Na Sala me Lagati kina na Sere ena Lalai

Na inaki ni sere ena Lalai o ya mera vakavulici kina na Lalai ena kosipeli i Jisu Karisito ka vukei ira mera vulica na nodra laki bulataka. Na lagati ni sere ni Lalai e dau marautaki kina vakalevu na vuli, ka vukei ira na gone mera vulica ka dau nanuma tiko na dina ni kosipeli, ka dau sureta mai na Yalotabu ki na Lalai.

Oqo eso na iwalewale ena vukei iko mo vakavulici ira na gone ena kena lagati na sere. Na ivakaraitaki oqo ena vukei iko ena sere e vakaturi tiko ena ituvatuva oqo. Raica na wase “Na Sala me Lagati kina na Sere ena Lalai” ena ituvatuva ni 2010 kei na 2011me ikuri ni vakasama.

Vakavulica na Kosipeli ena kena Lagati na Sere

Eso vei ira na lesoni bibi e vakavulici ena Lalai a vakayacori rawa ena kena lagati na sere. “Na sere e rawa ni vakalevutaka na nodra kila na ivakavuvuli ni kosipeli na gone ka vakaukauwataka talega na nodra ivakadinadina” (VMLB, 201). Sa rawa mo tarogi ira na gone me baleta e dua na sere me vukea mera kila vakavinaka na kena ibalebale. Me kena ivakaraitaki, “Digitaka na Dodonu” (Sere ni Lotu, naba 142) e vakavulica ni da sa sega ni biu duadua tu meda vakatulewa ga ena noda bula; ena dau dusimaki keda tiko na Yalotabu meda digidigi dodonu. Droinitaka e tolu na icocovi ni CTR (DND) ena papanivolavola ka vola na taro eso oqo e lomadra: “O cei ena dusimaki au meu digia na dodonu?” “Ena gauna cava ena caudre mai kina vei au na veivuke?” kei “Na cava sa yalataki tu niu digia na dodonu?” Dusia na imatai ni icocovi, ka me wiliki vata na kena taro, ka kerei ira na gone mera vakarorogo ni ko lagata tiko na sere ka mera tucake kera sa rogoca na kena isau. Mera qai lagata vata vakavica kei iko na kena isau. Ena vukei ira oqo mera semata na vosa ki na kena lagalaga. Me vakayacori oqo ki na vo ni vosa. Me veivosakitaki na malanivosa se vosa ena rairai dredre mera kila vakavinaka na gone. Me lagati taucoko na qaqani sere, ka tukuna vei ira na gone ni gauna era lagata tiko kina, era sa vakadinadinataka ni na vukei keda na Yalotabu kevaka eda sa dau vakarorogo ka digitaka ga na dodonu.

Vakaitavitaki Ira Taucoko na Gone ena iTaviqaravi ni Lagasere

Era dau taleitaka ka marautaka na vakaitavi na yabaki ni bula taucoko ni gone kei na nodra gugumatua ena itaviqaravi ni lagasere. E dau vukei ira na gone na irogorogo ni sere mera nanuma tiko na veika era a lagata kei na itukutuku ni vosa. Ni lagati na “Stand for the Right” (CS, 159), sa rawa mo vakamoica toka na kena totolo kei na kena rogolevu. Sa rawa mo vakayagataka na ivosavosa vakasere me vakataka na legato (vakamalua ka malumu) kei na staccato (vakatotolo ka cacavukavuka) ka mera lagata vakaoqo na gone na sere ena iwalewale e rua oqo.

