33-р бүлэг
Хааныг хүсэгч ба эрх чөлөөг хүсэгч хүмүүс
Зарим нэг нифай хүн ерөнхий шүүгч Пахоранаас зарим хуулийг өөрчлөхийг хүсжээ.
Пахораныг татгалзахад хүмүүс уурлан, түүнийг ерөнхий шүүгчээс огцруулахыг хүссэн. Тэд шүүгчийг бус хааныг хүсэж байв.
Хааныг хүсэгч хүмүүс нэгнийгээ хаан болгож, хүмүүсийн дээр захирах хүч чадалтай болно гэж найдаж байв.
Пахораныг ерөнхий шүүгчээр үлдээхийг хүссэн нифайчуудыг эрх чөлөөг хүсэгч хүмүүс гэж нэрлэжээ. Тэд өөрсдийн хүссэнээр амьдрах, шүтэн бишрэх эрх чөлөөг хүсэж байв.
Эрх чөлөөг хүсэгч үү, хааныг хүсэгч үү гэдгээр нь хүмүүсийн дунд санал хураалт явуулав. Тэдний ихэнх нь эрх чөлөөг хүсэгч хүмүүсийн төлөө саналаа өгөв.
Яг энэ үед Амаликая нифайчууд руу довтлохоор леменчүүдийн их цэргийг цуглуулж байлаа.
Хааныг хүсэгч хүмүүс леменчүүдийн ирж байгааг сонсоод баярлаж, улс орноо хамгаалахад туслахаас татгалзав.
Хааныг хүсэгч хүмүүс байлдахгүй гэсэн учир ахмад Моронай ууртай байв. Тэр нифайчуудыг эрх чөлөөтэй байлгахын тулд ихээхэн хүч хөдөлмөр гаргасан байлаа.
Тэр хааныг хүсэгч хүмүүсийг нэг бол леменчүүдтэй байлдуулах, аль эсвэл цаазлах эрх мэдлийг захирагчаас хүсэв.
Захирагч Пахоран Моронайд энэхүү эрх мэдлийг өгөхөд Моронай цэргүүдээ хааныг хүсэгч хүмүүсийн эсрэг удирдав.
Хааныг хүсэгч олон хүн алагдаж, зарим нь шоронд хаягдав. Үлдсэн хэсэг нь леменчүүдийн эсрэг нутгаа хамгаалахад туслахыг зөвшөөрөв.