« Te Poe Tao’a Rahi », Te mau ’ā’amu o Te Ha’api’ira’a Tumu ’e te mau Fafaura’a (2024)
« Te Poe Tao’a Rahi », Te mau ’ā’amu o Te Ha’api’ira’a Tumu ’e te mau Fafaura’a
Tiurai 1835–Māti 1842
Te Poe Tao’a Rahi
Te tahi atu ā pāpa’ira’a mo’a nō ’ō mai i te Fatu ra
I te hō’ē mahana, ’ua haere mai te hō’ē ta’ata i Kirtland ’e te mau mōmī nō ’Aiphiti mai. Mai te mau mōmī tē vai ra te tahi mau parau pāpa’i tumu, ’aore rā te mau ’ōtaro pāpie tahito roa. E pāpa’ira’a nō ’Aiphiti tō ni’a i te mau ’ōtaro. ’Ua fa’a’ite atu teie ta’ata i te reira i te peropheta Iosepha Semita. ’Ua ’ana’anatae roa Iosepha i te pāpa’ira’a.
Te Feiā Mo’a, 1:219–20
’Ua tauturu te tahi mau hoa ia Iosepha ’ia ho’o mai i te mau mōmī ’e te mau ’ōtaro. ’A ’imi māite ai Iosepha i te pāpa’ira’a, ’ua heheu mai te Fatu iāna i te mau pāpa’ira’a tahito a Aberahama, hō’ē peropheta o te Bibilia. Ma te tauturu a te mau hoa mai ia Oliver Cowdery, ’ua pāpa’i Iosepha i te mea tā te Fatu i ha’api’i iāna nō ni’a i te mau ha’api’ira’a a Aberahama.
Te Feiā Mo’a, 1:220
’Ua ’ite Aberahama i te hō’ē ’ōrama nō tō tātou orara’a ’e te Metua i te ao ra, hou tātou ’a fānauhia mai ai. ’Ua ’ite ’oia ē ’ua mā’itihia Iesu ’ia riro ’ei Fa’aora nō tātou. ’Ua ha’api’i ato’a mai Aberahama nō ni’a i te hāmanira’a o te ao nei. ’Ua ’oa’oa roa te feiā mo’a i te fa’ari’ira’a i teie mau ha’api’ira’a nā roto mai ia Aberahama. ’Ua ’oa’oa rātou ē, ’ua hina’aro te Fatu e ha’api’i rahi atu ā ia rātou.
Aberahama 2:6–11 ; 3–5 ; Te Feiā Mo’a, 1:220
’Ua tu’uhia te mau pāpa’ira’a a Aberahama ’ei tuha’a nō te hō’ē buka pāpa’ira’a mo’a tei pi’ihia te Poe Tao’a Rahi. Tei roto ato’a i teie buka te mau pāpa’ira’a a Mose, te tahi atu peropheta o te Bibilia. Tē ha’api’i nei te reira i te mau parau mau tei mo’e i roto i te Bibilia. ’Ua hina’aro te Fatu ’ia ’ite te ta’ata i teie mau parau mau, nō reira ’ua fa’a’ite ’oia i te reira ia Iosepha Semita.
Tei roto ato’a i te Poe Tao’a te ’itera’a pāpū o Iosepha Semita ’e nā Hīro’a Fa’aro’o 13. ’Ua pāpa’i Iosepha Semita teie mau mea nō te fa’a’ite i tō te ao nei, i te mea tā te feiā mo’a i te mau mahana hope’a nei e ti’aturi nei. E buka na’ina’i Te Poe Tao’a Rahi, mai te hō’ē poe, e faufa’a rahi rā tōna.