34-р бүлэг
Хиламан ба 2000 залуу дайчин
Аммоны хүмүүс дахин хэзээ ч дайтахгүй гэж Бурханд амлажээ. Тэд нифайчуудын ойролцоо амьдардаг байсан бөгөөд нифайчууд тэднийг хамгаалж байв.
Аммоны хүмүүсийн дайснуудыг нифайчууд руу довтлоход Аммоны хүмүүс амлалтаа эвдэн, нифайчуудад байлдахад нь туслахыг хүсжээ.
Хиламан ба нифайчуудын бусад удирдагч Аммоны хүмүүсийг Бурханд өгсөн амлалтаа эвдээсэй гэж хүссэнгүй.
Аммоны хүмүүсийн залуу хөвгүүд энэ амлалтыг аваагүй байсан. Тэд эрх чөлөөнийхөө төлөө тэмцэхэд нь нифайчуудын их цэрэгт туслахыг хүсжээ.
Эдгээр залуу хөвгүүний хоёр мянга нь эх орноо хамгаалах замыг сонгов. Тэд Хиламаныг удирдагчаа болгохыг хүсжээ.
Эдгээр залуу эр баатарлаг, зоригтой, хүчтэй байлаа. Тэд мөн үнэнч шударга, итгэл даахуйц мөн Бурханы зарлигуудыг дагадаг байжээ.
Хиламан хоёр мянган залуу дайчнаа байлдаанд удирдав. Тэр тэднийг өөрийн хөвгүүд гэж дууддаг, тэд ч түүнийг эцгээ гэж дууддаг байжээ.
Хиламаны хөвгүүд байлдаж үзээгүй ч айхгүй байлаа. Тэдний эхчүүд Бурханд итгэж, Бурханыг өөрсдөд нь тусална гэдгийг мэддэг байх талаар хөвгүүддээ заажээ.
Хиламан ба түүний цэргүүд леменчүүдийн эсрэг хэд хэдэн дайнд тулалдав. Эдгээр залуу эр Хиламаны бүх тушаалыг дуулгавартай дагав.
Тэд эрэлхгээр байлдан, дайснуудаа ухрааж, хөөн зайлуулахад тусалжээ. Дайны дараа Хиламан хөвгүүн бүр нь шархадсан ч, нэг нь ч үхээгүй байгааг мэдсэн.
Энэ бол гайхамшиг байлаа. Хиламан маш их баяртай байлаа. Эдгээр залуу эр Бурханд итгэх агуу итгэлийнхээ ачаар хамгаалагдсан гэдгийг тэр мэдэж байв.