26-р бүлэг
Аммоны хүмүүс
Сүмд нэгдэн орсон леменчүүд өөрсдийгөө Антай-Нифай-Лихайчууд буюу Аммоны хүмүүс гэж нэрлэв. Тэд ажилсаг, сайн хүмүүс байлаа.
Нүглээ наманчлаагүй леменчүүд Аммоны хүмүүст уурлаж байсан ба тэдэнтэй байлдахаар зэхэв.
Ёс бус леменчүүд өөрсдийг нь алахаар ирнэ гэдгийг Аммоны хүмүүс мэдэж байсан ч тэдэнтэй байлдахгүй байхаар шийджээ. Тэд аллага хядлагаа наманчилсан байлаа.
Тэд зэвсгээ газрын гүнд булшлаад, дахин хэзээ ч хүн алахгүй гэж Бурханд амлажээ.
Ёс бус леменчүүдийг ирж, тэднийг алж эхлэхэд тэд сөгдөн суугаад, залбирч байв.
Аммоны хүмүүсийн хариу байлдахгүй байгааг хараад, ёс бус леменчүүдийн ихэнх нь тэднийг алахаа зогсоов.
Леменчүүд хүн алсандаа харамсаж байлаа. Тэд зэвсгээ хаян, Аммоны хүмүүстэй нэгдэв. Тэд дахин байлдахыг хүссэнгүй.
Аммоны хүмүүсийг алахаар илүү олон леменчүүд нэмж иржээ. Тэд мөн л хариу тулалдаагүй ба олон хүн алуулав.
Хайртай хүмүүсээ алуулахыг хүсээгүй Аммон тусламж хүсэн залбирав. Их Эзэн түүнд хүмүүсээ авч, уг нутгийг орхин яв гэж хэлэв.
Зарахемла дахь нифайчууд Аммонд болон түүний хүмүүст Жершон гэдэг газар нутгийг өгч, тэднийг хамгаалав. Тэд найзууд болжээ.