iVakatakilakila

actions to music

Era dau taleitaka talega na gone mera dau yavala ni ra vakaitavi, me vakataka na nodra vakasausautaka e dua na biti se veidonui vinaka na nodra matanataka e ligadra kei na kena qaqana. Ena sere “The Wise Man and the Foolish Man” (CS, 281), ena veivuke vei ira na gone na matanataki ena liga mera vakarorogo vakatabakidua tiko ki na qaqani sere. Sa rawa talega me matanataki na kena lagati na “Nephi’s Courage” (CS, 120–21). Me kena ivakaraitaki, kerei ira na gone me vaka era taura ligaidua tiko e dua na icocovi ni ra lagata tiko “Au na lako,” ka vaka mera laveta tu e macawa e dua na seleiwau ni ra lagata tiko “Au na lako ka kitaka na ka sa vakarota na Turaga,” ka taubale tu ga vakadua e kea ni ra lagata “Ka niu kila ni sa dau vakarautaka na Turaga na sala; e vinakata o Koya meu talairawarawa kina” Sureti ira na gone mera dui vakaraitaka mai na nodra vakatasuasuataka e dua na sere (eso na ivukivuki ena sega beka ni veiganiti ki na ivakaraitaki ena soqoni ni sakaramede).

Raicalesu ni Sere me Vaqaqacotaki kina na iVakavuvuli ni Kosipeli

Ni ko vakavulica e dua na sere, ena gadrevi me talevi tiko vakawasoma mera vulica rawa kina na gone. Sa na gadrevi vakakina mo raicalesu na sere e lagati ena loma ni yabaki mera na dau nanuma tikoga kina vakavinaka na gone. Ni sa vakavulici oti e dua na sere, raicalesu ka lagata ena kena iwalewale marautaki eso. Mera dau lagalagasere tikoga na gone ena gauna mada ga ni sa oti kina na vakaitavi ena soqoni ni sakaramede mera na daunanuma tikoga kina na gone. Sa rawa mo vola na sere o gadreva mera na raicalesu na gone ena veimataqali iyaya eso (me kena ivakaraitaki, e dua na vutu senikau, ika pepa ena dua na tobu, na taki e vakavutina, na draunikau ena vunikau, se na uto era vakabiri wavoki e loma ni rumu). Kerei ira na gone mera digitaka vakayadudua na iyaya ka mera qai lagata na sere. Oqo eso na ikuri ni vakasama mera dau raicilesu kina na sere (sa vakarautaki tu na ivakaraitaki vakaiyaloyalo ena sharingtime.lds.org):

Kiube ni Lagasere: Cakava e dua na kiube ka volai tu ena yasana yadua na veimataqali ivukivuki. Kerea e dua na gone me cowiritaka na kiube me laurai na ivukivuki mera na matanataka ni ra lagasere.

iVakatakilakila
kiube ni lagasere
Lagasere na Goneyalewa/Lagasere na Cauravou: Cakava e dua na iyaloyalo ni dua na cauravou kei na dua na iyaloyalo ni dua na goneyalewa, ka dregata se tepitaka ki na kedrau kau yadua. Ni sa raicilesu tiko e dua na sere, veisautaka na iyaloyalo me vakaraitaka o cei mera laga. Era na maqusa tiko kina na gone ena vakaitavi.

iVakatakilakila
lagasere na goneyalewa/lagasere na cauravou
Papeti Daulagasere: Lavetaka ka kotiva laivi e dua vei ira na droini era tiko ena tabana 63 ni ivolanikalou ni isususu, Dou Raici Ira na Nomudou Lalai, mera rokataka na gone yadua. Dregata se tepitaka na droini yadua ki na taga pepa me caka kina na papeti. Sureti ira na gone mera laga vata kei na nodra papeti.

iVakatakilakila
papeti daulagasere

iVakatakilakila
boy puppet
iVakatakilakila
girl puppet
Viri kina loma ni Basikete: Sureta e dua vei ira na gone me viritaka e dua na taga ni pinati se tiki ni pepa ki na dua na basikete. Kevaka e vakacuruma ena imatai ni viri, mera qai lagata na gone na qaqana vakadua ga; kevaka me qai curu ena ikarua ni viri, mera qai lagata vakarua, ka me vaka tiko o ya.

iVakatakilakila
viriki na basikete

iVakatakilakila

music, As a Child of God