Paggamit sa mga Pagtulun-an sa mga Lider sa Simbahanaron sa Pagsabot sa mga Kasulatan

Ipatin-aw

Ipasabot nga ang mga propeta sa Ginoo adunay piho nga responsibilidad sa pagklaro sa kasulatan ug sa doktrina (tan-awa sa 1 Nephi 22:1–2; Doktrina ug mga Pakigsaad 24:5). Ang mga propeta ug ubang mga lider sa Simbahan nagtabang usab kanato sa “pagpahisama” ug paggamit sa mga kasulatan ngari sa atong mga kinabuhi (1 Nephi 19:23).

Ang mosunod nga mga kapanguhaan makatabang kanato sa pagpangita og mga pagtulon-an gikan sa mga lider sa Simbahan kalabot ngadto sa piho nga mga tudling sa kasulatan:

• Scripture Citation Index—Usa kini ka online nga himan nga makaplagan diha sa scriptures.byu.edu. Usa ka mobile app nga bersyon anaa usab alang sa Android ug iOS nga mga himan. Pilia ang basahon sa kasulatan, ang kapitulo o seksiyon, ug dayon ang bersikulo.

• Librarya sa Ebanghelyo (mobile nga bersyon)—Gamita ang molihok sa pagsiksik aron sisikon tinagsa ang pakisayran nga kasulatan o ang mga pulong nga mogiya sa pagpangita og impormasyon (keywords). Makahimo ka usab sa pagpatataw og usa ka hugpong sa mga pulong diha sa usa ka bersikulo sa kasulatan. Kon ang mga toolbar magpakita, tuploka og hinay ang Search nga sinulat. Sa pagpagamay sa pagsisik, makagamit ka sa “Collections” nga drop-down ug pilia ang bisan hain sa Kinatibuk-ang Komperensiya o Mga Magasin. Dayon tan-awa ang mga resulta alang sa mga pagtulon-an kalabot ngadto niana nga tudling sa kasulatan.

• Librarya sa Ebanghelyo (bersyon sa web)—Gamita ang molihok sa pagsisik bisan asa diha sa ChurchofJesusChrist.org sa pagsiksik og tinagsa sa pakisayran sa kasulatan o ang mga pulong nga mogiya sa pagpangita og impormasyon. Dayon gamita ang himan nga Filter sa paghapsay sa imong pagsiksik ngadto sa “Kinatibuk-ang Komperensiya” o sa ubang koleksiyon.

Itudlo nga kon naggamit sa Scripture Citation Index o nagsiksik sa Librarya sa Ebanghelyo, kini makatabang sa pagbasa dayon sa mga parapo sa teksto sa dili pa ug sa human na ang gilakip nga mga resulta sa pagsiksik. Ang pagtuon sa nagkalain-laing mga pahayag sa mga lider sa Simbahan mahitungod sa usa ka piho nga tudling makahatag usab og dugang nga panabot ngadto sa kahulogan niini. Mahimong makaplagan nimong makatabang ang pagpunting diha sa mas bag-o nga mga pagtulon-an gikan sa mga lider sa Simbahan.

Modelo

Pagpili og tudling sa kasulatan nga nahimong kanunay nga gikutlo ug gigamit sa mga lider sa Simbahan diha sa ilang mga pagtudlo. Usa ka ehemplo mao ang Moises 7:18. Naggamit sa mga panudlo nga gihatag sa ibabaw, i-modelo kon unsaon paggamit sa Scripture Citation Index ug sa molihok nga pagsiksik diha sa Librarya sa Ebanghelyo sa pagpangita sa mga pagtulon-an gikan sa mga lider sa Simbahan mahitungod niini nga tudling. Pakigbahin og usa ka pahayag nga nagpasabot o nagtabang sa pagklaro sa kahulogan sa bersikulo. Sama pananglit, ang imong pagsiksik mahimong mag-apil sa mosunod nga pagtulon-an gikan ni Elder D. Todd Christofferson, diin nagpasabot kon unsaon kanato paghimo nga “usa sa kasingkasing ug usa sa hunahuna” (Moises 7:18):

Mahimo kitang usa sa kasingkasing ug usa sa hunahuna samtang kita sa tinagsa mobutang sa Manluluwas nga sentro sa atong mga kinabuhi ug mosunod niadtong Iyang gitudlo sa pagpangulo kanato. (D. Todd Christofferson, “Dali na diri sa Zion,” Liahona, Nob. 2008, 38)

Pagpraktis

Pagpili og usa ka tudling gikan sa pagtuon sa kasulatan niini nga semana, o ikaw makagamit sa usa sa mga tudling sa kasulatan nga gilista sa ubos. Makahimo kamo sa pagbasa sa tudling sa kasulatan isip usa ka klase. Dayon dapita ang mga estudyante sa paggamit sa mga kapanguhaan nga gipaila diha sa “Ipatin-aw” nga seksiyon sa pagsiksik alang sa mga pagtulon-an gikan sa mga propeta ug ubang mga lider sa Simbahan nga kalabot ngadto niana nga tudling. Dapita ang mga estudyante sa pagpakigbahin uban sa usa ka pares, diha sa gagmay nga mga grupo, o uban sa klase (1) sa pagtulon-an o pahayag nga ilang nakaplagan ug (2) giunsa niini sa pagtabang sa pagklaro o pagpalawom sa ilang pagsabot sa tudling sa kasulatan.

Dugang nga mga tudling sa kasulatan alang sa pagpraktis niini nga kahanas:

• Job 19:25–26

• Mateo 11:28–30

• Doktrina ug mga Pakigsaad 18:10

• Alma 7:11–13

Pagdapit ug Pag-follow Up

Dapita ang mga estudyante sa paggamit og mga pagtulon-an sa mga lider sa Simbahan sa pagpauswag sa ilang personal nga pagtuon sa kasulatan. Hangyoa ang mga estudyante sa pagdala sa sunod nga klase og usa ka pagtulon-an gikan sa lider sa Simbahan nga nagtabang kanila nga mas masabtan ang usa ka tudling sa kasulatan. Hinumdomi ang pag-follow up ug pagtugot og panahon kon magkita mo pag-usab nga ang mga estudyante makigbahin sa unsay ilang nakaplagan ug giunsa nila kini sa pagkaplag. Mahimo kang mag-follow up sa tibuok semana.