Eb’ li seraq’ sa’eb’ li loq’laj hu
Li Jesus naxk’irtesi lix moos jun li Centurion—Jun aj jolominel aj Romano naxk’ut xnimal lix paab’aal

Lukas 7:1–10

Li Jesus naxk’irtesi lix moos jun li Centurion

Jun aj jolominel aj Romano naxk’ut xnimal lix paab’aal

Jun li centurion rochb’een lix teep aj pleet

Jun li centurion kiwan aran Kafernaum, jun tenamit b’ar wi’ nak’utuk li Jesus chi kok’ aj xsa’. A’an aj jolominel re jun nimla teep aj pleet.

Lukas 7:1–2

Lix moos li centurion k’a’jo’ naq yaj.

Li centurion a’in kiwan jun xmoos li k’a’jo’ xloq’al choq’ re. Kiyajer lix moos ut kamk re.

Lukas 7:2

Li centurion naxpatz’ reheb’ junjunq aj jolominel aj Judio naq te’xtaw chaq li Jesus.

Us ta li centurion maawa’ aj Judio, kirab’i chaq resil li Jesus. Kixpaab’ naq li Jesus wan xwankil re xb’aanunkil xninqal ru sachb’a-ch’oolej. Kixtaqlaheb’ junjunqeb’ aj jolominel aj Judio chixpatz’b’al re li Jesus naq taawulaq chixk’irtesinkil lix moos.

Lukas 7:3–4

Junjunqeb’ li kristiaan neke’xye re li Jesus naq us naq ink’a’ taaxik sa’ rochoch li centurion.

Laj jolominel ke’raatina li Jesus chirix li centurion ut lix moos. Ke’xye naq li centurion q’un xch’ool rik’ineb’ laj Judio. Li Jesus ki’ok chi b’eek re xik sa’ rochoch li centurion. A’b’an rub’elaj naq kiwulak, junjunq reheb’ li ramiiw li centurion ke’xxaqab’ li Jesus. Ke’xye re naq ink’a’ taa’ok sa’ li ochoch a’an.

Lukas 7:4–6

Li kristiaan neke’xye re li Jesus naq li centurion nareek’a naq moko wan ta xk’ulub’.

Ke’xye naq li centurion nareek’a naq maak’a’ xk’ulub’ chixk’ulb’al li Jesus sa’ li rochoch. Kixpaab’ naq li Jesus naru naxk’irtesi lix moos yal chi najt!

Lukas 7:6–8

Li Jesus naxye re li centurion naq nim lix paab’aal.

Li Jesus xtoch’e’ xch’ool xb’aan lix paab’aal li centurion. Kixye naq maajun wa kiril xnimal li paab’aal a’an.

Lukas 7:9

Lix moos li centurion nak’irtesiik.

Naq eb’ li ramiiw li centurion ke’sutq’i sa’ kab’l, li moos ak k’irajenaq chik. Kik’irtesiik xb’aan li Jesus, jo’ chanru naq li centurion kixpaab’ naq taaruuq chixb’aanunkil.

Lukas 7:10