Mbështetjate Vetja
Mësoni

“3: Mësoni”, Gjetja e Forcës te Zoti: Ripërtëritja Emocionale (2020)

“3: Mësoni”, Gjetja e Forcës te Zoti: Ripërtëritja Emocionale

Mësoni – Koha Maksimale: 60 Minuta

1. Trupi Ynë Është një Dhuratë nga Perëndia

Lexoni:

Ati juaj i dashur Qiellor ju siguroi një dhuratë të një trupi ku të strehohet shpirti tuaj (shih Doktrina e Besëlidhje 88:15; Abraham 5:7). Një trup i shëndetshëm është i rëndësishëm që të jesh i ripërtërirë emocionalisht. Teksa kujdeseni më mirë për shëndetin tuaj fizik, gjithashtu shëndeti juaj emocional do të përmirësohet dhe anasjellas. Disa mënyra se si mund të kujdeseni më mirë për trupin që ju ka dhënë Ati Qiellor, janë të përfshini ushtrim të rregullt fizik, pushim të mjaftueshëm, higjienë vetjake dhe të ushqyerit e shëndetshëm.

2. Ushtrimi i Rregullt Fizik

Lexoni:

Ushtrimi i rregullt fizik mund të jetë shumë dobiprurës për shëndetin tuaj emocional. Veprimtaria fizike stimulon trurin tuaj dhe çliron lëndë kimike që ndihmojnë me emocionet dhe aftësinë tuaj për t’i parë qartë situatat. Gjetja e kohës për të qenë aktivë mund t’ju bëjë më të lumtur, më të qetë dhe më me pak ankth. Veprimtaria fizike mund të jetë edhe një mundësi për ta përdorur trupin tuaj dhe për t’u bashkuar me familjarë dhe miq në një mjedis argëtues dhe shoqëror.

Lexoni:

Nëse nuk keni bërë ushtrime fizike për një kohë të gjatë; nëse keni probleme kronike shëndetësore të tilla si, sëmundje të zemrës, diabet apo artrit, ose nëse keni shqetësime të tjera, këshillohuni me një mjek profesionist përpara se të filloni një plan të ri ushtrimesh fizike.

3. Gjumi dhe Pushimi

Lexoni:

Nevoja për gjumë dhe pushim shpesh harrohet. Plaku Xhefri R. Holland tha: “Lodhja është armiku i zakonshëm për ne të gjithë – prandaj, ngadalësohuni, pushoni, rivendosni dhe rimbushni vetveten. Mjekët na premtojnë se, në qoftë se nuk harxhojmë kohë që të jemi mirë, në mënyrën më të sigurt ne vërtet do të harxhojmë kohë më vonë kur të jemi të sëmurë” (“Si një Vazo e Thyer”, Liahona, nëntor 2013, f. 41). Gjumi cilësor mund të ndihmojë për ta mbrojtur shëndetin mendor, shëndetin fizik, cilësinë e jetës dhe sigurinë tuaj. Kur jeni të lodhur, mund t’ju duket e vështirë të merrni vendime, të zgjidhni probleme, të kontrolloni emocionet e sjelljen dhe të përballoni ndryshimin.

Lexoni:

Pushimi është më shumë sesa të bëni gjumë të mjaftueshëm. Libri i Mormonit jep mësim: “Nuk është e nevojshme që një njeri duhet të vrapojë më shpejt sesa ai ka fuqi” (Mosia 4:27). Ndoshta ju ndiheni nën trysni për të mbajtur ritmin e shpejtë të botës. Ju mund të jeni në një fazë të jetës që duket e mundimshme, si për shembull rritja e të vegjëlve ose përkujdesja për një njeriun tuaj të dashur që është i sëmurë. Ju mund të ndikoheni edhe nga sfidat emocionale që iu bëjnë të ndiheni të lodhur dhe të doni të flini më gjatë nga ç’është e nevojshme. Qëndrimi në shtrat për një kohë të gjatë mund të jetë dëmtues për shëndetin tuaj mendor dhe emocional. Zoti ju do dhe i di rrethanat tuaja të veçanta. Ai mund t’ju udhëzojë drejt ideve dhe burimeve që do të jenë të dobishme për situatën tuaj.

Diskutoni:

Si ndikon lodhja në mirëqenien tonë shpirtërore, fizike, sociale dhe emocionale?

