Sepiteba

Sa Vakavulica Vei Au na Vunau e Tini Meu Lomana na Kalou Kei Ira na Luvena

“Kevaka ko sa lomani au, mo muri au ka talairawarawa ki na noqu vunau” (V&V 42:29).

Kuria ki na veivakasama oqo na nomu o sa vakarautaka. Ena veimacawa, mo tuvanaka na sala me (1) kilai na vunau, (2) vukei ira na gone mera kila vakavinaka, ka (3) vukei ira mera bulataka ena nodra bula. Tarogi iko, “Na cava me ra cakava na gone me ra vuli kina, kei na sala cava meu vukei ira kina me ra vakila na Yalotabu?”

iMatai ni Macawa: Eda sa vakalougatataki ni da maroroya na ivunau.

Me kilai na vunau (raici ni lesoni ivakaraitaki): Sureta e dua na tina me kauta mai na luvena lailai ki na gauna ni veiwasei. Sureti ira na gone mera wasea eso na lawa mena dau taqomaki tiko kina na gonelailai oqo. Tukuna vei ira na gone ni da sa luvena taucoko na Tamada Vakalomalagi; ni sa lomani keda o Koya ka solia vei keda na ivakaro se vunau meda taqomaki tiko kina ka kune marau. Vakaraitaka e dua na iyaloyalo i Mosese kei na Vunau e Tini, ka tukuna vakalekaleka vei ira na gone na sala a ciqoma kina o Mosese na vunau oqo (raica na Lako Yani 19–20).

iVakatakilakila

The Ten Commandments

Vakauqeta me kilai vakavinaka (lagalagasere): Vola ena papanivolavola e tolu na malanivosa oqo: “Doka ka Qarava na Kalou,” “Vakarokoroko Vei Rau na Nomu iTubutubu,” ka “Dokai Ira na Tamata.” Tukuna vei ira na gone ni sa rawa me vidai na Vunau e Tini ki na tolu na iwasewase oqo. Wasei ira vakailawalawa na gone ka solia yadua vei ira e dua na sere e semati tiko ki na dua vei iratou na wase oqo. Kerea na ilawalawa yadua mera lewa mai o cei mena lagata na sere (me kena ivakaraitaki, cauravou walega, goneyalewa walega, se o ira era isulu damudamu tiko). Ni sa laga oti na sere, kerea e dua na gone me biuta na sere ena ruku ni kena wase donu. Sa rawa mo vakayagataka eso na sere oqo: “Saturday” (CS, 196), “Quickly I’ll Obey” (CS, 197), “My Dad” (CS, 211), “The Church of Jesus Christ” (CS, 77), kei na “Lomaqu Noqu I Gu” (CS, 63).

iVakatakilakila

arches

Vakauqeta mera vakayacora (lagati ni dua na sere): Lagata na “Keep the Commandments” (CS, 146–47), ka kerei ira na gone mera vakarogoca na iyalayala eda ciqoma ni da maroroya na vunau. Sureti ira mera wasea na sala era sa vakalougatataki kina ni ra maroroya tiko na vunau.

iKarua ni Macawa: Meu na rokova ka qarava na Kalou.

Vakauqeta me kilai vakavinaka ka mera vakayacora (wili ivolanikalou): Vakamacalataka ni imatai ni va ni vunau a solia na Tamada Vakalomalagi vei Mosese e vakavulica vei keda meda rokova ka qarava na Kalou. Vola ena papanivolavola na yatuvosa oqo: Vola na tiki ni ivolanikalou ena va na tiki ni pepa.

