Mareko 12:41–44

O Se Fafine ua Oti Lana Tane ma Tupe Siliva Laiti e Lua

Ua aoao atu Iesu e uiga i le ositaulaga

Sa alu atu Iesu i le malumalu i Ierusalema. A o i ai o Ia iina, sa Ia vaavaai atu a o tuuina atu e tagata ni tupe mo le galuega o le malumalu. E toatele tagata mauoa na tuuina atu le tele o tupe.

Mareko 12:41

Ona tuuina atu lea e se fafine mativa ua oti lana tane ni tupe siliva se lua e ta’ua o tupe iti. Sa le o se tupe tele, peitai na o le pau lea o se tupe sa ia te ia.

Mareko 12:42, 44

Na vaai Iesu i le fafine ua oti lana tane ma fai atu i Ona soo e o mai e vaai po o le a le mea sa ia faia.

Mareko 12:43

Na fetalai Iesu e sili atu mea na tuuina atu e le fafine ua oti lana tane nai lo se isi lava. Sa tuuina atu e tagata mauoa le tele o tupe, ae sa na o sina vaega itiiti o mea sa latou maua. Sa na o sina tupe itiiti na tuuina atu e le fafine ua oti lana tane, ae sa ia tuuina atu mea uma sa ia te ia.

Mareko 12:43–44