Ua Faamafanafana e Iesu Soo e Toalua

O se savaliga faatasi i le ala i Emau

O soo e toalua o Iesu o loo savavali atu i Emau.

I le aso na toetu mai ai Iesu, sa savavali ai ni soo se toalua mai Ierusalema i se taulaga e igoa o Emau. O i la’ua o soo o Iesu, ma sa la faanoanoa. Sa la talanoa le tasi ma le isi e uiga i le maliu o Iesu ma isi mea na tutupu i nai aso ua mavae.

Luka 24:13–14

Ua faaali atu Iesu ma savavali faatasi ma le au soo. E le iloa e le au soo o Iesu lea.

A o la savavali, sa afio mai Iesu ma savavali faatasi ma i la’ua, ae la te lei iloa o Iesu lea. Sa Ia fesili atu po o le a le mea sa latou talanoa i ai ma pe aisea na la faanoanoa ai.

Luka 24:15–17

Sa faateia i latou na Ia le iloa le mea na tupu. Sa la ta’u atu ia te Ia e uiga ia Iesu. Sa la manatu o le a avea o Ia ma o latou Faaola, ae ua maliu o Ia.

Luka 24:18–21

Fai mai le au soo ua alu ese le tino o Iesu mai le tuugamau.

Sa la fai mai foi o nisi o fafine sa o atu i Lona tuugamau, ae ua leai se tino o Iesu. Sa ta’u atu e agelu i fafine o loo soifua Iesu.

Luka 24:21–24

Ona aoao atu lea e Iesu ia i latou mea na ta’u mai e tusitusiga paia e uiga i le Faaola. Sa Ia fetalai atu na aoao mai perofeta o le a maliu le Faaola ma toetu mai.

Luka 24:25–27

Ua faamanuia e Iesu le areto ma avatu i le au soo.

Ina ua la taunuu atu i Emau, ua amata ona po. Sa valaaulia e soo e toalua ia Iesu e nonofo faatasi ma i laua. Sa nofo i lalo Iesu e aai faatasi ma i laua. Sa ia avatu le areto, faamanuia, ma avatu i le au soo. I lena taimi, sa la iloa ai o Iesu lea. Na faafuasei lava ona mou ese atu o Ia.

Luka 24:29–31

Ua talanoa le au soo e uiga i o la aafiaga ma Iesu.

Sa talanoa soo e toalua e uiga i le mafanafana na la lagonaina i o la’ua loto a o aoaoina i la’ua e Iesu mai tusitusiga paia. Sa la toe faanatinati atu i Ierusalema e ta’u atu i isi soo sa la vaai ia Iesu.

Luka 24:32–35