Me kakua vei iko na tani, koi au duadua ga. (Lako Yani 20:3)
Mo kakua ni cakava vei iko e dua na . (Lako Yani 20:4)
Mo kakua ni cavuta na yaca i Jiova na nomu Kalou . (Lako Yani 20:7)
Mo nanuma na , mo vakatabuya. (Lako Yani 20:8)

Wasei ira na gone ki na va na ilawalawa. Solia ki na ilawalawa yadua e dua na tiki ni ivolanikalou, ka kerei ira mera wilika mai ka raica na yatuvosa e sema kina ena papanivolavola. Kerea na imatai ni ilawalawa mera vakalewena na nodra vanua e lala tiko ena papanivolavola ka liutaki ira na vo ni gone mera cavuta vata tale na yatuvosa o ya. Me veivosakitaki na ibalebale ni vunau, mera qai vakatura mai na gone na veika mera na cakava mera maroroya tiko kina. Vola na nodra vakatutu ena papanivolavola. Mo vakayacora vakakina ki na vo ni tolu na ilawalawa. Vakauqeti ira na gone mera digitaka e dua na vakatutu oqori ena papanivolavola mera laki cakacakataka mai ena loma ni macawa.

iKatolu ni Macawa: Meu na dokai rau na noqu itubutubu.

Me kilai na vunau (cavuqaqataki e dua na ivolanikalou): Raicalesu vakalekaleka na vunau era sa vulica mai na gone ena macawa sa oti, ka kerea eso na gone mera wasea na veika era a cakava mera bulataka kina na vunau o ya. Wasei ira na gone ki na va na ilawalawa, ka solia ki na ilawalawa yadua e dua vei ira na tiki ni pepa ni vosa era volai toka oqo (raica na Lako Yani 20:12).

iVakatakilakila

memorize a scripture

Sa vakarautaki tu na tikinipepa ni vosa ena sharingtime.lds.org

Sureti iratou na imatai ni ilawalawa me ratou tucake, mera cavuta na vosa e tiko ena nodratou tikini pepa ni vosa, ka dabe tale, ka tarava sara e dua tale na ilawalawa. Kerei ira na ilawalawa mera solia yani na nodra tikini pepa ni vosa ki na dua tale na ilawalawa, ka me vakayacori tiko na itaviqaravi oqo me yacova ni ra sa cavuta na ilawalawa taucoko na nodra tikini pepa ni vosa. Sureti ira na gone mera tucake ka cavuta vata na vunau.

Vakauqeta mera vakayacora (vakayacora e dua na qito): Wasei ira vakailawalawa na gone. Kerei ira na ilawalawa yadua oqo mera vakasamataka mada e dua na ka e rawa ni ra cakava mera rokovi ira kina na nodra itubutubu. Sureta na ilawalawa yadua mera matanataka vakadrama, ka kerei ira na vo ni gone mera vakilakila na cava era cakava tiko. Ni sa donu na ka era nanuma, kerea e dua vei ira na gone ena ilawalawa o ya me vola na nodra vakasama ena papanivolavola.

iKava ni Macawa: Meu na dokai ira tale eso.

Me kilai na vunau (veivosakitaki ni veidokai): Tukuna vei ira na gone ni na gole tiko mai nikua ena Lalai e dua na vulagi dokai. Kerei ira na gone mera vakaraitaka ena nodra itovo ni ra sa doka na vulagi oqo. Mera na kilakila mada o cei na vulagi oqo. Vakagigitaka na “Au Luve ni Kalou” ni ko pinitaka tiko e dua na kalokalo pepa ki na gone yadua. Vakamacalataka ni sa bibi sara na tamata yadua ka meda dau dokai ira na tamata kecega. Tukuna vei ira na gone ni vica na Vunau e Tini e vakavulica vei keda na sala meda dokai ira tale eso.

Vakauqeta me kilai vakavinaka (veivosakitaki ni kisi dikevi): Vakamacalataka ni sa vakavulica vei keda na Vunau e Tini ni sega ni dodonu meda butako se lasu; oqo e dua na sala eda dokai ira kina na tamata. Vakarautaka eso na kisi dikevi (raica na VMLB, 207–08) e tukuna tiko na gauna eso era na digitaka kina na gone mera dina. Wasei ira vakailawalawa na gone ka solia vei ira e so na kisi dikevi. Kerei ira mera wilika na kisi dikevi yadua ka veivosakitaka na sala era na rawa ni dina ena veituvaki yadua.