Lexoni:

Nëse shpesh flini tepër shumë ose shumë pak, merrni në konsideratë të kërkoni ndihmë nga një mjek.

4. Higjiena Vetjake

Lexoni:

Ne tregojmë respekt për trupin tonë kur e trajtojmë dhe flasim për të në mënyrë pozitive. Të dhënit përparësi ndaj gjërave të vogla si larja e duarve, larja e rregullt e trupit, larja e dhëmbëve dhe mbajtja e rrobave tona të pastra do ta përmirësojë shëndetin tonë dhe mund të na ndihmojë që të ndihemi më mirë rreth vetes.

Diskutoni:

Çfarë ndryshimesh vini re te vetja kur ushtroni higjienë të mirë vetjake?

5. Të ushqyerit Shëndetshëm

Lexoni:

Shpëtimtari i dha mësim Profetit Jozef Smith rreth të jetuarit të shëndetshëm në vitin 1833, në një zbulesë që u bë e njohur si Fjala e Urtësisë (shih Doktrina e Besëlidhje 89). Kjo zbulesë siguron udhëzim në lidhje me atë që duhet të hamë dhe të pimë dhe se çfarë duhet të shmangim. Zoti premton shëndet të mirë, rezistencë fizike, mbrojtje, njohuri dhe urtësi ndaj atyre që i binden Fjalës së Urtësisë.

Në njërën nga bisedat e tij të fundit të konferencës së përgjithshme, Presidenti Tomas S. Monson tha: “U kujdesshim për trupin dhe mendjen tonë duke i zbatuar parimet që janë vendosur në Fjalën e Urtësisë, një plan i siguruar hyjnisht. Me gjithë zemrën dhe shpirtin tim, unë dëshmoj për bekimet e lavdishme që na presin kur e bëjmë këtë” (“Parime dhe Premtime”, Liahona, nëntor 2016, f. 79).

Diskutoni:

Cilat janë disa mënyra se si ne mund të kujdesemi më mirë për trupin që na ka dhënë Ati Qiellor?

Lexoni:

Sigurohuni që të pini shumë ujë të pastër gjatë ditës. Hani mjaft ushqim të duhur për ta furnizuar trupin tuaj, që të keni energjinë që iu nevojitet për të kryer detyrat tuaja të përditshme. Në përgjithësi, merreni parasysh të hani më shumë perime, fruta, drithëra të plota, bimë bishtajore dhe arra. Merreni parasysh gjithashtu që të pakësoni sheqerin e përpunuar, kripën, pijet e ëmbëltuara dhe yndyrat e ngopura.

Mund të dëshironi të bisedoni edhe me dikë që e njihni rreth zakoneve tuaja të të ngrënit. Diskutoni për disa mënyra se si mund ta furnizoni më mirë trupin tuaj. Ndërsa punoni për të jetuar një jetë më të shëndetshme, mund të mos i shihni menjëherë rezultatet. Por mund ta dini se po bëni më të mirën tuaj për t’u kujdesur për trupin që ju ka dhënë Perëndia.

Lexoni:

Një simptomë e një çrregullimi të të ngrënit do të ishte përqendrimi tek ushqimi dhe ushtrimi deri në pikën sa nuk mund të përqendroheni në aspekte të tjera të jetës suaj.

Nëse shikoni që zakonet tuaja të të ngrënit i kufizojnë veprimtaritë tuaja ose e dobësojnë shëndetin tuaj, ju lutemi të kërkoni ndihmë mjekësore.

6. Të Kuptuarit e Emocioneve Tona

Lexoni:

Trupi juaj përjeton emocione të forta. Bërja të ripërtërirë emocionalisht kërkon që ju t’i miratoni, pranoni dhe t’u përgjigjeni emocioneve tuaja në një mënyrë të shëndetshme. Emocionet janë një pjesë e zakonshme e përvojës sonë tokësore. Nganjëherë emocionet tuaja mund të jenë të forta dhe mund të jetë sfiduese që t’u përgjigjeni atyre. Kur i lejoni emocionet tuaja që të vendosin për sjelljen tuaj, ju u nënshtroheni emocioneve në vend që të përdorni lirinë tuaj të zgjedhjes për t’iu përgjigjur emocioneve tuaja.

