Nō ni’a i te Ha’api’ira’a Tumu ’e te mau Fafaura’a

« Nō ni’a i te Ha’api’ira’a Tumu ’e te mau Fafaura’a », Te mau ’ā’amu o te Ha’api’ira’a Tumu ’e te mau Fafaura’a (2024)

« Nō ni’a i te Ha’api’ira’a Tumu ’e te mau Fafaura’a », Te mau ’ā’amu o te Ha’api’ira’a Tumu ’e te mau Fafaura’a

Parau ’ōmuara’a

Nō ni’a i te Ha’api’ira’a Tumu ’e te mau Fafaura’a

Tē parau fa’ahou nei te Fatu

Tē fā nei Iesu i te feiā i Amerika tahito.

’Ua here tō tātou Metua i te ao ra ia tātou. ’Ua hina’aro ’oia ia tātou ’ia rave i te mau fafaura’a, ’aore rā te mau parau fafau, ’e āna, ’ia ti’a iāna ’ia ha’amaita’i ia tātou. ’Ua tono ’oia i tāna Tamaiti, ’o Iesu Mesia, ’ia riro ’oia ’ei Fa’aora nō tātou, nō te tauturu ia tātou ’ia ho’i iāna ra.

Tē pāpa’i ra te hō’ē peropheta tahito i ni’a i te hō’ē ’ōtaro parau.

Tē tono ato’a nei te Atua i te mau peropheta nō te ha’api’i ia tātou nō ni’a ia Iesu Mesia ’e tāna mau fa’auera’a. E tāvini te mau peropheta ia Iesu Mesia ma te tauturu i te arata’i i tāna ’Ēkālesia.

Nā Iesu e parau i te mau peropheta e aha tē ha’api’i ia tātou. ’Ua pāpa’ihia te mau parau a te mau peropheta nō muta’a ra i roto i te mau pāpa’ira’a mo’a, mai te Bibilia ’e te Buka a Moromona.

Iosepha Semita e uiui ra i roto i tōna mana’o e aha te ha’apa’ora’a fa’aro’o e pe’e.

E rave rahi matahiti i muri a’e i tō Iesu orara’a i ni’a i te fenua nei, ’aita e peropheta. ’Aita e ta’ata e rave ’e e ha’apa’o i te mau fafaura’a ’e te Atua. ’Aita te ’Ēkālesia a Iesu Mesia i ni’a i te fenua nei.

Te fāra’a te Metua i te ao ra ’e Iesu Mesia ia Iosepha Semita.

Pi’i a’era te Atua ia Iosepha Semita nō te riro mai ’ei peropheta. E taure’are’a noa ’o Iosepha, terā rā, e ’ohipa faufa’a roa tā te Atua nōna ’ia rave.

Tē ’āfa’i nei te mau ta’ata i tō rātou rima i ni’a nō te pāturu ia Iosepha ’e ia Oliver ’ei feiā fa’atere nō te ’Ēkālesia.

’Ua ha’api’i Iosepha Semita nō ni’a ia Iesu Mesia. ’Ua tauturu ’oia i te fa’anaho i te ’Ēkālesia a Iesu. ’Ua ha’api’i Iesu ia Iosepha Semita i tāna ’evanelia, ’e nāhea i te fa’atere i tāna ’Ēkālesia.

E ’utuāfare e tai’o ra i Te Ha’api’ira’a Tumu ’e te mau Fafaura’a.

E rave rahi mea tā Iesu i parau ia Iosepha Semita tei pāpa’ihia i roto i Te Ha’api’ira’a Tumu ’e te mau Fafaura’a. Te Ha’api’ira’a Tumu ’e te mau Fafaura’a, e buka pāpa’ira’a mo’a ïa mai te Bibilia ’e te Buka a Moromona.

E fa’ahōho’ara’a nō te maita’i tā Te Ha’api’ira’a Tumu ’e te mau Fafaura’a i fa’atupu i roto i te mau ta’ata.

Tē fa’ati’a nei Te mau ’ā’amu o te Ha’api’ira’a Tumu ’e te mau Fafaura’a ’ua nāhea Iesu i te tu’u-fa’ahou-ra’a mai, ’aore rā nāhea ’oia i te fa’aho’i-fa’ahou-ra’a mai, i tāna ’Ēkālesia, tauturuhia e te peropheta Iosepha Semita ’e tē vai atu ra. E parauhia te mau melo o te ’Ēkālesia te feiā mo’a. Tē fa’a’ite nei teie mau ’ā’amu ē, ’ua here te Atua i tāna mau tamari’i nā te ao ato’a nei. ’Ua hina’aro ’oia i te ha’amaita’i ia tātou maoti te ravera’a tātou i te mau fafaura’a ’e āna.