosunod nga mga ang-ang sa kinatibuk-ang kahulogan makatabang:

1. Naglibot nga mga pulong sa tudling. Basaha ang naglibot nga mga bersikulo aron sa pagkat-on sa naglibot nga dapit nga nahitaboan alang sa tudling sa kasulatan. Unsa nga panghitabo o kahimtang ang naghatag og importante nga impormasyon sa kaagi? Ang gipangutana diha sa mga bersikulo nag-aghat ba og usa ka tubag? Alang sa daghang tudling kini makatabang nga mahibalo kon kinsa ang nagsulti ngadto kang kinsa ug ngano.

2. Mas dako nga ideya o ang mga sitwasyon. Ang pagkat-on sa makasaysayanon, kultural, ug hiyograpikanhong lugar nga nahitaboan makatabang kanato nga mas maayo ang pagsabot sa usa ka piho nga tudling pinaagi sa pagkakita kon giunsa niini paghaom ngadto sa kapitulo o sa basahon. Kini mahimo usab nga motabang kanato sa pagkakita kon giunsa sa tudling paghaom sulod sa kinatibuk-ang kahulogan sa ebanghelyo.

Ang mga mambabasa makakaplag og pagtabang sa pagsabot sa kinatibuk-ang kahulogan sa mga tudling sa kasulatan sa mosunod nga mga kapanguhaan (nga anaa sa Librarya sa Ebanghelyo): Mga Tabang sa Pagtuon, Kasaysayan sa Simbahan, Mga Hilisgotan ug mga Pangutana, institute o mga manwal sa magtutudlo sa seminary, ug Dali, Sunod Kanako—Alang sa Panimalay ug sa Simbahan.

Modelo

Ang mosunod nga mga ehemplo nagpakita kon giunsa sa naglibot nga mga pulong sa tudling ug sa mas dako nga ideya o mga sitwasyon pagtabang sa pagsabot sa tudling. Mahimo nimong ipakita ang talaan sa ehemplo 1 o ihatag kini isip usa ka handout. Human mabasa ang tudling, rebyoha ang “Naglibot nga mga Pulong sa Tudling” ug dayon ang “Mas Dako nga Ideya o mga Sitwasyon” nga mga seksiyon. Mahimo kamong makagamit sa talaan diha sa ehemplo 2 sa lain nga adlaw sa pagrebyo niini nga kahanas.

Ehemplo 1

Tudling	Naglibot nga mga Pulong sa Tudling	Mas Dako nga Ideya o ang mga Sitwasyon
Tudling Basaha ang Genesis 25:33.	Naglibot nga mga Pulong sa Tudling Ang naglibot nga mga pulong sa tudling makaplagan pinaagi sa pagbasa sa naglibot nga mga bersikulo. Ang Genesis 25:21–34 nag-asoy kanato nga si Esau ug si Jacob managkaluha. Unang natawo si Esau ug busa mao ang may katungod sa pagkatawo nga anak nga lalaki. Sa wala pa sila matawo, mipadayag ang Ginoo ngadto ni Rebeca nga ang iyang mas manghod nga anak nga lalaki, si Jacob, modawat sa katungod sa pagkatawo (tan-awa sa Genesis 25:23). Si Esau pinalangga sa iyang amahan, ug si Jacob pinalangga sa iyang inahan. Usa ka adlaw niana, ingon nga gigutom pag-ayo, nangayo si Esau og sabaw (mapulapula nga linat-an). Miuyon si Jacob sa paghatag ni Esau sa sabaw agi og ilis sa iyang katungod sa pagkatawo. Gidawat ni Esau ang pagbinayloay, nagpakita sa iyang gibati nga ang katungod sa pagkatawo dili importante.	Mas Dako nga Ideya o ang mga Sitwasyon Hunahunaa kon giunsa sa mosunod nga tinubdan pagtabang sa mas dako nga mga ideya o mga sitwasyon niini nga bersikulo: “Gibaligya ni Esau ngadto ni Jacob ang iyang katungod sa pagkatawo (Gen. 25:33), pinaagi diin iyang giwagtang ang pagkapangulo sa tribo ug usab ang panalangin sa pakigsaad (Gen. 27:28–29, 36; Heb. 12:16–17)” (Bible Dictionary, “Esau”). “Sa panahon sa karaan nga mga patriyarka, ang unang natawo nga anak nga lalaki makadawat sa katungod sa pagkatawo (Gen. 43:33) ug sa ingon makapanunod sa pagkapangulo sa pamilya [banay] diha sa pagkamatay sa amahan. Ang unang natawo kinahanglan nga adunay katakos sa pag-abaga niini nga kapangakohan (1 Mga Cron. 5:1–2) ug mahimo nga mawala ang iyang katungod sa pagkatawo pinaagi sa pagkadili matarong” (Giya ngadto sa mga Kasulatan, “Unang Natawo,” scriptures.Church of JesusChrist.org). Makabasa usab kamo sa Giya ngadto sa mga Kasulatan, “Katungod sa Pagkatawo,” scriptures.ChurchofJesusChrist.org.

