Epereli

Sa Vakavulici Au o Jisu Karisito Meu Digitaka na Dodonu

“Niu sa solia e dua na ivakarau vei kemudou, mo dou kitaka me vaka kau sa kitaka oti vei kemudou” (Joni 13:15).

Sere: Na sere o sa digitaka baleti Jisu Karisito mai na Children’s Songbook

Kuria ki na veivakasama oqo na nomu o sa vakarautaka. Ena veimacawa, mo tuvanaka na sala me (1) kilai na vunau, (2) vukei ira na gone mera kila vakavinaka, ka (3) vukei ira mera bulataka ena nodra bula. Tarogi iko, “Na cava me ra cakava na gone me ra vuli kina, kei na sala cava meu vukei ira kina me ra vakila na Yalotabu?”

iMatai ni Macawa: Sa noqu ivakaraitaki uasivi sara o Jisu Karisito.

Vakauqeta me kilai vakavinaka (wiliki ni ivolanikalou kei na droini): Vola ena dua na pepa levu na vosa oqo, “Sa noqu ivakaraitaki uasivi sara o Jisu Karisito.” Kotiva na pepa oqo ena va na tikina me dua kina na iba e rawarawa toka ga. Vola ki na daku ni tikina yadua me iba, e dua vei ira na yatuvosa oqo:

A vakaraitaka vei keda o Koya na sala meda papitaiso kina (raica na Maciu 3:13–17).
Sa dau vakaraitaka na Nona loloma vei ira na tamata (raica na Marika 10:13–16).
A vosoti ira era a vakamavoataki Koya (raica na Luke 23:34).
A vakaraitaka vei keda o Koya na ivakarau ni masu (raica na Maciu 6:5–13).

Ni ra sa vakavulici tiko ena ivakavuvuli ni kosipeli, vukei ira na gone mera vakasaqara na sala eso mera vakayagataka ena nodra bula.

Me lagati “I’m Trying to Be like Jesus” (CS, 78–79). Kerei ira na gone mera vakamacalataka na ka e vakavulica tiko na sere. Vakaraitaka na iyaloyalo kei Karisito, ka tukuna vei ira na gone ni sa vakavulica sara vei keda e levu na ka mai na Nona ivakaraitaki cecere. Wasei ira vakava na gone, ka solia ki na ilawalawa yadua e dua na tiki ni iba o ya kei na so na tiki ni pepa. Kerei ira mera wilika vata na ivolanikalou ka droinitaka na sala eso era rawa ni vakamuria kina na ivakaraitaki i Karisito. Sureta na ilawalawa yadua mera vakamacalataka na nodra ivolanikalou kei na droini ka mera vakabira na nodra iba ena papanivolavola. Ni sa tuvani oti na iba, mera cavuta vata tale, “Sa noqu ivakaraitaki uasivi sara o Jisu Karisito.”

iKarua kei na iKatolu ni Macawa: Sa vakavulica vei au o Jisu Karisito na sala dodonu meu bula kina.

Me kilai na vunau (lagasere tiko): Me lagati na “Choose the Right Way” (CS, 160–61), ka kerei ira e veimama na iwiliwili ni gone mera vakarogoca na sala eda rawa ni bula marau kina kei na ikarua ni veimama mera vakarogoca na veika ena vukei keda ka vakaraitaka vei keda na sala. Me veivosakitaki na veika era sa vulica rawa na gone mai na sere o ya.

Vakauqeta me kilai vakavinaka (qitotaki e dua na kilakila mada kei na wiliki ni ivolanikalou): Vakarautaka eso na tikini pepa ni vosa e volai tiko kina na vosa kei na ivolanikalou oqo: viakana (Maciu 5:6); rarama (Maciu 5:16); loloma (Maciu 5:44); kei na masu (Maciu 6:6). Vakaraitaka e dua na iyaloyalo ni Vunau mai na Ulunivanua. Vakamacalataka ni a lako cake o Jisu ki na ulunivanua me laki vakavulici iratou na Nona tisaipeli; na veika a vakavulica e kea o Koya sa mai vakatokai me Vunau mai na Ulunivanua. Vakaraitaka e dua vei ira na tikini pepa ni vosa kivei ira na veimama ni gone, ka kerei ira mera matanataka na vosa o ya mera qai kilakila mai na veimama tale ni gone. Wilika vata na kena ivolanikalou e sala vata, ka vukei ira na gone mera kila vakavinaka na veika sa vakavulica na Karisito kei na sala meda na rawa ni muria kina na Nona ivakaraitaki. Me vakayacori talega oqo ki na vosa kei na ivolanikalou se vo tiko.

