Toe Foi i le Auaunaga

O faifeautalai o e vave ona toe foi i le fale atonu e mananao e toe foi i le auaunaga faafaifeautalai pe saili nisi avanoa e auauna atu ai. I tulaga faapenei, mafaufau i filifiliga nei:

1.Toefaatulai i se misiona talai.

E taua tele le mafaufau ma le faaeteete o le faifeautalai i le mafuaaga mo le vave faamaloloina ma le ono toe tulai mai o faafitauli, pe a toefaatulai. E masani lava, pe a vave toe foi mai faifeautalai i le fale, ua faaitiitia le i le misiona ma ua faaleleia o latou tulaga faafomai po o tulaga o le soifua maloloina po o le faalemafaufau. Manatua o tulaga faatonuina ma atuatuvalega o le misiona e tele ina faaopoopo ai faigata o ia tulaga.

E pei ona aoao mai Peresitene Gordon B. Hinckley, “O le soifua manuia faaletino ma le faalemafaufau e taua. … Po o le a lava ni gasegase po o ni faaletonu o le tino po o le mafaufau o maua ai le faifeautalai pe a sau i le galuega, e na o le faateteleina ai o le faaletonu i le mamafatu o le galuega. … E tatou te manaomia faifeautalai, a e tatau ona latou gafatia le faia o le galuega. … E tatau ona i ai le soifua maloloina ma le malosi, i le tino ma le mafaufau, aua e faigata le galuega, e uumi itula, ma o le atuatuvale e mafai ona mamafatu” Fonotaga Muamua o Aoaoga Faaletaitai i le Lalolagi, Ian. 11, 2003, 17–18). E manaomia e le tagata ona mautinoa e na te gafatia ona taulimaina tulaga ia pe a toe foi i le galuega tala’i. O le toefaatulai i se misiona talai e manaomia ai le auina atu e le peresitene o le siteki o mea nei i le Matagaluega a Faifeautalai:

O se tusi mai le peresitene o le siteki o talosagaina ai le toefaatulai ma faailoa atu ai ua agavaa le faifeautalai e auauna atu, o mataupu uma e faatatau i le faamaloloina ua foiaina atoatoa, ma ua uma ona ia faatalanoaina le faifeautalai ma ua la lagonaina uma ma le faifeautalai ua mafai ona ia galulue ma le mataalia i le galuega talai.
O se tusi mai le faifeautalai o loo faaalia mai ai ona lagona e uiga i le toe foi i le galuega faafaifeautalai.
O se tusi mai le tagata tomai faapitoa na taulimaina, mo i latou o e na toe foi vave mai i le fale mo mafuaaga o le soifua maloloina faafomai po o le mafaufau, e faamatala ai tulaga, togafitiga na tuuina atu, tali i le togafitiga, vailaau po o nisi togafitiga atonu latou te manaomia i le galuega talai, ma se iloiloga o le gafatia e le faifeautalai e galue i lalo o tulaga faigata o le galuega faafaifeautalai ma faalesoa.
O le a manaomia ni fomu ua toefaafou o tulaga faafomai ma nifo pe afai ua silia ma le tasi le tausaga talu ona faamaloloina le faifeautalai.

2. Misiona auauna atu (MA).

O avanoa e auauna atu ai i tomai eseese ma mo le eseese o le uumi o taimi e mafai ona avea ma se filifiliga. Faamolemole tagai i le uepisaite ChurchofJesusChrist.org/service-missionary mo nisi faamatalaga.

3.O isi valaauga.

I eria ia e le o maua ai ni avanoa mo faifeautalai auauna atu, pe afai foi o le a le talafeagai lenei tofiga mo le faifeautalai, mafaufau e tuu atu se valaauga e avea o se faifeautalai a le uarota po o se tagata e faigaluega i le malumalu po o le faailoaina mai o se avanoa talafeagai mo se volenitia i le lotoifale.