200 Iiō in Meram
Ilo juon raan, eaiboojoj 200 iiō remootļo̧k, juon ļaddik eaar ilo̧k n̄an bukun wōjke ko n̄an pukot jeorļo̧kin bōd im jar kōn kabun̄ ta eo ej aikuj kobaļo̧k ie. Jān visōn in ekabwilōn̄lōn̄, eaar jeļā bwe ej aikuj jab kobaļo̧k ilo jabdewōt iaer. Menin ej kōkaļļeik jinoin Jepļaaktok eo an gospel eo an Jisōs Kraist—juon em̧m̧akūt eo ej wōnm̧aanļo̧k wōt ilo tōre in ad.
Ilo ennaan in, jej keememe 200 iiō in meram.
-
Būreejtōn Russell M. Nelson eaar katakin wāween aiintok Israel ilo jim̧or jait ko in ran̄ol eo emaron̄ kōpooj kōj im ro jet n̄an Itok eo an Irooj Kein Karuo (peij 6).
-
Elder LeGrand R. Curtis Jr. eaar kwaļo̧k wāween an Armej ro Rekwojarjar ilo Raan ko Āliktata wujlepļo̧k n̄an Jepļaaktok in—im wāween ad kajjojo maron̄ wujlepļo̧k (peij 18).
-
N̄an jodikdik ro, Elder Neil L. Andersen eaar kwaļo̧k bwe jemaron̄ ekkatak jān Visōn eo Moktata (peij 52).
Ilo ad ekkatak jān naan ko an rikanaan eo ad im bwebwenato ko an ro Rekwojarjar im retiljek, jemaron̄ bar jeļā ejja kōn Rikanaan Josep 200 iiō remootļo̧k: bwe Jemedwōj Ilan̄ im Jisōs Kraist rej m̧ool, armej ro remour ro rej iakwe kōj. Im jen kwaļo̧k jeļā in ippān ro m̧ōttad im rituriid.
Ilo kautiej,
Elder Randy D. Funk jen Jiljilimjuonn̄oul eo
Rijeje an Māākjiin ko an Kabun̄ in