iVakatakilakila

boy with hands as if praying

iVakatakilakila

april wordstrips

Sa vakarautaki tu na tikinipepa ni vosa ena sharingtime.lds.org

Vakauqeta mera vakayacora (veivosakitaki na kisi dikevi): Vola ena va na tiki ni pepa na ivakavuvuli oqo nei Jisu: (1) Viakania ka viagunuva na ivalavala dodonu, (2) Me caudre mai na nomudou rarama, (3) Lomani ira na kemudou meca, (4) Masu vua na Tamada Vakalomalagi. (Sa rawa mo vakayagataka na iyaloyalo eso e vakaraitaka tiko na ivakavuvuli oqo baleti ira na gonelalai.) Vakabira wavoki e loma ni rumu na veitiki ni pepa oqo. Vakarautaka na kisi dikevi eso (raica na VMLB, 207–08) ena vukei ira na gone mera kila vakavinaka na sala mera vakayagataka kina na ivakavuvuli oqo. Me kena ivakaraitaki, “E dua e koronivuli e dau vakalialiai iko tiko ka dau vakatoka tiko eso na yaca tani vei iko. Na cava beka mo na cakava?” Raicalesu na ivolanikalou mai na qito ni kilakila mada e tukuni tiko e cake, ka vakamatatataka ni pepa era tiko ena loma ni rumu e salavata kei na ivolanikalou. Wilika e dua na kisi dikevi vei ira na gone, ka sureti ira mera tucake ka rai yani ki na pepa e tiko kina na ivakavuvuli ena vukei ira mera digitaka kina na dodonu. Taroga eso na gone se na digidigi cava era na vakayacora.

iKava ni Macawa: Au dau vakila na loloma ni noqu iVakabula niu dau saga meu vakataki Jisu Karisito.

Vakauqeta me kilai vakavinaka (lagasere ka digidigi): Me lagati “I Feel My Savior’s Love” (CS, 74–75). Vola eso na kisi dikevi e vakaraitaka na sala vua e dua na gone me muria kina e dua na ivakavuvuli i Karisito. Me oka talega kina e dua na ivolanikalou ena kune kina na ivakavuvuli o ya. Oqo eso na kena ivakaraitaki.

A kerei tacina o Sara me kakua ni vakayagataka na nona kala, ia a vakayagataka ga o tacina. Me vakataki Jisu, sa rawa vei Sara me:

Cudruvi tacina.
Vunia na nona kala.
Vosoti tacina.

Maciu 18:21–22.

E qito soka tiko o John kei ira na nona itokani, ka raica sara ni tucake duadua tu e dua na cauravou ka sarasara tiko mai. Me vakataki Jisu, sa rawa vei John me:

Vakalialiai cauravou oya ni tucake duadua tu.
Sega ni kauwaitaki cauravou ka tomana tikoga na nona qito kei ira na nona itokani.
Sureti cauravou me mai qito soka talega kei iratou.

Joni 13:34.

Kerea e dua na gone me wilika e dua vei ira na kisi dikevi. Ka qai kerei koya me wilika vakayadudua na isau ni taro. Sureti ira na vo ni gone mera tucake ni ra rogoca na isau ni taro ena vakamuria na ivakaraitaki i Jisu. Sureta eso na gone mera wilika e cake na ivolanikalou, ka veivosakitaka na veika a vakavulica o Jisu. Me veivosakitaki ni kena vakamuri na ivakaraitaki i Jisu ena ituvaki vakaoqo ena vukei keda meda vakila na loloma ni iVakabula. Me vakayacori talega ki na kisi dikevi yadua.

Mera wilika e cake na gone na ivolanikalou. Mo nanuma tiko na yalomatua ni gone yadudua, me vukei mera vakaitavi vakavinaka na gone yadua.

Vakauqeta mera vakayacora: Sureti ira na gone mera vakayacora na veika e vinakata o Jisu mera vakayacora ena macawa oqo. Tukuna ni macawa mai oqo ko na taroga tiko eso vei ira mera wasea na veika era sa vakayacora kei na nodra sa vakila na loloma ni iVakabula.

Veivuke vei iliuliu ni sere.

iVakatakilakila

teacher holding up three fingers

Mera vukei na gone mera vulica e dua na sere vou, e rawa mo vakayacora oqo:

Sureti ira na gone mera laveliga ni ra lagata e dua na vosa bibi se wilika e ligadra na levu ni gauna era lagata kina e dua na vosa. Me kena ivakaraitaki, lagata na “He Sent His Son” (CS, 34–35), ka kerei ira mera wilika e ligadra na levu ni gauna era lagata kina na “His Son.”
Digitaka e dua na iyaloyalo kei na dua na vosa rau matataka na malanivosa yadua ena dua na sere, ka biuti rau ena dua na tikini pepa. Me kena ivakaraitaki, ni lagati na “He Sent His Son” (CS, 34–35), vakamatatataka na malanivosa “How could the Father tell the world of love and tenderness?” [“Mena tukuna vakacava na Tamana ki vuravura na loloma kei na yalololoma “] ena dua na iyaloyalo ni uto kei na vosa yalololoma. Me baleta na malanivosa “He sent his Son, a newborn babe, with peace and holiness,” [“A tala mai na Luvena, na gone lailai sucu vou, ena vakacegu kei na savasava”] vakaraitaka e dua na iyaloyalo ni vanua ni sucu kei na vosa vakacegu. Sa rawa mo vakaitavitaki ira na gone mera taura tu na iyaloyalo ni ra lagasere tiko.