Nehemía

Jerúsalemsmúr endurbyggður

Nehemía var Gyðingur sem bjó í Persíu. Hann var þjónn sem konungur reiddi sig á. Dag einn heyrði Nehemía að Gyðingar í Jerúsalem þjáðust. Múrinn sem vernda átti Jerúsalem var eyðilagður og hafði ekki verið endurbyggður. Jerúsalem var í hættu. Nehemía fastaði og baðst fyrir um liðsinni Drottins.

Nehemíabók 1

Konungur spurði Nehemía af hverju hann væri svo dapur. Hann sagði konungi frá hættunni í Jerúsalem. Konungur sagði að hann gæti komið til hjálpar. Nehemía var beðinn að fara til Jerúsalem og endurbyggja múrinn. Konungur gerði Nehemía að leiðtoga og sá honum fyrir nauðsynlegum birgðum.

Nehemíabók 2:2–8

Nehemía og Gyðingarnir hófu endurbyggingu múrsins umhverfis Jerúsalem. Óvinir þeirra hæddust þó að þeim og reyndu að stöðva verkið.

Nehemíabók 2:17–20

Óvinirnir reyndu að egna Nehemía til að fara frá borginni. Nehemía vildi þó ekki fara. Hann treysti Drottni. Hann var að vinna mikið verk.

Nehemíabók 6:2–4

Nehemía sagði fólki sínu að óttast ekki. Það setti verði á múrinn sér til verndar. Gyðingar héldu áfram að endurbyggja múrinn. Drottinn veitti Gyðingum styrk og þeir luku við múrinn á 52 dögum. Jerúsalem var aftur örugg.

Nehemíabók 4:6–15; 6:5–9, 15–16