2020
Elmen an kar Josep Smith ukōt Bok in Mormon?
Eprōļ 2020


Elmen an kar Josep Smith ukōt Bok in Mormon?

Pija
Restoration Project: 213 Translation begins. (Joseph and Oliver working on translation).

Mokta jen an ennooj pilej gold ko, Moronai, rikanaan eo āliktata ilo Bok in Mormon, eaar je taitōļ ioon bok eo me enaaj ukook “jen menin letok im kajoor eo an Anij.” Menin ej kōmeļeļe in ukook eo em̧m̧antata an Bok in Mormon.

Josep Smith ej naan in ukook eo n̄an rijeje eo, Oliver Cowdery. Kōnke Josep eaar ukot juon kajin eo jab jeļā kake, ej aikuj pedped wōt ioon Irooj. Juon iaan wāween eo Irooj eaar jipan̄ ekar leļo̧k kein jerbal ko n̄an jipan̄ Josep ilo ukook. Rikam̧ool ro raar ba Josep eaar lale kein jerbal ko im bwe naan ko raar waļo̧k n̄an e ilo kajin Pālle. Kein ukook ko ekoba “kein ukook ko” ak “Urim im Thummim”—ruo dōkā rōmeo̧meo̧ kar likwōji ilo juon to metaļ bwe Josep en maron̄ loi. Men kein kar leļo̧k n̄an Josep ippān ļo̧k pilej ko. Kein jerbal ko jet Josep ekar kōjerbali rej “dōkā in kanaan” me ekajoor lale, ekkā likūt ilowaan juon at. Josep eaar lo dōkā in m̧oktaļo̧k im kar kōjerbale n̄an lo men rettino ak men ko rejako. Eaar jim̧or kōjerbal kein ukook ko im dōkā in kanaan eo ilo an kar ukook, aolep iien ej pedped wōt ioon im̧we an lan̄.

Ukook eo an Bok in Mormon eaar m̧ool kabwilōn̄lōn̄ im kar dedeļo̧k “jen menin letok im kajoor an Anij.”

Būriin