Galuega 9:36–42

O Tapita, o se Tamaitai “Ua Tumu i Galuega Lelei”

Na toe faaola mai e ala i le mana o Iesu Keriso

O Tapita o se soo faamaoni o Iesu Keriso. Sa nofo o ia i se taulaga i tafatafa o le sami, na igoa ia Iopa. Sa fiafia o ia e auauna atu ma fesoasoani i tagata matitiva.

Galuega 9:36

Sa faia e Tapita ni lavalava ma avatu i tamaitai e le tagolima. Sa latou alolofa ia Tapita.

Galuega 9:39

I se tasi aso, na ma’i tigaina ai Tapita. Sa ma’i tigaina o ia o lea na maliu ai.

Galuega 9:37

Sa faanoanoa tele isi tagata o le Ekalesia i Iopa. Sa latou iloa o Peteru, o se tasi o Aposetolo a Iesu, sa i ai i se taulaga lata ane. Sa latou auina atu ni alii se toalua e fai atu ia Peteru e faatopetope ma o mai ia i latou.

Galuega 9:38

Na sau Peteru i le mea sa i ai le tino o Tapita. Sa i ai iina nisi o tamaitai sa fesoasoani i ai Tapita. Sa latou faaali atu ia Peteru ofu sa ia faia mo i latou.

Galuega 9:39

Sa fai atu Peteru i tagata uma e o ese mai le potu. Sa tootuli o ia ma tatalo.

Galuega 9:40

Ina ua uma ona tatalo, sa fai atu Peteru, “Tapita e, ina tu ia i luga.” Sa pupula ona mata ma nofo i luga. Sa fesoasoani Peteru e faatu Tapita i luga. Ua toe ola o ia! Sa valaau atu Peteru i ana uo e o mai e vaai ia te ia. Sa ofo i latou! Sa latou iloa ua toe faaolaina o ia e ala i le mana o Iesu Keriso. Sa toatele isi tagata sa talitonu ia te Ia.

Galuega 9:40–42