Li Jesukristo naru naxjal xq’unal qametz’ew choq’ kawilal—Lix na’leb’ laj Pablo chirix jun li tiq’leb’

2 Korintios 12:7–10

Li Jesukristo naru naxjal xq’unal qametz’ew choq’ kawilal

Lix na’leb’ laj Pablo chirix jun li tiq’leb’

Li apostol aj Pablo yoo chixk’utb’al li na’leb’ chirix li Jesukristo.

Li apostol aj Pablo, a’an jun xnimal ru moos re li Qaawa’. Kixk’ul naab’al li na’leb’ rik’in li Dios, ut kixk’e xna’leb’eb’ li ras riitz’in chirix li Kolonel. A’b’an wan ajwi’ xch’a’ajkilal laj Pablo.

2 Korintios 12:7

Laj Pablo yoo chixtz’iib’ankil jun li hu choq’ reheb’ laj paab’anel aran Korinto.

Sa’ jun li hu, laj Pablo kixye reheb’ laj paab’anel naq nareek’a lix ch’a’ajkilal kama’ jun li tiq’leb’ sa’ lix junxaqalil. Jwal naxk’os xmetz’ew laj Pablo.

2 Korintios 12:7

Ox wa kitijok ut kitz’aaman laj Pablo chiru li Qaawa’ naq taarisi li ch’a’ajkilal a’an. A’ut li Qaawa’ ink’a’ kirisi.

2 Korintios 12:8–9

Li Qaawa’ yoo chixchapb’al ruq’ laj Pablo ut chixwaklesinkil.

Kixye b’an re laj Pablo naq wan xwankil re xkawresinkil xmetz’ew laj Pablo. Laj Pablo kixk’e reetal naq maare nawan rusilal junaq qach’a’ajkilal wi naqasik’ qatenq’ankil rik’in li Qaawa’. Wi maak’a’ qametz’ew naq naqeek’a, li Jesukristo naru nokoxkawresi, us ta ink’a’ na’isiik li qach’a’ajkilal.

2 Korintios 12:9–10