Diskutoni:

Në ç’mënyrë orvatja për t’i kontrolluar emocionet tona na ndihmon të bëhemi më shumë si Krishti?

Lexoni:

Hapi i parë për mbajtjen nën kontroll të emocioneve është të qenit të vetëdijshëm për to. Një mjet që mund të ndihmojë është një ditar emocionesh, ku mund të pasqyroni emocionet që i keni ndier. Në një ditar emocionesh, shënoni emocionin që ndieni, situatën në të cilën ndodheni dhe veprimet që ndërmorët për shkak të emocionit. Përsiatini këto ndjenja e situata dhe më pas shënojini mendimet tuaja. Teksa i gjurmoni emocionet tuaja, kërkoni modele dhe praktika të kohës. Merreni parasysh të shkruani çdo ditë në ditarin tuaj të emocioneve. Shikoni shembullin më poshtë.

Emocioni

Situata

Veprimet e Ndërmarra prej Emocionit

Përsiatni

Emocioni

Shembulli

Sot u ndjeva i/e inatosur dhe i/e lënduar.

Situata

Pata një debat të madh me babanë tim.

Veprimet e Ndërmarra prej Emocionit

U mërzita vërtet e i bërtita atij dhe ua nxora nervat miqve të mi. U ndjeva keq për këtë.

Përsiatni

Duhet të flas me babanë rreth mënyrës se si ndihem në vend që të zemërohem me të.

Emocioni

Shembulli

Sot ndjeva gëzim dhe paqe.

Situata

Dëgjova një lutje të përzemërt që më preku.

Veprimet e Ndërmarra prej Emocionit

E falënderova Atin Qiellor për dashurinë e Tij dhe mendova rreth mënyrës se si lutem.

Përsiatni

Dua të ndihem sërish kështu, duke u përpjekur që të lidhem më mirë me Atin Qiellor nëpërmjet lutjes.

Lexoni:

Plaku Riçard G. Skot dha mësim: “Dorëzimi ndaj emocioneve të tilla si inati, ose lëndimi, ose justifikimi, do ta largojë Frymën e Shenjtë” (“Si të Merrni Zbulesë dhe Frymëzim për Jetën Tuaj Personale”, Liahona, maj 2012, f. 45). Sigurisht, ne të gjithë ndihemi të zemëruar dhe të lënduar ndonjëherë. Ndonjëherë jemi edhe të shfajësuar që i ndiejmë këto emocione. Megjithatë, është e rëndësishme për ne që t’i zgjidhim këto ndjenja nëse duam të lidhemi më mirë me Zotin dhe ta ndiejmë Shpirtin.

Plaku Skot sugjeroi gjithashtu një mënyrë që emocioni mund të na ndihmojë ta ndiejmë Shpirtin dhe të bëhemi më të ripërtërirë: “Një [ndjenjë e] mirë humori e ndihmon zbulesën … Një [ndjesi] humori është një valvul shkarkimi për trysnitë e jetës” (“Si të Merrni Zbulesë dhe Frymëzim për Jetën Tuaj Personale”, f. 46).

Diskutoni:

Si mund t’ju ndihmojë të mësuarit e kontrollimit të emocioneve tuaja që ta ndieni më lehtësisht Shpirtin?

7. Kujdesi për Veten

Lexoni:

Kur përballeni me sfida, ju keni nevojë të bëni gjithçka që mundeni për t’u kujdesur për veten. Bërja e gjithçkaje që mundeni, nënkupton të përdorni burimet që keni në jetën tuaj për t’ju përkrahur në çfarëdo sfidash me të cilat po përballeni. Më poshtë është një listë idesh për kujdesin ndaj vetes.

  • Merrni një sy gjumë.

  • Vizitoni një shok/shoqe

  • Uleni ritmin

  • Bëni një dush ose banjë

  • Bëni ushtrime fizike

  • Lexoni një libër

  • Dëgjoni muzikë

  • Krijoni diçka

  • Lutuni

  • Dilni për ecje

  • Bëni një listë gjërash për të cilat jeni mirënjohës

  • Shijoni një vakt të mirë ushqimor

  • Vallëzoni

  • Këndoni

  • Përdorni teknika qetësimi (shih veprimtarinë në artikullin 3 te pjesa “Mësoni” e kapitullit 4 dhe pjesën “Burimet” te kapitulli 4).