Mga Panabot

Ang kinatibuk-ang kahulogan alang sa Genesis 25:33 nagtabang kanato sa pagsabot nga ang pagdawat sa katungod sa pagkatawo usa ka dako nga dungog ug kapangakohan. Ang kinatibuk-ang kahulogan nagsulti usab kanato nga si Esau wala magbutang og dako nga bili sa iyang katungod sa pagkatawo. Kini nga mga panabot naghatag og importante nga impormasyon sa kaagi kon kita sa dili madugay magkat-on mahitungod sa mga panudlo ni Rebeca ngadto ni Jacob kabahin kon unsaon pagkuha sa panalangin sa katungod sa pagkatawo gikan ni Isaac (tan-awa sa Genesis 27:1–33).

Ehemplo 2

Tudling	Naglibot nga mga Pulong sa Tudling	Mas Dako nga Ideya o ang mga Sitwasyon
Tudling Basaha ang Doktrina ug mga Pakigsaad 121:1–3.	Naglibot nga mga Pulong sa Tudling Ang naglibot nga mga pulong sa tudling makaplagan pinaagi sa pagbasa sa Doktrina ug mga Pakigsaad 121:4–8. Dinhi niini si Joseph Smith nagpakilooy og maayo sa tanan niyang pagbati ngadto sa Dios mahitungod sa unsay iyang giantos ug sa mga Santos. Nadungog ni Joseph ang tingog sa Ginoo ug gisultihan nga ang iyang pag-antos mahimo lamang sa “mubo nga higayon” ug nga kon siya “[mo]lahutay pag-ayo,” siya “magmadaugon ibabaw sa [iyang] tanan nga mga kaaway” (mga bersikulo 7–8).	Mas Dako nga Ideya o ang mga Sitwasyon Ang ulohan sa seksiyon alang sa Doktrina ug mga Pakigsaad 121 naghatag og mas dako nga mga ideya alang sa mga bersikulo 1–3: “Ang pag-ampo ug mga panagna gisulat ni Joseph Smith ang Propeta diha sa [usa ka sulat] ngadto sa Simbahan samtang siya usa ka binilanggo diha sa bilanggoan sa Liberty, Missouri, nga gipetsahan og Marso 20, 1839. Ang Propeta ug uban sa daghan nga kauban diha sa bilanggoan pipila na ka bulan. Ang ilang mga pangaliyupo ug mga panghangyo ngadto sa mga tigdumala nga mga opisyal ug sa hukmanan napakyas sa paghatag kanila og kahupayan.” Ang artikulo “Within the Walls of Liberty Jail” (tan-awa ilabi na ang mga parapo 8–16) naghulagway sa makayugot nga mga kahimtang nga kinahanglan nga antuson sa mga binilanggo (tan-awa sa Justin R. Bray, sa Revelations in Context [2016], 258–60). Hunahunaa ang pagtan-aw sa hulagway sa Bilanggoan sa Liberty nga makaplagan diha sa Church History Photographs.

Mga Panabot

Kon atong masabtan ang salawayon nga mga kahimtang sa Bilanggoan sa Liberty ug ang pag-antos sa mga Santos nga giabog gikan sa Missouri, ang pangamuyo ni Joseph Smith nagdala og dugang nga kahulogan ug gahom. Atong makat-onan nga ubos sa labing malisod nga mga kahimtang kita makaduol ngadto sa Dios alang sa panabang ug madawat ang paghupay ug paggiya gikan Kaniya.

Pagpraktis

Pagpili og usa ka tudling gikan sa hut-ong sa kasulatan nga inyong gitun-an, o gamit og usa sa mosunod: 1 Samuel 16:7; Marcos 2:16; Alma 39:5; Doktrina ug mga Pakigsaad 138:11. Dayon ihatag sa mga estudyante ang handout “Pagsabot sa mga Kasulatan sa Kinatibuk-ang Kahulogan,” ug dapita sila sa paggamit niini sa pagdiskobre sa naglibot nga mga pulong sa tudling ug sa mas dako nga mga ideya o mga sitwasyon alang sa tudling nga inyong napilian. Makadapit kamo sa mga estudyante sa pagkompleto sa tsart sa mosunod.

Pagsabot sa Kinatibuk-ang Kahulogan

Tudling	Naglibot nga mga Pulong sa Tudling	Mas Dako nga Ideya o ang mga Sitwasyon
Tudling	Naglibot nga mga Pulong sa Tudling	Mas Dako nga Ideya o ang mga Sitwasyon

Mga Panabot

Pagdapit ug Pag-follow Up

Awhaga ang mga estudyante sa paggamit sa mga baroganan sa pagsabot sa mga kasulatan diha sa ilang kinatibuk-ang pagsabot atol sa ilang personal nga pagtuon. Hinumdomi ang pag-follow up ug pagtugot og panahon alang sa mga estudyante sa pagpakigbahin ug pagpraktis pag-usab sa kahanas ingon nga gikinahanglan. Mahimo nga ikaw mangita og oportunidad sa tibuok semana sa pag-follow up sa mga estudyante diha sa paggamit niini nga mga baroganan diha sa ilang pagtuon.